Diplomatica Belgica - Details Chartre 2553

DiBe ID

2553

ACTEURS

Auteur(s)
(= auteur de l'acte écrit)

Fonction/titre: pape
Nom: Clément III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Clément III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Guillaume II abbé
Institution/juridiction: Furnes (S.Nicolas)
Diocèse: Diocèse Thérouanne
Principauté: Flandre
Ordre religieux: Prémontrés

DATATION

Datation interprétée (préférentielle)	8/12/1190 (donnée par document / mentioned in document - )
Datation interprétée (toutes)	8/12/1190 (donnée par document / mentioned in document - ) Qualification érudite: -
Date dans la charte	8/12/1190
Date de lieu (dans le texte)	Latranensem
Date de lieu (normalisée)	Rome (Latran) (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	confirme à l'abbé les autels et ses biens (énumération)
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Clemens episcopus seruus seruorum dei dilectis filiis Wilhelmo abbati ecclesie sancti Nicholai de butenburch eius que fratribus tam presentibus quam futuris regularem uitam professis in perpetuum. Religiosam uitam eligentibus apostolicum conuenit adesse presidium ne forte cuiuslibet temeritate incursus aut eos a proposito reuocet aut robur quod absit sacre religionis infringat. Ea propter dilecti in domino filii uestris iustis postulationibus clementer annuimus et prefatam ecclesiam sancti Nicholai de butenburch in qua diuino mancipati estis obsequio sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo canonicus qui secundum deum et beati Augustini regulam atque institutionem Premonstratensis fratrum in eadem ecclesia institutus esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona eadem ecclesia in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis ex dono bone memorie Iohannis Morinensis episcopi ecclesiam prefatam sancti Nicholai cum duabus appendiciis capellis uidelicet sancti Dyonisii et Peruise cum tercio manipulo et tota minuta decima omnino liberam preter duos solidos in sinodo pentecostes singulis annis Morinensi sedi persoluendos altare de Ramscappelle cum tercio manipulo et tota minuta decima altare de Duunkerca cum tercio manipulo et tota minuta decima et decima allecum altare de Sandeshoueth cum tercio manipulo et tota minuta decima et decima allecum altare de Wulpes et de Winkinshoc cum tercio manipulo et tota minuta decima altare de Houthem cum tota decima in Scora curtem cum omni terra quam ibi mare adiicit et uulgo worpinga uocatur cum decima eiusdem noue terre in Scora etiam circiter centum mensuras terre cuius pars a filio Erlebaldi filii Amioch censuali habitu tenetur ita ut nichil inde amplius quam census unquam soluatur pars quidem altera de dominio Flardesloensis curie simili modo tenetur tritico quod aliquando exinde reddebatur in Philippi comitis dispensatione nunc in denarios conuerso terras illas et possessiones quas nobilis uir Philippus comes Flandrie et alii principes uobis et ecclesie uestre in elemosinam contulerunt terras quas habetis in Bercla et Wokinenwerua terram quam habetis apud Hem ubi claustrum sororum est terram de Hasnon que censualis ac perempnis possessio est pro sexaginta marcis numerati argenti terram de Moer que ministrat uobis usum ignis apud Houthem in superiori et in inferiori moro terram de Oestburch anguillarum capturam que uulgo dicitur paledingesetten a Stapeldam usque Renghersdyke terram sancti Petri Casletensis quam sub annua pensione possidetis bercariam ex australi parte Venepe usque ad Ysaram porrectam berquariam que erat Leonii et Widonis fratris eius per Philippum comitem uestre ecclesie collatam mansuras quas infra bannilocum Furnensis oppidi possidetis dono Philippi comitis ab omni exactione thelonei et omnium rerum que ibi emuntur uel uenduntur in perpetuum liberas filios quoque eiusdem ecclesie dono predicti comitis in omni loco dominationis eius ementes ac uendentes sibi necessaria res que suas siue per terras siue per aquas uehi facientes a thelonei pensione et ab omni exactione liberos effectos sexaginta mensuras terre que erant Hugonis filii Aluisii ab omni exactione liberas in Bercla sexaginta sex mensuras terre omnimodis absolutas in parochia sancti Nicholay Wormoor octoginta mensuras sexaginta quoque mensuras de mor in Houthem mansionem etiam in superiori moro cum pertinenciis suis in Vokinawerua trecentas et uiginti octo uel paulo plus mensuras terre liberas centum quoque mensuras terre uel paulo plus circa abbatiam sitas centum sexaginta mensuras terre que erant Gualterii filii Eustachii circa mansionem ubi manebat positas in Scora centum mensuras terre paulo plus uel minus mensuram quoque terre secus uiam ad aquilonem abbatie sitam et sex mensuras infra oppidum ad austrum atrii sancti Nicolai iacentes quas uestra ecclesia dato concambio ab ecclesia sancte Walburgis sibi uendicauit indulgentiam et liberationem