Diplomatica Belgica - Details Chartre 2945

DiBe ID

2945

ACTEURS

Auteur(s)
(= auteur de l'acte écrit)

Fonction/titre: évêque
Nom: Eudes
Institution/juridiction: Cambrai
Diocèse: Diocèse Cambrai
Principauté: Cambrai
Ordre religieux:

Disposant(s)

(= auteur de l'acte juridique)

Fonction/titre: évêque
Nom: Eudes
Institution/juridiction: Cambrai
Diocèse: Diocèse Cambrai
Principauté: Cambrai
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Widerichus abbé
Institution/juridiction: Hautmont
Diocèse: Diocèse Cambrai
Principauté: Hainaut
Ordre religieux: Bénédictins

DATATION

Datation interprétée (préférentielle)	25/12/1110 (terminus ante quem - VAN MINGROOT)
Datation interprétée (toutes)	25/12/1110 (terminus ante quem - VAN MINGROOT) Qualification érudite: -
	2/7/1110 (terminus post quem - VAN MINGROOT) Qualification érudite: -
	//1110 (donnée par document / mentioned in document - ) Qualification érudite: -
Date dans la charte	//1110
Date de lieu (dans le texte)
Date de lieu (normalisée)	Diocèse: Principauté:

RESUME ET DESCRIPTION

Résumé	confirme les possessions de l'abbaye (énumération)
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: charte

TEXTE DU DOCUMENT


In nomine sancte et indiuidue trinitatis patris et filii et spiritus sancti. Odo diuina permissione humilis Cameracensium episcopus presentibus et futuris in perpetuum. Cum ex apostolica inuitatione bonum ad omnes maxime autem circa domesticos operari habeamus nobis quibus pastoralis solicitudo commissa est diligentius est adnitendum ne in conspectu iusti exactoris inutiles et infructuosi appareamus. Proinde ecclesiastice paci congaudentes audito clericorum nostrorum consilio reuerendi filii nostri Guidrici Altimontensis abbatis canonice petitioni condescendimus eam que cui preest ecclesiam in honore beati Petri apostolorum principis fundatam preuilegii nostri munimento consolidamus. Sancimus igitur ut regum donaria episcoporum largitiones ducum comitum que et ceterorum oblationes que prelibate ecclesie antiquitus tradita nos usque permanserunt futuris temporibus absque omni retractatione eadem ecclesia possideat eo quidem tenore ut quicumque ulterius subtersignatas ecclesie huius possessiones scienter inquietauerit perpetue maledictioni nisi resipuerit subiaceat. Antiqua autem prefate ecclesie possessio hec est Altus Mons cum altari et ecclesia Giureium Vetusranium Lismons cum altari et ecclesia Fontane Ferarie superiores cum altari et ecclesia ex alteris Ferariis altare cum ecclesia et quinque mansi et mansum Hezelini Gogeie cum altari et ecclesia in Hauaio decem mansi in Cypleio decem in Stancirca decem in Hoslois quinque in Roberceiis quinque apud Sanctum Albanum altare cum ecclesia et septem mansi apud Bosierias septem mansi apud Pericias unus in Ralleiis dimidius in Senuescio dimidius apud alterum Senuescium duo bonaria in Rameriis duo mansi in Laudunensi pago apud Moncellos unus mansus Caluus Mons Sancta Luna dimidie Hasbinie apud Warineium Adatum Resinium Slogium decime culturarum apud Berellum duo mansi apud Cauelonios unus in Ragilleiis Bursutho Dalsurth Guedrenegiis Gualdenegiis culturarum et dominicorum pratorum decime et consortia apud Bussuthum duo mansi apud Bauaium quinque curtilia cum quartario in Hunfranni Monte dimidia pars in Obigiis iuxta Montem Castrilocum decem mansi. Hec autem antiquitus ecclesie sunt tradita sed que inferius continentur tempore prefati filii nostri Guidrici sunt adquisita in Alto Monte uiginti solidi in Slogio Mons scilicet undecim mansi cum mancipiis utriusque sexus terris cultis et incultis siluis pratis molendino camba matera comitatu aduocatia cum omni districtu apud Giureium altare sancti Petri cum ecclesia et altare sancti Martini cum dimidia ecclesia in Hunfranni Monte altare cum ecclesia cum totius uille dimidio terris cultis et incultis molendino districtu etiam comitatu et aduocatia in Rembreceis una pars uille cum pratis terris cultis et incultis districtus uero comitatus et aduocatia in Senuescio due etiam partes tam uille quam ecclesie cum pratis siluis terris cultis et incultis in Sancto Vedasto tertia pars ipsius uille cum omni adiacentia altare de Dorlers Habinie cum omnibus appendentiis districtu comitatu et aduocatia fulobegie similiter excepto comitatu in Giureio Alberti alodium cum alodio Drogonis in estr-- pars una alodii cum omni adiacentia apud Haregni altare cum appendiciis suis. Ne autem he prenominate possessiones aliquo cuiusuis --- ab ecclesia defraudentur data conseruantibus benedictione in preuaricatores quoad resipuerint patris et filii et spiritus sancti maledictionem seminamus. Nos uero dignitati nostre preuidentes in perpetuum decernimus ut prenominatus abbas sui que successores ecclesie Cameracensi nobis que et successoribus nostris canonice substitutis penitus obediunt concilia nostra adeunt altaria praelibata saluis per omnia nostris et ministrorum nostrorum debitis libere possideant ita tamen ut presbiteri qui eo cantaturi sunt cura de manu nostra recepta de sinodalibus nobis et ministris nostris respondeant. Igitur per hanc nostre auctoritatis paginam saepefata ecclesia conualescat eam ipsam sigilli imaginatione conformamus atque subsignatione earum personarum testimonio autenticamus. Signum Erlebaldi prepositi. Signum Ioannis archidiaconi. Signum Radulphi archidiaconi. Signum Anselli archidiaconi. Signum Theoderici archidiaconi. Signum Eurardi archidiaconi. Signum Erleboldi decani. Signum Balduini Bernardi Gerardi Hugonis Mascellini canonicorum. Actum est autem hoc anno incarnati uerbi millesimo centesimo decimo indictione III presulatus domini Odonis sexto. Ego Guerinboldus cancellarius scripsi et recognoui.

Source	DEVILLERS L. 1867

TRADITION

Original	Non
Manuscrit(s)	Paris, Bibliothèque nationale de France [BNF], Nouvelles acquistions latines 1386 (1201-1300)

EDITIONS ET TRAVAUX

Edition(s)	DEVILLERS L.. Analectes ou choix d' actes inédits concernant des localités du Hainaut, dans: Description analytique de Cartulaires et Chartriers accompagnés du Texte de Documents utiles à l'Histoire du Hainaut, 3 (1867), p.233-290., p.151-154, LIEN
Travaux	VAN MINGROOT E.. Liste provisoire des actes des évêques de Cambrai de 1031 à 1130, dans: Serta devota in memoriam Guillelmi Lourdaux. Pars posterior: cultura mediaevalis, ed. W. VERBEKE, M. HAVERALS, R. DE KEYSER, J. GOOSSENS (Mediaevalia Lovaniensia, n.21), Leuven, 1995., n.26, p.38,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.199, LIEN LIEN