Diplomatica Belgica - Details Chartre 27922

DiBe ID

27922

ACTEURS

Auteur(s)
(= auteur de l'acte écrit)

Fonction/titre: seigneur
Nom: Godefroid II de Schoten
Institution/juridiction: Breda
Diocèse: Diocèse Liège
Principauté: Brabant (Leuven)
Ordre religieux:

Disposant(s)

(= auteur de l'acte juridique)

Fonction/titre: seigneur
Nom: Godefroid II de Schoten
Institution/juridiction: Breda
Diocèse: Diocèse Liège
Principauté: Brabant (Leuven)
Ordre religieux:

Bénéficiaire(s)

(= bénéficiaire)

Fonction/titre: duc/duchesse
Nom: Henri I
Institution/juridiction: Brabant
Diocèse: Diocèse Cambrai
Principauté: Brabant (Leuven)
Ordre religieux:

DATATION

Datation interprétée (préférentielle)	25/2/1212 (donnée par document / mentioned in document - )
Datation interprétée (toutes)	25/2/1212 (donnée par document / mentioned in document - ) Qualification érudite: -
	25/2/1213 (nouveau style / new style - VERACHTER) Qualification érudite: -
	24/2/1213 (date impossible / impossible date - VERKOOREN/NIERMEYER/STEURS) Qualification érudite: -
	//1212 (donnée par document / mentioned in document - MARSHALL-BOGAERTS) Qualification érudite: -
Date dans la charte	//1212
	25/2/1212
Date de lieu (dans le texte)	apud Lovanium
Date de lieu (normalisée)	Louvain (BELGIË, Vlaams Gewest, Vlaams-Brabant) Diocèse: Diocèse Liège Principauté: Brabant (Leuven)

RESUME ET DESCRIPTION

Résumé

le seigneur de Breda fait connaître les conditions auxquelles le duc de Brabant lui a donné en fief la moitié des droits de tonlieu qui se perçoivent sur l'Escaut et la Striene ainsi que les fiefs de Schakerlo et d'Ossendrecht ; il s'engage , tant en son nom qu'au nom de ses héritiers qui après lui seront seigneurs de Breda et de Schoten , à les observer ponctuellement et à tenir ces fiefs à hommage lige du duc et de ses successeurs [au marquisat d'Antwerpen]

Description

Langue: latin
Véracité: document non suspecté Tradition de l'acte: copie (source diplomatique)
Nature diplomatique: charte

