‹
›
retourner aux résultats
| DiBe ID | 3053 |
| ACTEURS |
|
Auteur(s)
(= auteur de l'acte écrit) |
Fonction/titre:
comte/comtesse Nom: Baudouin IX de Constantinople Institution/juridiction: Flandre-Hainaut Diocèse: Diocèse Tournai Principauté: Flandre Ordre religieux: |
|
Disposant(s) (= auteur de l'acte juridique) |
Fonction/titre:
institution monastique Nom: Institution/juridiction: S.Ghislain Diocèse: Diocèse Cambrai Principauté: Hainaut Ordre religieux: Bénédictins |
|
Fonction/titre:
autre Nom: Bliaut (Jean) Institution/juridiction: INCONNUE Diocèse: Principauté: Ordre religieux: |
|
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: S.Ghislain Diocèse: Diocèse Cambrai Principauté: Hainaut Ordre religieux: Bénédictins |
|
Fonction/titre:
autre Nom: Bliaut (Jean) Institution/juridiction: INCONNUE Diocèse: Principauté: Ordre religieux: |
| DATATION |
|
Datation interprétée
(préférentielle) |
/3/1196 (donnée par document / mentioned in document - ) |
|
Datation interprétée
(toutes) |
/3/1196 (donnée par document / mentioned in document - ) Qualification érudite: - |
| /3/1197 (donnée par document / mentioned in document - DUVIVIER) Qualification érudite: - | |
|
Date dans la charte
|
/3/1196 |
| /3/1197 | |
|
Date de lieu (dans le texte) |
in castro Montensi |
|
Date de lieu (normalisée) |
Mons (BELGIQUE, Région Wallonne, Hainaut)
Diocèse: Diocèse Cambrai Principauté: Hainaut |
| RESUME ET DESCRIPTION |
| Résumé | notifie l'accord entre les deux parties au sujet de leurs droits respectifs dans la "villa" de Blaugies |
|
Description
|
Langue:
latin Véracité: document non suspecté Tradition de l'acte: original Nature diplomatique: charte |
| TEXTE DU DOCUMENT |
| Ego Balduinus comes Flandrie et Hainoie notum fieri uolo uniuersis tam presentibus quam futuris quod post longas controuersias inter ecclesiam sancti Gilleni et Iohannem agnomine bliaut super quibusdam bonis in uilla et potestate de Bliagiis tandem meo interueniente consensu et consilio in bonum dilectionis firme que ac perpetue pacis consenserunt. Siquidem ecclesia sancti Gisleni in uilla et potestate illa de iure antiquo in proprietatem quartam partem habebat unde hospitum ipsius uille quartam partem sibi diuisam tenebat. Iohannes autem predictus qui in hospitibus illis exercicionem iusticie quandoque iniuste reclamauerat unde ecclesiam uexare moliebatur omne ius omnem que iusticiam et dominationem ipsi ecclesie libere et quiete dimisit recognoscens et ore proprio iudicans quod in illis nichil iuris habebat Iohannes et quod super his in iusticia exercenda uel quibuscumque modis exegerat hoc quidem iniuste fecerat. De his autem que ecclesia sancti Gisleni ab Alardo de Chastelin sibi in proprietatem acquisierat partem suam quam sibi in participatione retinuerat similiter Iohannes ecclesie liberam et in omni iure et iusticia et dominatione possidendam quiete et iuste dimisit ita quod hec omnia ecclesia sancti Gisleni tam contra Iohannem quam contra alios eiusdem uille potestatis que participes sibi in omni iure et dominatione hac omnibus commodis perpetuo possidenda retinuit. Terra autem que dicitur sancti Petri illa est propria et libera ecclesie sancti Gisleni cum omni iure et dominatione ita quod in illa nichil se habere Iohannes professus est nisi hostagia quedam que homines supra terram illam manentes Iohanni debent pro aquis et pascuis. Hec autem sunt hostagia quod quisque ortus debet annuatim duos sextarios auene et duos solidos denariorum tantummodo. Totum dotalicium cedit in partem ecclesie sancti Gisleni cum omni iure et iusticia et dominatione. Quicquid uero Iohannes sepedictus per uiuarium suum et per alias aisias suas de dotalicio uel warescagio interceperat hoc equa recompensatione ad ualentiam partis que ad ecclesiam pertineat ad profectum ipsius ecclesie excambiuit ita quod excambium illud