Diplomatica Belgica - Details Chartre 3024

DiBe ID

3024

ACTEURS

Auteur(s)
(= auteur de l'acte écrit)

Fonction/titre: pape
Nom: Lucius III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Lucius III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: chapitre cathédral/collégial
Nom:
Institution/juridiction: Chimay
Diocèse: Diocèse Liège
Principauté: Hainaut
Ordre religieux:

DATATION

Datation interprétée (préférentielle)	//1200 (approximation - DESPY)
Datation interprétée (toutes)	18/2/1182 (nouveau style / new style - RAMACKERS/DUVIVIER) Qualification érudite: -
	18/2/1181 (donnée par document / mentioned in document - ) Qualification érudite: -
	//1200 (approximation - DESPY) Qualification érudite: FALSIFICATION
Date dans la charte	18/2/1181
Date de lieu (dans le texte)	Laterani
Date de lieu (normalisée)	Rome (Latran) (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	prend le chapitre sous sa protection et lui confirme ses possessions (énumération)
Description	Langue: latin Véracité: document douteux Tradition de l'acte: copie (source diplomatique) Nature diplomatique: bulle

TEXTE DU DOCUMENT


Lucius episcopus seruus seruorum dei dilectis filiis decano Cymacensis ecclesie eius que fratribus tam presentibus quam futuris canonice substituendis imperpetuum. Quoties a nobis petitur quod religioni et honestati conuenire dinoscitur animo nos decet libenti concedere et petentium desideriis apostolicum suffragium impertiri. Eapropter dilecti in domino filii uestris iustis postulationibus clementer annuimus et prefatam ecclesiam sancte Monegundis in qua diuino mancipati estis obsequio sub beati Petri et nostra protectione suscepimus et presentis scripti priuilegio communiuimus statuentes ut quascumque possessiones quecumque bona eadem ecclesia impresentiarum iuste et pacifice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis locum ipsum in quo prefata ecclesia sita est cum omnibus pertinentiis suis uillam de Sales cum ecclesia et omnibus pertinentiis suis tam in pratis quam aquis terris seu nemoribus uillam que dicitur Bailieures uillam umbrechies mansum unum apud Machuns Lorenceas Vilercias Celonias Sartem Amusseias Kabrecheias nemora etiam territorio Sales adiacentia de nemore Virelle usque ad clarum Elpram et de aqua Elpre usque ad Badulphi Riuum a Badulphi Riuo usque ad Tornium a Tornio usque ad Benne riuum et inde usque ad magnum Vohum et inde usque ad lutosum Vohum et de origine lutosi Vohum usque ad lacum ubi Machnis cadit in Vohum et inde usque Bihart et inde usque in aquam Walleir et de Sarte sicut fertur Therum usque Valleir et de Therum usque Balleuias item de allodio de Viller usque ad Vartoise et inde usque ad Bertin riuum et usque ad nemus sancti Michaelis et usque ad nemus nobilis uiri Iacobi iuxta Anoram montem etiam Folcardi que omnia contulit comes Erleboldus solemniter ecclesie sancte Monegundis et canonicis eiusdem loci in perpetuum. Ea etiam que uobis in elemosinam dederunt Guarnerius Wasselinus Iohannes terram apud uillam Peys quam uobis contulit Ebelina tertiam partem allodii de Mahem de dono Iohannis prepositi apud Walleirs duos solidos de dono Mison de Longo Prato allodium ortum et pratum sub censu denariorum duodecim de dono Nicholay de Makuns apud uillam que dicitur nimia duos solidos de dono Sebille apud Siccam Uillam allodium quod uobis Werricus contulit allodium de Peys de dono Mison et Kitheri terram de Valle Morensi quam uobis dedit Wedericus mansum de Buren de dono Balduini comitis apud Peys siluas et prata tres solidos super quoddam allodium de Makuns ex dono Simonis prepositi duodecim etiam denarios super quoddam allodium de uallibus item decimam quam apud Fricosos Campos et apud Morignies et iuxta Virellam et quidquid circa Cymacum in pratis siluis aquis terris censibus seruis et ancillis que tam in Cameracensi quam in Leodiensi episcopatu prope uel longe possidetis uillam Mommignies cum