TEXTE DU DOCUMENT


In nomine, sancte et indiuidue Trinitatis. Ego Godefridus de Breda omnibus imperpetuum. Quia ea que solis mortalium memoriis commendantur tractu temporis facilie elabuntur, utile uisum est, ut ea que memoria sunt digna, scripto perpetuentur. Igitur presenti pagina notum fieri uolumus tam futuris quam presentibus, quod omnibus hominibus qui toloneum nauium per Strenam et Scaldam ab Henrico duce in feodum tenebant, propter eorum insolentiam et uiolentiam quam transeuntibus inferebant, sentencia hominum suorum et parium ipsorum fecit abiudicari. Cuius tolonei medietatem sibi reseruans, aliam medietatem nobis in rectum feodum contulit, ea conditione quod nos nostris uiribus et potestate omnibus per predictas aquas transeuntibus, quousque eius conductus extenditur, pacem faciemus sine suis laboribus et expensis, nisi forte tanta contra nos inualesceret potentia, quod manifestum esset, nos suo indigere auxilio, tunc corpore proprio, si opus fuerit, et tota terra sua nobis assistere debet. De uniuersis nauibus teloneum debentibus nos medietatem et predictus dux aliam medietatem percipiet, sed pro uino quod a nauibus uinum portantibus prius inmoderate accipi solebat, tres tantum denarios Coloniensis monete de quolibet uase accipi decreuit, quorum duos sibi retenuit, tertium nobis conferens. Ad teloneum istud accipiendum nos propriam nauem et proprium telonearium habebimus; similiter dux propriam nauem et proprium telonearium habebit. Et uterque nostrum, ubicumque uoluerit, suum teloneum accipiet super aquam que Scalda nuncupatur. Et ut omnis mala consuetudo uinum accipiendi uel bibendi Cesset, decreuit, ut quicumque telonei ducis uel nostri Godefridi amministrator extiterit, si a mercatoribus uinum exegerit uel gratis oblatum acceperit, corpus eius in nostra erit potestate et sine spe restitutionis exheredabitur. Mercator uero, qui eis uinum propinauerit uel obtulerit, elegancius uas uini quod in naue fuerit, amittet. Preterea hominibus qui Scakerslo in feodum ducis tenebant, propter iniuriam et uiolentiam, quam tam in aquis quam super terram hominibus, omne feodum de Scakerslo meritis suis exigentibus sentencia parium suorum eis fecit abiudicari, et nobis illud cum omni integritate in rectum feodum contulit. Similiter et feodum de Ossendrecht, sicut hii qui ante hoc ab eo tenuerunt, nobis contulit in feodum, tali conditione adiecta, quod de Scakerslo et Ossendrecht nos in propria persona uel heres, qui Breda uel Scotum tenebit, idem feodum semper a duce habebit, nec alium inde infeodare poterimus. Item quicumque de hominibus nostris terram ducis ad manendum intrauerit, ipse in pace eos possidebit, nisi forte milites uel filii militum, uel de familia nostra fuerint. Si uero ad nos redire uoluerint, sicut prius, nostri erunt. Eadem forma de hominibus ducis obseruabitur, si causa manendi ad nos se transtulerint. Si uero transeuntes a nobis ad ducem terram sub nobis habuerint, nos seruicium de terra illa tam moderate accipiemus, sicut de hominis nostri equeualente et uicina illi faciemus et idem facere tenetur dux de terra hominum suorum ad nos transeuntium, ne a nobis ad cum transire uolentes uel ab eo ad nos in aliquo propter hoc ab altero nostrum deterioren tur; si uero ab altero nostrum aliqui ad alterum recedentes in aliquo ante excesserint uel de aliqua re eis calumpnia mota fuerit secundum quod excessus uel calumpnia exegerit per sentenciam nobis emendare debent. Item quicumque homines ducis die huius conuentionis facte opida libera, que de nouo fecerat, intrauerant ad manendum, scilicet Oesterwiic, Arendonc, Herentals, Turnhout, Hostrathen, si uoluerint ibi semper maneant et nos de terra eorum in nostro dominio iacente ita moderatum seruicium accipiemus, quale de terra hominis nostri equeualente consueuimus accipere, ita quod propter hoc nullum detrimentum sustineant; si uero redire uoluerint nos eos equo animo recedere patiemur. Si autem post tempus huius conuentionis facte ad predicta opida noua uel alia, si qua noua dux fecit, libera causa morandi transire uoluerint, nisi consencientibus nobis hoc faciant, bona eorum in potestate nostra erunt et de eis uoluntatem nostram faciemus, ita quod ducem per hoc non offendemus. Item per omnia obseruandum est de hominibus ducis, si forte eo inuite ad opida libera nostra eos transire contigerit. Uerum si qui homines nostri ad opida ducis ab antiquo edificata, scilicet Buscum, Sichghenen, Arscot, Lyram, Antwerpiam, Louanium, et his similia causa manendi transire uoluerint, libere hoc facere poterunt, tali iure, quali semper ab antiquo transire solebant. Hec omnia sicut prelibatum et prescriptum est nobis et heredibus nostris in rectum feodum dux contulit tenendum ab ipso et ab eius heredibus, e contra nos ipsi duci sicut domino nostro ligio promisimus et iuramento confirmauimus quod cum omnibus castris nostris, cum tota terra nostra, hominibus et ministerialibus nostris et corporee proprio nos et heredes nostri ammodo duci et heredibus suis seruiemus fideliter contra omnes homines, qui mori et uiuere possunt. Et ad huius rei confirmationem ex mandato nostro specialiter omnes terre nostre milites et militum filii et duodecim uillarum nostrarum homines ducenti et quadraginta ad hoc electi iurauerunt et se et suos heredes ad hoc obligauerunt quod, si forte nos uel heredes nostri ea, que predicta sunt, infregerint uel duci, sicut pretaxatum est, fideliter non seruierint, ipsi totis iuribus et bonis suis duci siue heredibus eius contra nos uel heredes nostros seruient, donec nos uel heredes nostros ad fidele seruitium ducis reuocauerint. Uice uersa, si nobis aliquis causa ducis gherram mouere attemptauerit, dux nobis modis omnibus assistet uel si aliquis iniuste nos exheredare uoluerit, quamdiu iuri parere uel consilio ducis stare parati fuerimus dux nobis tanquam ligio homini suo non deerit, quod ipse dux cum omnibus precedentibus articulis iuramento confirmauit et nos eadem iuramento confirmauimus. Ut autem huius constitutionis nostre pagina in posterum illibata et inconuulsa seruetur, eam conscribi et appositione sigilli nostri cum subscriptione testium fecimus roborari. Nomina testium sunt hec: Walterus Bertoldus, Gerardus de Grembergen, Arnoldus de Ranst, Godefridus, castellanus Bruxellensis, Arnoldus de Wesemale, Arnoldus, dapifer, Robinus de Thenis, Willelmus de Ekerna, Bastinus de Berlaer, Willelmus de Lyera, Walterus de Rimnam, Arnoldus, ammannus Antwerpiensis, Willelmus de Halle et alii quamplures. Acta sunt hec apud Louanium anno incarnationis dominice M° CC° XII°, sexto kalendas marcii.

