Diplomatica Belgica - Details Chartre 2676

DiBe ID

2676

ACTEURS

Auteur(s)
(= auteur de l'acte écrit)

Fonction/titre: comte/comtesse
Nom: Philippe d'Alsace
Institution/juridiction: Flandre-Vermandois
Diocèse: Diocèse Tournai
Principauté: Flandre
Ordre religieux:

Disposant(s)

(= auteur de l'acte juridique)

Fonction/titre: comte/comtesse
Nom: Philippe d'Alsace
Institution/juridiction: Flandre-Vermandois
Diocèse: Diocèse Tournai
Principauté: Flandre
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Furnes (S.Nicolas)
Diocèse: Diocèse Thérouanne
Principauté: Flandre
Ordre religieux: Prémontrés

DATATION

Datation interprétée (préférentielle)	24/12/1183 (terminus ante quem - DE HEMPTINNE-VERHULST-DE MEY)
Datation interprétée (toutes)	24/12/1183 (terminus ante quem - DE HEMPTINNE-VERHULST-DE MEY) Qualification érudite: -
	26/3/1183 (terminus post quem - DE HEMPTINNE-VERHULST-DE MEY) Qualification érudite: -
	24/3/1183 (terminus post quem - DE HEMPTINNE-VERHULST-DE MEY) Qualification érudite: -
	//1183 (donnée par document / mentioned in document - ) Qualification érudite: -
Date dans la charte	//1183
Date de lieu (dans le texte)	apud Yprim
Date de lieu (normalisée)	Ypres (BELGIË, Vlaams Gewest, West-Vlaanderen) Diocèse: Diocèse Thérouanne Principauté: Flandre

RESUME ET DESCRIPTION

Résumé	le comte de Flandre et de Vermandois confirme les possessions de l'abbaye (énumération)
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: charte

TEXTE DU DOCUMENT


In nomine sancte et indiuidue Trinitatis. Philippus, Dei gratia Flandrie ac Uiromandie comes, tam futuris quam presentibus ecclesie filiis Sancti Nicolai de Furnes imperpetuum. Cum a primeua puericie mee prudentiola pie matris mee pia erudicione edoctus precibusque exoratus, cenobium Sancti Nicolai de Furnes diligere ceperim ac manutenere, eiusque deinceps in omnibus me constet fideliter curam habuisse, ecce nunc ad eiusdem tranquillitatis ac pacis inuiolabilem custodiam presentis pagine textum, edere ac promulgare solempni deuocione curaui. In quo placuit uniuersa que possidet comprehendi, et sigilli mei auctoritate confirmari, ut tanta pietatis mee diligentia in presentiarum a me commonita, nulla omnino imposterum ratione queant perturbari, uel ui uel fraude dissolui. Hec sunt igitur que nominatim huic tenori inserenda censentur. Mensura uidelicet terre secus uiam ad aquilonem abbacie sita et sex mansure infra oppidum ad austrum atrii Sancti Nicolai iacentes, quas hec ecclesie dato concambio ab ecclesia Sancte Walburgis sibi uendicauit. Indulgentia et liberacio thelonei, et accommodacionis uasorum ac suppellectilium ad curiam meam, super mansuris suis, que sunt in opido Furnensi, et infra eiusdem bannilocum, quas ego pie condonaui. Quotque filios eius in omni loco dominacionis mee, ementes ac uendentes sibi necessaria, ligna quoque seu quaslibet alias res per terras siue per aquas uehi facientes, a thelonei pensione, et ab omni iniusta exactione, causa Dei et sancti Nicolai liberos effeci. Berqueria que erat Leonii et Widonis fratris eius, que tam per patrem meum quam per me de iure feodi et de omni exactione libera facta, in liberum ac perpetuum ius predicte cessit ecclesie. Bercaria de Hasnon, que censualis atque perhennis possessio est. Sexaginta mensure terre huic ab occidente contigue, que erant Hugonis filii Aluisii, quas ego ab Hugone michi redditas, a iugo feodi absolui et ecclesie imperpetuum libere possidendas tradidi. In Bercla LXVI-a mensure terre, que erant Walteri filii Eustachii, quas etiam a feodi iure et ab omni exactione absolutas, pater meus et ego tradidimus. In parrochia Sancti Nicolai octoginta mensure de Uormoor et mansio in superiori moro, cum pertinenciis suis. LX-a quoque mensure de Uormoor in Houthem, quas ego pro mea meorumque salute sepius dicte largitus sum ecclesie. Tota decima eiusdem uille, cum centenis et decem mensuris terre, de quibus eam partem que erat de terra Simonis Rufi, tam ab ipso Simone quam a successoribus eius, per patrem meum et per me, filii huius ecclesie legitime sibi adquisiuerunt. Terra de Vokinewerua CCC et XXVIII mensurarum, quam ab Euerardo Radolf michi redditam, sepius dicte in liberam ac perpetuam hereditatem tradidi ecclesie. Terra XX et unius mensurarum que erat Balduini Plume, cuius undecim mensuras a nexu feodi absolui et absolutas ecclesie tradidi, pro quibus totidem mensuras alius terre ab ipso Balduino in ius feodale recepi. In Scora LXVI mensure terre cuius pars a filio Erlebaldi filii Amioth censuali habitu tenetur, ita ut nichil inde amplius quam census umquam soluatur, pars siquidem altera de dominio Flargesloensis curie simili modo tenetur, tritico quod aliquando exinde reddebatur mea dispensatione nunc in denariis conuerso. Cum hiis nichilominus XL solidi quos ad sacrificium altaris faciendum huic ecclesie, pro mea meorumque salute, singulis annis tribui, memorabilem locum teneant, quos in dominica Palmarum de redditibus meis Furnis a notario meo semper accipiendos disposui. Tercia quoque pars decime allecium de Duunkerca et de Nouo Burgo, quam me fauente sepius dicta optinuit ecclesia, hiis competenter connumeratur. Porro centenarum sexaginta ferme terra mensurarum, que erat Walteri filii Eustachii, circa mansionem ubi manebat posita, inter hec nouissimum habet locum, eo quod nouissime in ecclesie per manum meam liberam redacta est possessionem. Pro hac enim Walterus terram nouam secus Ysaram in concambium cum multo recepit argento. Facta sunt hec anno Domini M°C°L°XXX°IIII°, indictione prima, apud Yprim, presentibus: Desiderio Morinorum episcopo; Waltero archidiacono; Gerardo Insulano preposito; Arnaldo preposito Watinensi; Iohanne Yprensi; Eustachio camerario; Waltero de Locra; Roberto Wilhelmi filio de Lo; Heinrico de Morsletha; Morino de Scerauelda aliisque quamplurimis.

Source	DE HEMPTINNE TH.-VERHULST A.-DE MEY L. 2009

TRADITION

Original	Non
Manuscrit(s)	Brugge, Rijksarchief [RA], Verzameling Aanwinsten 3468 (1401-1500)

EDITIONS ET TRAVAUX

Edition(s)	DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band III. Regering van Filips van de Elzas (Tweede deel: 1178-1191) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2009., n.673, p.223-225,
Travaux	COPPIETERS STOCHOVE H.. Regestes de Philippe d'Alsace, comte de Flandre, dans: Annales de la Société d'Histoire et d'Archéologie de Gand, 7 (1906), p.1-177., n.291, p.102-103, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.630, LIEN LIEN