omnibus pertinentiis suis et eiusdem uille ecclesiam altare de sancto Remigio cum appenditio suo Spos altare de Virella cum appenditiis suis scilicet Lambrechies Hansignies et uallibus altare de Daillies cum pertinentiis suis altare de Peys cum appenditiis suis altare de Sales cum appenditiis uidelicet Makuns Baleuiis Robecheis Imbrecheis Sarte Lorenceys Vileriis Celoniis molendinum etiam apud Baleuias quod uobis dedit nobilis matrona Ida factum super terram et aquam uestram. Antiquas etiam et rationabiles consuetudines ecclesie uestre hactenus obseruatas ratas habemus eas que decernimus perpetuis temporibus inuiolabiter obseruari. Ad hec presentium auctoritate statuimus ne quis in uos uel ecclesiam uestram excommunicationis suspensionis uel interdicti sententiam absque manifesta et rationabili causa promulget. Sane noualium uestrorum que propriis manibus uel sumptibus colitis siue de nutrimentis animalium uestrorum nullus a uobis decimam exigere uel extorquere presumat. Cum autem generale interdictum terre fuerit liceat uobis clausis ianuis non pulsatis Campanis exclusis excommunicatis et interdictis suppressa uoce diuina officia celebrare. In parrochialibus autem uestris ecclesiis fas sit uobis sacerdotes eligere et dyocesano episcopo presentare quibus si ydonei fuerint episcopus curam animarum committat ut ei de spiritualibus uobis autem de temporalibus debeant respondere. Prohibemus insuper ut nullus infra fines parrochiarum uestrarum absque dyocesani episcopi et uestro consensu et assensu capellaniam uel oratorium construere de nouo presumat saluis priuilegiis apostolice sedis. Sepulturam preterea ipsius loci liberam esse decernimus ut eorum deuotioni et extreme uoluntati qui se ibi sepeliri deliberauerint nisi excommunicati uel interdicti fuerint nullus obsistat salua tamen iustitia illarum ecclesiarum a quibus mortuorum corpora assumentur. Obeunte uero te nunc fili decane uel tuorum quolibet successorum nullus ibi qualibet surreptionis astutia seu uiolentia preponatur nisi quem fratres communi consensu uel fratrum pars consilii sanioris secundum dei timorem et beati Augustini regulam prouiderint eligendum. Decernimus ergo et nulli omnino hominum fas sit prefatam ecclesiam temere perturbare aut eius possessiones aufferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua apostolice sedis auctoritate et dyocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonitu nisi reatum suum digna satisfactione correxerit potestatis honoris que sui dignitate careat ream que diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districte ultioni subiaceat cunctis autem eidem loco sua iura seruantibus sit pax domini nostri Iesu christi quatinus et hic fructum bone actionis percipiant et apud districtum iudicium premia eterne pacis inueniant. Amen. Datum Laterani per manum Alberti sancte Romane ecclesie presbiteri cardinalis et cancellarii XII kalendas- martii indictione XV incarnationis dominice anno M° C° LXXXI° pontificatus uero domini Lucii pape III anno primo.

Source	RAMACKERS J. 1934

TRADITION

Original	Non
Copie(s) séparée(s)	Bruxelles, Archives générales du Royaume / Algemeen Rijksarchief [AGR],
Manuscrit(s)	Bruxelles, Archives générales du Royaume / Algemeen Rijksarchief [AGR], Trésor de Flandre I ()

EDITIONS ET TRAVAUX

Edition(s)	DARDENNE G.. Chimay: le chapitre, la paroisse, le couvent, dans: Documents et Rapports de la Société paléontologique et archéologique de l'Arrondissement judiciaire de Charleroi, 32-33 (1911), p.69-304., p.283-286,
	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.240, p.388-389,
Travaux	DESPY G.. Deux actes faux fabriqués au chapitre de Chimay : la " charte d'Erlebold de 887 " et la " bulle de Lucius III de 1182 ", dans: Mélanges d'Histoire, d'Histoire de l'Art et d'Archéologie offerts à Jacques Stiennon, Liège, 1982, p.115-128., passim,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.266, LIEN LIEN