Source	DILLO M.-VAN SYNGHEL G.A.M. 2000

TRADITION

Original

Non

EDITIONS ET TRAVAUX

Edition(s)	MARSHALL E.-BOGAERTS F.. Bibliothèque des antiquités belgiques, 2 vol., Anvers, 1833-1834., 1, n.2, p.33-37, LIEN LIEN
	KOCH A.C.F.. Oorkondenboek van Holland-Zeeland tot 1299. I: eind van de zevende eeuw tot 1222, 'S-Gravenhage, 1970., 1, n.318, p.499-500, LIEN LIEN
	DILLO M.-VAN SYNGHEL G.A.M.. Oorkondenboek van Noord-Brabant tot 1312, II. De heerlijkheden Breda en Bergen op Zoon, 1 (709-1288) (Instituut voor Nederlandse Geschiedenis), 2 vol., Den Haag, 2000., II,1, n.938, p.155-158, LIEN LIEN
Travaux	VERACHTER F.. Titre Inventaire des anciens chartes et privilèges et autres documents conservés aux archives de la ville d'Anvers, 1193-1856, Anvers, 1860., n.5, p.3,
	VERKOOREN A.. Inventaire des chartes et cartulaires des duchés de Brabant et de Limbourg et des pays d'Outre-Meuse. Deuxième partie: Cartulaires - Tome I (800-1342) (Archives générales du Royaume), Bruxelles, 1961., II,1, p.42-43,
	NIERMEYER J.F.. Bronnen voor de economische geschiedenis van het Beneden-Maasgebied. Eerste deel: 1104-1399 (Rijks geschiedkundige publicatiën. Grote serie, 127), 'S-Gravenhage, 1968., 1, n.16, p.8-9, LIEN LIEN
	STEURS W.. Les franchises du duché de Brabant au Moyen Age, dans: Bulletin de la Commission royale pour la Publication des anciennes Lois et Ordonnances de Belgique, 25 (1971-1972), p.139-295., n.18, p.231-232,
	VERACHTER F.. Stadsarchief Antwerpen. Regestenlijst Privilegekamer (1193-1730), Antwerpen, 1999. URL: http://www.felixarchief.be/Unrestricted/Folder\_Boom.aspx, p.1, LIEN