thelonei et accommodationis uasorum ac supellectilium ad curiam comitis super mansuris uestris que sunt in oppido Furnensi et infra eiusdem bannilocum quas uobis dictus comes pie condonauit terram etiam uiginti et I mensurarum que erat Balduini plume terram quoque octo mensurarum que erat Nicolay fabri duodecim mensuras terre que Erembaldi nose item triginta mensuras terre paulo plus uel minus in noua terra apud Sluus que erant Eustachii et fratrum eius filiorum prefati Walteri quas uestra ecclesia per manum Philippi comitis adepta est quadraginta quoque solidos ad sacrificium altaris faciendum quos predictus Philippus comes singulis annis in dominica palmarum a notario Furnensi recipiendos ecclesie uestre pie concessit sexaginta etiam solidos quos Gertrudis soror ipsius comitis sororibus uestre ecclesie in festiuitate sancti Iohannis baptiste Brugis recipiendos concessit centum et decem mensuras terre in Houthem de quibus eam partem que erat de terra Simonis rufi tam ab ipso Simone quam successoribus eius per Theodoricum comitem Flandrie et Philippum filium eius legitime uestra acquisiuit ecclesia. Sane laborum uestrorum quos propriis manibus aut sumptibus colitis siue de nutrimentis animalium uestrorum nullus a uobis decimas exigere uel extorquere presumat. liceat quoque uobis clericos uel laycos e seculo fugientes liberos et absolutos ad conuersionem recipere et eos absque contradictione aliqua retinere. Prohibemus insuper ut nulli fratrum uestrorum post factam in eodem loco professionem fas sit absque abbatis sui licentia de eodem loco discedere discedentem uero absque communium litterarum cautione nullus audeat retinere. Cum autem generale interdictum terre fuerit liceat uobis clausis ianuis exclusis excommunicatis et interdictis non pulsatis Campanis suppressa uoce diuina officia celebrare. In parrochialibus autem ecclesiis quas habetis liceat uobis sacerdotes eligere et diocesano episcopo presentare quibus si idonei fuerint episcopus curam animarum committat ut ei de spiritualibus uobis autem de temporalibus debeant respondere. Statuimus etiam ut nulli fas sit aliquem parrochianorum uestrorum nisi salua ecclesie uestre canonica iusticia recipere ad sepulturam. licitum preterea sit uobis in causis propriis siue ciuilem siue criminalem contineant questionem fratrum uestrorum testimoniis uti ne pro defectu testium ius uestrum possit in aliquo deperire. Pro crismate uero oleo sancto consecrationibus ecclesiarum ordinationibus clericorum qui ad sacros ordines fuerint promouendi siue abbate deducendo ad sedem uel quibuslibet aliis ecclesiasticis sacramentis nullus a uobis aut sub obtentu consuetudinis aut quolibet alio modo quidquam audeat postulare. Sepulturam preterea ipsius loci liberam esse discernimus ut eorum deuocioni et extreme uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumuntur. Paci quoque ac tranquillitati uestre paterna imposterum sollicitudine prouidere uolentes auctoritate apostolica prohibemus ut infra clausuras locorum uestrorum nullus uiolentiam uel rapinam seu furtum committere hominem temere capere uel interficere ignem apponere uel sanguinem fundere audeat. Preterea omnes libertates et immunitates a predecessoribus nostris Romanis pontificibus ordini uestro concessas nec non libertates et exemptiones secularium exactionum a regibus et principibus rationabiliter uobis pia eorum deuotione indultas auctoritate apostolica confirmamus et presentis scripti patrocinio communimus. Discernimus ergo ut nulli omnino hominum fas sit prefatam ecclesiam temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentacione concessa sunt usibus omnimodis profutura salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularis ue persona hanc nostre constitucionis paginam sciens contra eam temere uenire temptauerit secundo tercio ue commonita nisi reatum suum congrua satisfactione correxit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine diuine ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen. Datum Lateranensem per manum Moysi sancte Romane ecclesie subdiaconi uicem agentis cancellarii VI° idus decembris indictione IX incarnationis dominice anno M° C° XC pontificatus uero dompni Clementis pape tercii anno tercio.

Source	VAN DE PUTTE F.-CARTON C. 1849

TRADITION

Original	Non
Manuscrit(s)	Brugge, Rijksarchief [RA], Verzameling Aanwinsten 3468 (1401-1500)

EDITIONS ET TRAVAUX

Edition(s)	VAN DE PUTTE F.-CARTON C.. Chronicon et cartularium abbatiae Sancti Nicolai Furnensis, Ordinis Praemonstratensis et chronicon Bethaniae seu domus S. Joseph Furnensis (Recueil de Chroniques, Chartes et autres Documents concernant l'Histoire et les Antiquités de la Flandre-Occidentale,Série 1, 9), Bruges, 1849., p.71-74, LIEN LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.16533, p.564, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.687, LIEN LIEN