Diplomatica Belgica - Details Chartre 3126

DiBe ID

3126

ACTEURS

Auteur(s)
(= auteur de l'acte écrit)

Fonction/titre: évêque
Nom: Réginard
Institution/juridiction: Liège
Diocèse: Diocèse Liège
Principauté: Liège
Ordre religieux:

Disposant(s)

(= auteur de l'acte juridique)

Fonction/titre: évêque
Nom: Réginard
Institution/juridiction: Liège
Diocèse: Diocèse Liège
Principauté: Liège
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Liège (S.Laurent)
Diocèse: Diocèse Liège
Principauté: Liège
Ordre religieux: Bénédictins

DATATION

Datation interprétée (préférentielle)	//1200 (terminus ante quem - BONENFANT)
Datation interprétée (toutes)	3/11/1034 (donnée par document / mentioned in document - ) Qualification érudite: -
	//1200 (terminus ante quem - BONENFANT) Qualification érudite: FALSIFICATION
	//1100 (terminus post quem - BONENFANT) Qualification érudite: FALSIFICATION
Date dans la charte	3/11/1034
Date de lieu (dans le texte)	Leodii
Date de lieu (normalisée)	Liège (BELGIQUE, Région Wallonne, Liège) Diocèse: Diocèse Liège Principauté: Liège

RESUME ET DESCRIPTION

Résumé	donne le domaine de S . Remy-Geest et en règle l'avouerie
Description	Langue: latin Véracité: document tenu pour faux Tradition de l'acte: copie (source diplomatique) Nature diplomatique: charte

