‹
›
retourner aux résultats
| DiBe ID | 2852 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Nicolas I Institution/juridiction: Cambrai Diocèse: Diocèse Cambrai Principauté: Cambrai Ordre religieux: |
|
Disposant(s) (= auteur de l'acte juridique) |
Fonction/titre:
évêque Nom: Nicolas I Institution/juridiction: Cambrai Diocèse: Diocèse Cambrai Principauté: Cambrai Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Ninove Diocèse: Diocèse Cambrai Principauté: Flandre Ordre religieux: Prémontrés |
| DATATION |
|
Datation interprétée
(préférentielle) |
//1165 (donnée par document / mentioned in document - ) |
|
Datation interprétée
(toutes) |
//1165 (donnée par document / mentioned in document - ) Qualification érudite: - |
|
Date dans la charte
|
//1165 |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | confirme et protège les possessions de l'abbaye dont il donne une énumération |
|
Description
|
Langue:
latin Véracité: document non suspecté Tradition de l'acte: original Nature diplomatique: charte |
| TEXTE DU DOCUMENT |
| -crux-. In nomine sancte et indiuidue trinitatis. Ego Nicholaus dei gratia Cameracensis ecclesie episcopus tam presentibus quam futuris in perpetuum. Quia propitiante domino pontificali cathedre licet indigni presidemus et si omnibus in commune nostre dioceseos fidelibus generalem curam debemus illis tamen qui felici naufragio abiecta seculari sarcina de mundi huius fluctuante pelago ad tranquillum et placidum contemplationis portum enatauerunt speciali dilectionis et sollicitudinis necessitudine obligamur ut et ex nostris eis prodesse et aliorum erga eos liberalitatem approbare et firmare studeamus quatinus pia uicissitudine de orationibus eorum aliquod imperfectioni nostre subsidium comparemus. Igitur notum facimus tam modernis quam posteris quod ecclesiam de Niniue quam cum omnibus suis appertinentiis pie memorie predecessor noster Burchardus Cameracensis episcopus Amolrici constabularii Flandrensis deuotissima petitione liberam effecerat canonicis que delegauerat nos quoque assensu priorum canonicorum et rogatu domini Gerardi prefati Amolrici filii eiusdem ecclesie aduocati fratribus secundum apostolicam institutionem et tenorem Premonstrati ordinis cum suo abbate loco priorum canonicorum ibidem subrogatis cum eisdem suis appertinentiis liberam et ab omni exactione quietam concessimus statuentes quatinus pro anima prefati Gerardi utpote fundatoris abbatie in eadem ecclesia iugis memoria habeatur. Porro ne deinceps idem fratres posterorum infestatione inquietati requietionis sue amenitate priuentur placuit quasdam possessiones prefate ecclesie priuilegio nominatim commendare et nostra auctoritate ut inconcusse permaneant corroborare. Sunt autem he de terra antiquitus ab eadem ecclesia possessa XXVI bunarii tota decima de Niniue omnes mansi circa atrium eiusdem ecclesie a manso Reineri ultra Caldenberga pertingentes et ad riuum usque tendentes molendinum infra atrium de allodio Willelmi de Merbecca aliud molendinum cum XIIII-cim bunariis terre et tribus bunariis silue duo bunarii iuxta atrium de allodio Amolrici pueri curtis Rubroc cum circa iacens terris et siluis apud Gisengem curtis Gerardi de Curia cum decem et VIII° bunariis in terris et siluis curtis Wethencot cum XV-cim bunariis terre de terra Amolrici de Stenusia iuxta Quercetum quatuor bunarii terre et tres bunarii silue et tertia garba decime de Okengem curtis Scora cum circa iacentibus terris siluis terra quam dedit Herbrandus aduocatus de Merbecca in Rubroc et super culturam de Niniue allodium de Trube allodium quod dedit Clarenbaldus ad Tillietum et quod cambiuit apud Kipsteca et Boxdale allodium quod dedit Balduinus de Poleca tota decima de Herlinchouen ibidem terra Dunst Ilant Kesplant Henrici Rot terra iuxta Anahou Ganstrata Hongerot Viuerbroc Perreken Rostwic silua Mentogh due garbe decime de Florsengem apud Roslar allodium quod dedit domnus Gerardus aduocatus de Niniue cum suis participibus hereditas Oioti et coheredum eius terra quam dedit Robbertus de Asplar silua quam dedit Sigerus de Bosca terre et silue quas dedit Gillebertus de Eham terra de Berleisuelt quam dedit Thomas de Escha silua quam dedit Hillinus curtis Reinirsart cum siluis terris pratis circa iacentibus de quibus Hugo pauper et filius eius Franco et Gislardus frater ipsius omne ius suum dederunt exceptis tribus solidis Niuellensibus per annum et excepta decima terre ante arabilis de noualibus uero L sartis suam partem decime similiter dederunt ad arcendas autem quorumlibet importunitates data conseruatoribus benedictione in preuaricatores quoad resipuerint excommunicationis sententiam promulgamus atque canonica subsignatione et sigilli nostri appositione huius nostri decreti paginam confirmamus. Signum Theoderici prepositi signum Petri Alardi Euerardi Ostonis archidiaconorum. Signum Hugonis decani Galteri cantoris. Signum Galteri de Dica Iohannis Garini Arnulfi Iohannis de Forest presbyterorum. Signum Bartholomei Galteri Oilrici Galteri de Caldenberga Leuitarum. Signum Anselli de Cymai Iohannis Anselli de Bealmeis subdiaconorum. Signum Paruini Gilleberti de Monte Sancti Martini Galandi de sancto- Autberto abbatum. Actum anno uerbi incarnati M° C° LX° V° presulatus uero nostri XX° VIIII°. Ego Galcherus cancellarius subscripsi et recognoui. | |
| Source | DE SMET J.J. 1837 |
| TRADITION |
| EDITIONS ET TRAVAUX |
|
Edition(s)
|
VAN DE PERRE D.. De oudste bisschoppelijke en grafelijke oorkonden van de abdij van Ninove (1138-1167) dans: Analecta Praemonstratensia, 77 (2001), p. 54-93., p.85-89, |
| DE SMET J.J.. Recueil des chroniques de Flandre (Publications de la Commission royale d'Histoire, Series I in 4°), 4 vol., Bruxelles, 1837-1841., 2, n.22, p.767-768, LIEN | |
| Travaux | PUT E.-PEERSMAN C.. Inventaris van het archief van de Sint-Cornelius- en Sint-Cyprianusabdij te Ninove (met inbegrip van archieven van het leenhof ten Berge in Woubrechtegem en de laathoven van de abdij in Ninove en Kattem). 1092-1796 (1812) (Rijksarchief te Beveren. Inventarissen), Brussel, 2008., Ressource électronique, K144 - 3, LIEN LIEN |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.465, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
