‹
›
retourner aux résultats
| DiBe ID | 2883 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Roger de Wavrin Institution/juridiction: Cambrai Diocèse: Diocèse Cambrai Principauté: Cambrai Ordre religieux: |
|
Disposant(s) (= auteur de l'acte juridique) |
Fonction/titre:
évêque Nom: Roger de Wavrin Institution/juridiction: Cambrai Diocèse: Diocèse Cambrai Principauté: Cambrai Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Arnoul abbé Institution/juridiction: Ninove Diocèse: Diocèse Cambrai Principauté: Flandre Ordre religieux: Prémontrés |
| DATATION |
|
Datation interprétée
(préférentielle) |
//1189 (donnée par document / mentioned in document - ) |
|
Datation interprétée
(toutes) |
//1189 (donnée par document / mentioned in document - ) Qualification érudite: - |
|
Date dans la charte
|
//1189 |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | confirme plusieurs droits de l'abbaye , dont en particulier ceux qu'elle possède sur les églises de Ninove et Liedekerke |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| In nomine sanctae et indiuiduae trinitatis. Rogerus dei gratia Cameracensis episcopus modernis et posteris in perpetuum. Eorum precibus clementiorem praebemus auditum qui abiecta mundi sarcina feruentius amabili iugo christi subigunt collum inde est quod dilecte fili Arnulfe abba Niniuensis ecclesiae tibi tuis que posteris e speciali auctoritate perpetuo confirmamus quidquid tibi a summis pontificibus et insuper a meis praedecessoribus confirmatum est addimus praeterea ex caritatis affluentia ut in parochia Niniuensi et in parochia de Lidekerke curam habeas et auctoritatem ponendi sacerdotes. Insuper si aliqua istarum ecclesiarum humano quod absit sanguine uel alio contaminationis genere uiolata fuerit cum aqua episcopi tibi tuis que fratribus eam reconciliandi potestatem tribuimus. Si uero aliquis aliquid tuarum rerum abstulerit quod nec reddere nec recredere uoluerit in quacumque parochia nostri episcopatus res ita detentae fuerint si domnus uel aduocatus fuerit diuina cessare iubemus si priuata persona excommunicetur malefactores etiam nostros ut sunt incendiarii rerum que raptores uel interfectores animalium et fratres spoliantes uel afficientes iniuriis uobis excommunicare concedimus et saluo iure nostro absoluere si resipuerint. Abbatiam quoque Niniuensem cum omnibus in coemeterio contentis et cum his etiam qui illuc aliquod periculum euitando confugerint sub christi pace in securitate et quiete manere iubemus. Eleemosynam quoque Gerardi de Niniue et fratris eius Arnulfi suarum que sororum nouem uidelicet bunariorum terrae manipulum et quidquid iuris in ipsis bunariis habebant. Quod pro anima matris suae Mathildis ipsi Niniuensi ecclesiae liberrimum contulerunt episcopali auctoritate perpetuo ratum fore statuimus sed et eleemosynam quam habet ipsa ecclesia Niniuensis a Willelmo qui ibidem conuersus effectus est et ab Henrico Walrano fratre eius molendinum uidelicet et pratum cum pascuis et omnibus aysentiis simili munimento stabilimus cum nemore et plano et prato quod in eleemosynam dedit Henricus de Lewa et uxor eius Heluwif annuentibus liberis suis. In loco contiguo atque contermino dedit Symon de Ledeberga concedentibus liberis suis Gotino et Gertrude totum nemus pertingens usque ad boscum sancti- Aycadri saepedictae ecclesiae in eleemosynam quam cum omnibus quae similiter ipse Symon dedit simili auctoritate tuemur eleemosynam quoque fratris Herbrandi totum uidelicet quod ecclesia Niniuensis tenet a Niuellensi ecclesia ad annuum canonem in nemore et plano atque nemusculo quod dicitur Elsebroc cum omnibus aysentiis aquae atque pascuorum in parochia de Merbec molendinum que de Wolput cum sua exclusa et uiuario omnibus atque pertinentiis suis quae pro alio allodio cambiando acquisiuit ipsa ecclesia ab Herbrando aduocato quae omnia qui dominus fuit castri illius quod dicitur Eighin contra omnes inquietantes acquietare et warandire tenetur speciali tuitione defendimus. Integram quoque medietatem totius uillae de Strithem quam dedit Wilhelmus per manus dominorum suorum in censum et quintum manipulum omnium fructuum qui excoluntur in agro et mansuris et aduocatia de Cathem quam ipsa tenet ecclesia de manu castellani Brucellensis et ducis simili modo nostra confirmat auctoritas. Sed et loco qui dicitur Reineri sartus domum quam habet Niniuensis ecclesia ab omni inquietanti quietam permanere decernimus decimam que omnem prout agri coluntur inter minorem et maiorem Sennam siue frugum fuerit siue feni iam dictae ecclesiae confirmamus excepto tertio manipulo de Malauilla et agellulo uersus Hubaumont. Insuper molendinum cum uiuario nostro et exclusa et cursu aquae qui exclusae oportunus est et quidquid terrae de Roseniaco uia diuidit a Colini bunario uersus molendinum et Amati pratum caetera que omnia de Gerardi suae que filiae eleemosyna prouenientia quae annuentibus dominis de Arkenna saepe dictae ecclesiae contulerunt pontificali ei uigore confirmamus. In tota etiam parochia siue potestate de Senefia habet ipsa Niniuensis ecclesia in plano et nemore pascuam animalium suorum et in ipso nemore usum lignorum siue ad ignem siue ad aedificia uel prorsus ad quemlibet curiae expedientia. Quae ut omni calumnia eliminata rata et inconuulsa in aeuum permaneant auctoritate nostri scripti et a titulatione testium omnia supradicta roboramus. Signum Walteri Sygeri Nicholai archidiaconorum. Signum Egidii de Gondelcort. Signum Walteri capellani Egidii de montibus. Actum anno uerbi incarnati MCLXXXIX praesulatus uero nostri decimo secundo. Ego Walterus cancellarius subscripsi et recensui. | |
| Source | DE SMET J.J. 1837 |
| TRADITION |
| EDITIONS ET TRAVAUX |
|
Edition(s)
|
DE SMET J.J.. Recueil des chroniques de Flandre (Publications de la Commission royale d'Histoire, Series I in 4°), 4 vol., Bruxelles, 1837-1841., 2, n.62, p.800-801, LIEN |
| Travaux | PUT E.-PEERSMAN C.. Inventaris van het archief van de Sint-Cornelius- en Sint-Cyprianusabdij te Ninove (met inbegrip van archieven van het leenhof ten Berge in Woubrechtegem en de laathoven van de abdij in Ninove en Kattem). 1092-1796 (1812) (Rijksarchief te Beveren. Inventarissen), Brussel, 2008., Ressource électronique, K144 - 60/11, LIEN LIEN |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.682, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
