Diplomatica Belgica - Details Chartre 2665

DiBe ID

2665

ACTEURS

Auteur(s)
(= auteur de l'acte écrit)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Hugues abbé
Institution/juridiction: Furnes (S.Nicolas)
Diocèse: Diocèse Thérouanne
Principauté: Flandre
Ordre religieux: Prémontrés

DATATION

Datation interprétée (préférentielle)	29/1/1172 (nouveau style / new style - JAFFE)
Datation interprétée (toutes)	29/1/1172 (nouveau style / new style - JAFFE) Qualification érudite: -
	29/1/1172 (nouveau style / new style - WAUTERS) Qualification érudite: -
	29/1/1171 (donnée par document / mentioned in document - ) Qualification érudite: -
Date dans la charte	29/1/1171
Date de lieu (dans le texte)	Tusculani
Date de lieu (normalisée)	Frascati (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	confirme les biens et les privilèges de l'abbaye (énumération)
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Alexander episcopus seruus seruorum dei dilectis filiis Hugoni abbati ecclesie sancti Nicholai de Furnis eius que fratribus tam presentibus quam futuris regularem uitam professis imperpetuum. Commisse nobis dignitatis nos monet et hortatur auctoritas ad propagationem et incrementa uirtutum intendere et hiis que ad domus dei spectant decorem et religiosorum uirorum quietem sollicito studio aspirare quia tunc laudabiliter uirtus augetur cum robur religio suscipit et utilitas postulatas uires assumit. Inde est quod nos paci et utilitati uestre paterna uolentes sollicitudine prouidere et uestris postulacionibus grato assensu concurrere ecclesiam uestram quam in locum campestrem cupientes secularem strepitum et tumultum effugere et licentius ac liberius contemplationi uacare cum licentia et auctoritate diocesani episcopi transtulistis sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo canonicus qui secundum deum et beati Augustini regulam institucionem Praemonstratensis fratrum in eadem ecclesia institutum esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona eadem ecclesia in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis locum ubi erat monasterium uidelicet ecclesiam sancti Nicolai cum duabus capellis et aliis pertinenciis suis domum Belle Uallis cum pertinentiis suis ecclesiam de Canapina ecclesias de Wulpen de Dunis de Ramscappla et de Nouoburgo ecclesiam que dicitur Hugonis et ecclesiam de Acurte preterea compositionem que inter uos et domum Spissi Campi super terra et nemore Unius Rami mediante bone memorie A-- quondam Ambianensi episcopo de conuenientia et beneplacito utriusque partis facta est racionabiliter et hinc inde recepta nichilominus uobis auctoritate apostolica confirmamus. Sane noualium uestrorum que propriis manibus aut supseruientibus colitis siue de nutrimentis uestrorum animalium nullus omnino a uobis decimas uel primitias presumat exigere. liceat quoque uobis clericos uel laycos e seculo fugientes liberos et absolutos ad conuersionem uestram recipere et in loco uestro absque contradictione alicuius retinere. Prohibemus insuper ut nulli fratrum uestrorum post factam in loco uestro professionem fas sit de eodem loco absque licentia abbatis uel magistri sui discedere. Discedentem uero absque communi litterarum uestrarum cautione nisi ad arctiorem religionem uoluit transmigrare nullus audeat retinere. Preterea cum generale interdictum terre fuerit liceat uobis clausis ianuis non pulsatis titinnabulis exclusis interdictis et excommunicatis suppressa uoce diuina officia celebrare. Sepulturam quoque ipsius loci liberam esse concedimus ut eorum deuotioni et extreme uoluntati qui illic sepeliri deliberauerint nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumuntur. Discernimus quoque ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integre obseruentur eorum pro quorum gubernatione ac sustentacione concessa sunt usibus omnimodis profutura salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularis ue persona hanc nostre constitucionis paginam sciens contra eam temere uenire temptauerit secundo tercio ue commonita nisi reatum suum digna satisfactione correxit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant amen. Datum Tusculani per manum Gratiani sancte Romane ecclesie subdiaconi et notarii IIII° kalendas februarii indictione V incarnationis dominice anno M° C° LXX° I° pontificatus autem dompni Alexandri pape III° anno XIII.

Source	VAN DE PUTTE F.-CARTON C. 1849

TRADITION

Original	Non
Manuscrit(s)	Brugge, Rijksarchief [RA], Verzameling Aanwinsten 3468 (1401-1500)

EDITIONS ET TRAVAUX

Edition(s)	VAN DE PUTTE F.-CARTON C.. Chronicon et cartularium abbatiae Sancti Nicolai Furnensis, Ordinis Praemonstratensis et chronicon Bethaniae seu domus S. Joseph Furnensis (Recueil de Chroniques, Chartes et autres Documents concernant l'Histoire et les Antiquités de la Flandre-Occidentale,Série 1, 9), Bruges, 1849., p.68-69, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.12138, p.259-260, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.525, LIEN LIEN