Diplomatica Belgica - Details Chartre 2721

DiBe ID

2721

ACTEURS

Auteur(s)
(= auteur de l'acte écrit)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Daniel abbé
Institution/juridiction: Cambron
Diocèse: Diocèse Cambrai
Principauté: Hainaut
Ordre religieux: Cisterciens

DATATION

Datation interprétée (préférentielle)	28/11/1171 (nouveau style / new style - JAFFE)
Datation interprétée (toutes)	28/11/1171 (nouveau style / new style - JAFFE) Qualification érudite: -
	28/11/1172 (donnée par document / mentioned in document - DE SMET) Qualification érudite: -
Date dans la charte	28/11/1172
Date de lieu (dans le texte)	Tusculani
Date de lieu (normalisée)	Frascati (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	prend l'abbaye sous sa protection et lui confirme ses possessions et ses privilèges (énumération)
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Priuilegium Alexandri pape de eo quod et nos et nostras possessiones in sua protectione suscipit. Alexander episcopus seruus seruorum dei dilectis filiis Daniheli abbati monasterii de Camberone eius que fratribus tam presentibus quam futuris regularem uitam professis in perpetuum. Pie postulatio uoluntatis effectu debet prosequente compleri ut et deuotionis sinceritas laudabiliter enitescat et utilitas postulata uires indubitanter assumat ea propter dilecti in domino filii uestris iustis postulationibus clementer annuimus et prefatum monasterium in quo diuino mancipati estis obsequio sub beati Petri et nostra protectione suscipimus et presentis scripti priuilegio communimus in primis siquidem statuentes ut ordo monasticus qui secundum deum institutionem Cisterciensium fratrum in eodem loco noscitur institutus perpetuis ibidem temporibus inuiolabiliter obseruetur. Preterea quascunque possessiones quecunque bona idem monasterium in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis locum in quo monasterium ipsum situm est cum omnibus appendiciis suis et uniuersa que Anselmus de Berona clericus fundator eiusdem monasterii uobis in Camberone et serui noscitur rationabiliter in elemosinam contulisse allodium Galteri de Baisili quod in eodem territorio ab ecclesia de Eham possidetis allodium et quicquid Egidius de Trazinies in eodem loco de Camberona habebat et quod habebat in foresta de Getelau et insuper usuaria et aisencias tocius terre sue terram Alardi et allodium de Glaringeis et quod in prescripto territorio possidetis a Walchero de Sylei et in Getelau et de communia quicquid ecclesia Sunegacensis in territorio de Camberone possidebat saluo eidem ecclesie annuo censu exinde constituto allodia de Noemes grangiam de Lumbisiola cum omnibus appenditiis suis allodium quod in eodem territorio de ecclesia sancti Foillani tenetis allodium et quidquid sunt Iuete in eodem territorio sicut primi heredes sui et Gozuinus mandiburnus eius rationabiliter eidem monasterio contulerunt allodium quod ibidem a Radulfo de Lens et Iohanne fratre suo tenetis et quicquid a Radulfo de Surgeis et Balduino fratre eius et Lieberto sororio eorum et uxore eiusdem Lieberti possidetis allodia que de Helisabeth et Engeberto de Estenchereher filio eius in Lumbisiola et Getelau possidetis allodium et quicquid iuris erat Erfonis de Caluo Monte et Geruasii fratris sui in predicto nemore de Getelau uniuersa quoque ea que ecclesia sancti Amandi in Lumbisia possidebat saluo eidem ecclesie annuo inibi constituto censu grangiam de Lampernesse cum omnibus appenditiis suis et omnia que censualiter ab ecclesia Meciensi tenetis decimas etiam eiusdem grangie sicut eas a preposito sancti Audomari censualiter tenetis sicut in priuilegiis eius et Morinensis episcopi continetur dimidiam partem allodii de communia exceptis sex bonariis. Sane laborum uestrorum quos propriis manibus aut sumptibus colitis siue de nutrimentis uestrorum animalium nullus a uobis decimas presumat exigere. Paci quoque et tranquillitati uestre paterna prouisione prouidere uolentes auctoritate apostolica prohibemus ut infra clausuram locorum seu grangiarum uestrarum nullus uiolentiam facere uel rapinam seu furtum committere aut ignem apponere uel homines capere seu interficere audeat. liceat preterea uobis clericos uel laicos liberos et absolutos e seculo fugientes ad conuersionem uestram suscipere et absque alicuius contradictione in uestro monasterio retinere. Prohibemus insuper ne quis post factam in eodem loco professionem audeat de claustro discedere discedentem uero absque communium litterarum cautione nullus audeat retinere. Decernimus ergo ut nulli omnino hominum liceat prefatum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed illibata omnia et integra conseruentur eorum pro quorum gubernatione et sustentatione concessa sunt usibus omnimodis profutura salua sedis apostolicae auctoritate si que igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita nisi presumptionem suam digna satisfactione correxerit potestatis honoris que dignitate careat reum que se diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. Ego Alexander catholice ecclesie episcopus subscripsi. Ego Bernardus Portuensis et sancte Rufine episcopus subscripsi. Ego Iohannes presbiter cardinalis sanctorum Iohannis et Pauli tituli Pamachii subscripsi. Ego Guillelmus presbiter cardinalis tituli sancti Petri ad uincula subscripsi. Ego Boso presbiter cardinalis sancte Pudentiane tituli pastoris subscripsi. Ego Petrus presbiter cardinalis tituli sancti- Laurentii in Damaso subscripsi. Ego Ardicio diaconus cardinalis sancti Theodori subscripsi. Ego Cynthius diaconus cardinalis sancti Adriani subscripsi. Ego Hugo diaconus cardinalis sancti Eustachii iuxta templum Agrippe subscripsi. Ego Witellus diaconus cardinalis sanctorum Sergii et Bacchi subscripsi. Ego Petrus de Borio sancte Marie in Aquiro cardinalis subscripsi. Datum Tusculani per manum Gratiani sancte Romane ecclesie subdiaconi et notarii IIII kalendas decembris indictione V incarnationis dominice anno M° C° LXX° II° pontificatus uero domni Alexandri pape III anno XIII°.

Source	DE SMET J.J. 1869

TRADITION

Original	Oui Mechelen, Archief Aartsbisdom Mechelen-Brussel [AAM], Abdij Cambron, Doos 1
Manuscrit(s)	Mechelen, Archief Aartsbisdom Mechelen-Brussel [AAM], Abdij Cambron, Cartularium 1 (1101-1400)
	Mechelen, Archief Aartsbisdom Mechelen-Brussel [AAM], Abdij Cambron, Cartularium 2 (1201-1600)

EDITIONS ET TRAVAUX

Edition(s)	DE SMET J.J.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), II, Bruxelles, 1869., 2, n.1, p.7-10, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.11911, p.244, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.520, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.764, LIEN LIEN