TEXTE DU DOCUMENT


In nomine domini nostri Iesu christi. Ego Reginardus preueniente gratia dei Leodiensis episcopus considerans in iudicio domini super uillicatione sancte ecclesie mihi credita me multis curarum nexibus et innumeris ecclesiastice dispensationis debitis implicitum confugi ad consilium et auxilium ipsius domini et secundum dictum ipsius feci mihi amicos de mammona iniquitatis qui me cum defecerim recipiant in eterna tabernacula. Nam ante portam Leodiensis ciuitatis ad salutem et munimem christiani populi monasterium preciosi et gloriosi martyris Laurentii a fundamento construxi et ipsum monasterium una cum domno Piligrino Coloniensis ecclesie archiepiscopo et Ioanne Portuensi episcopo et apostolice sedis legato III nonas nouembris dedicaui et in eo pauperes christi monachos in sancta religione ad honorem et gloriam nominis domini ipsi fideliter seruituros constitui et de rebus siue possessionibus quas habebam uel quas acquirere potui eos heredes meos feci ut ipsi mea carnalia metere et sua spiritualia mihi seminare debeant. Inter quas etiam possessiones tradidi ad altare ipsius beati Laurentii Iest predium in comitatu Louaniensi positum sicut ipsum liberum et ab omni exactione alterius omnino absolutum cum ecclesia sua et sylua episcopali iure tenebam nullum penitus in aliquo participem in ipso habens predio ut ecclesia quoque beati Laurentii ipsum predium cum sua ecclesia in sylua in culturis in decimis in cambis et in omnibus redditibus suis eodem modo et similiter omnino possideret iure perpetuo. Que traditio qualiter sit facta per manum Lamberti Louaniensis comitis quem legitimum aduocatum ecclesie beati Laurentii de ipso esse predio constitui notum facio presentibus et futuris fratribus et omnibus fidelibus ipsius ecclesie et nostris ut solliciti et premuniti sint aduersus malitias prauorum hominum qui rebus ecclesiasticis insidiantur et super eas iniustam sibi usurpant dominationem. Presentibus itaque supradictis episcopis et multis nobilibus et religiosis tam clericis quam laicis ipsum predium cum ecclesia sua et sylua et cum omnibus redditibus ad ipsum pertinentibus tradidi beato Laurentio pro salute anime mee in usus ibi seruientium deo monachorum et episcopali authoritate interdixi et confirmaui ut in hoc predio preter legitimum aduocatum altaris beati Laurentii et eum solum qui de legitimo aduocato ipsam aduocatiam administrabit nullus penitus ibi sit subaduocatus et ipse nihil pro aduocatia sua nisi quod ipsi statutum et difinitum est aliquando ibi exigat. Habebit autem ipse aduocatus auenam suam de mansionariis et cortilanis et uenator ipsius dum circam ad effugandos lupos facit ibi cum duobus tantum aliis pernoctabit et ad opus obsonii ipsorum unum denarium unum panem unam gallinam et unum decimum auene per singulas curtes ipsius predii forestarius accipiet. Qui forestarius pro mercede huius sue exactionis unum de denariis et unum de panibus unam de gallinis atque unum decimum auene retinebit sibi. Ipsi quoque uenatores pro effugandis ut dictum est lupis de illa curte que propria est abbatis sancti Laurentii duos solidos annuatim accipient. De cetero ipsum predium ab omni exactione alicuius comitatus et ab omni implacitatione siue dominio ipsius aduocati ita liberum et absolutum erit ut nunquam ibi uel presente uel absente abbate in placito sedeat ipse aduocatus nisi ab ipso abbate uel a ministris eius pro aliquo summo negocio euocatus et tunc tantummodo tertium accipiat denarium. Nihil quoque ibi nisi quod abbas ei sua manu dederit usurpabit. Nullum ibi obsonium nullam ibi precaturam habebit numquam nisi ab abbate et ministris eius conductus ibi pernoctabit nullam omnino ibi exactionem faciet et nullo modo se intromittet de aliqua iusticia ibi facienda uel de sturma siue burina nisi euocatus pro hoc ipso fuerit et tunc tertium accipiat denarium. Sylua quoque ad ipsum predium pertinens ab eius dominio libera erit ut nec inde uendat neque det alicui neque aliquam partem ipsius sylue usurpet sibi neque alicui ut inde ligna succidat potestatem dare debeat nisi abbas ei dederit aut permiserit. Que constitutio seu traditio ipsius predii ut nulla unquam uiolentia uel iniqua machinatione infringatur aut de sua excidat libertate nos tres episcopi domnus Piligrinus Coloniensis archiepiscopus et ego Reginardus Leodiensis episcopus et Ioannes Portuensis episcopus legatus sedis apostolice eam confirmauimus authoritate patris et filii et spiritus sancti et potestate apostolica per ipsum Ioannem nobis tradita. Quod si quis hanc constitutionem aliqua fraude uel aliqua uiolentia seu alio aliquo modo umquam infregerit eum condemnauimus et anathematizauimus et eternę damnationi substrauimus et partem eius et partem eorum qui ei consilium et auxilium prebuerint posuimus cum Chore Dathan et Abeiron quod uiuos terra deglutiuit et cum Iuda qui dominum et magistrum suum tradidit et postea abiens laqueo suspendit et disrupta sunt omnia uiscera eius et cum diabolo et cum omnibus angelis eius sequacibus eius inferno et eternis ignibus deputauimus. Quam etiam confirmationem presentis sigilli nostri attestatione corroboraui et tam idonei testes sunt adhibiti qui magne reuerentie et splendoris possint esse presentibus et futuris domnus Piligrinus Coloniensis archiepiscopus domnus Ioannes portuensis episcopus apostolice sedis legatus et sancte Romane ecclesie bibliothecarius Wazo maioris ecclesie prepositus Hugbaldus decanus Nizo thesaurarius ex prosapia mea Adelardus Gerardus Wilelmus nobiles laici quorum consilio et cooperatione res eadem acta est Gozelo dux et filius eius Godefridus Herimannus comes arnulphus comes Gislebertus comes Gozelo comes Adalbertus comes Wigerus aduocatus Reimbaldus Hubertus Bernardus Wilelmus Heribertus Oldricus Gerardus Adelardus Godefridus et de genere meo Hunico Wilelmus Humbertus Oldricus Reginardus Razo Obertus de domo mea ministeriales interfuerunt huic confirmationi Aaron Warnerus Thiebaldus Lambertus Euerelinus Thiefridus et alii multi tam clerici quam laici. Actum Leodii III nonas nouembris anno dominice incarnationis M° XXXIIII indictione II anno regni domini Cunradi imperatoris undecimo.

Source	BONENFANT P. 1940

TRADITION

Original	Non
Manuscrit(s)	Liège, Archives de l'Evêché, G III 2 (1501-1600)
	Liège, Archives de l'Evêché, G III 5 (1601-1700)

EDITIONS ET TRAVAUX

Edition(s)	BONENFANT P.. Les chartes de Réginard, évêque de Liège, pour l'abbaye de Saint-Laurent. Etude critique, dans: Bulletin de la Commission royale d'Histoire – Handelingen van de Koninklijke Commissie voor Geschiedenis, 105 (1940), p.306-366., n.7, p.359-363, LIEN
Travaux	BONENFANT P.. Les chartes de Réginard, évêque de Liège, pour l'abbaye de Saint-Laurent. Etude critique, dans: Bulletin de la Commission royale d'Histoire, 105 (1940), p.306-366., p.320-321, 331-334,
	DAUPHIN H.. Le bienheureux Richard, abbé de Saint-Vanne de Verdun (+1046) (Bibliothèque de la Revue d'Histoire ecclésiastique, 24), Louvain-Paris, 1946., p.214-216,
	KUPPER J.-L.. Liège et l'église impériale (XIe-XIIe siècles) (Bibliothèque de la Faculté de Philosophie et Lettres de l'Université de Liège, 228), Paris, 1981., p.128, LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.473, LIEN LIEN