cedit in partem ecclesie tenendum liberum et iusticiandum tamquam dotalicium. De ecclesie hospitibus uel eorum filiis uel filiabus in uilla sepedicta Iohannes sibi potest nullum retinere per coemptionem uel per matrimonium uel per alium aliquem modum nisi illi hereditarie peruenerit unde de loco ad locum transire possit. Econtra ecclesia sancti Gisleni nullum de Iohannis hospitibus uel eorum filiis uel filiabus per coemptionem uel per matrimonium uel per alium aliquem modum sibi retinere potest nisi illi in dominatione ecclesie peruenerit hereditarie unde ad eam transeat nisi communi ecclesie et Iohannis consensu fiat. Terre ad campos que terragia debent partite sunt ita quod ecclesia sancti Gisleni in eis partem suam habet ad ualentiam qua antea terragia sua accipiebat et in illis sibi partitis ecclesia omne ius et iusticiam et dominationem retinuit. Ille uero terre quas Iohannes se legitime acquisiuisse probare non poterit in proprietatem ecclesie sancti Gisleni deuenient uel ad iustos heredes redibunt qui in illis ius se habere comprobare poterint. Terre quas Iohannes acquisierat legitime terragia uel census debentes ipsi Iohanni remanent saluo in illis iure sancti Gisleni de sua parte cum iusticia et dominatione. Ad hec compositum fuit ut feodum meum quod ad me tenebat Iohannes sepedictus diuideretur fideli et uera diuisione ab allodiis et elemosinis et omnibus sancti Gisleni bonis. Ecclesia uero sancti Gisleni ne in feodo illo a suis bonis diuiso intercipere possit uel debeat me et dilectam coniugem meam Mariam comitissam apud Iohannem obsides posuit. Econtra Iohannes sepenominatus ne de omnibus predictis ad partem ecclesie sancti Gisleni distinctis et expressis ipsam ecclesiam ulterius in aliquo calumpniari seu molestare possit uel audeat me et coniugem meam Mariam comitissam obsides apud eandem ecclesiam constituit et fidei sue religione interposita firmauit quod de lege negationem uel iuramentum facere non possit quin nos exinde erga ecclesiam obsides permaneamus. Et quia his iniustis contra ecclesiam reclamationibus Iohannes in mea presentia constitutus sub quamplurium meorum testimonio fidelium nulla ui coactus sed spontanea uoluntate ductus renuntiauit et omnibus predictis ad partem et proprietatem ecclesie de iure conscriptis et ordinatis benigno fauore acquieuit iudicio curie mee dictatum est ut sepedicta sancti Gisleni ecclesia predictis bonis sub potenti manu dei et mei principatus protectione mee que obsessionis debito perpetua omnimodis et quieta gaudeat possessione. Ut autem hec rata habeantur et inconcussa plenius conseruentur scripti annotatione et sigilli mei appositione ac testium subscriptione de Iohannis laudamento et fidelium meorum consilio ea confirmari decreui. Testes Maria Flandrie et Hainoie comitissa Balduinus abbas Camberonensis Willelmus patruus meus Nicholaus de Barbencione Gislebertus prepositus sancti Germani Gossuinus de Waurin Walterus de uilla Walterus de Keuren Iohannes ruffus de Lestines et quamplures alii. Actum in castro Montensi mense martio anno dominice incarnationis M° C° LXXXX° sexto. | |
| Source | DUVIVIER CH. 1898 |
| EDITIONS ET TRAVAUX |
|
Edition(s)
|
DUVIVIER CH.. Actes et documents anciens intéressant la Belgique (Publications de la Commission royale d'Histoire, Series II in 8°), 2 vol., Bruxelles, 1898-1903., 2, n.111, p.218-221, LIEN LIEN |
| Travaux | DERECK D.. Guillaume l'Oncle (Circa 1150-Novembre 1219). Rôle politique, fortune et descendance d'un fils naturel du comte de Hainaut Baudouin IV, dans: Annales du Cercle archéologique de Mons, 78 (1999), p.43-135., n.52, p.107, |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.402, LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.320, LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 3, p.71, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
