Diplomatica Belgica - Details Chartre 2536

DiBe ID

2536

ACTEURS

Auteur(s)
(= auteur de l'acte écrit)

Fonction/titre: évêque
Nom: Raoul de Zaehringen
Institution/juridiction: Liège
Diocèse: Diocèse Liège
Principauté: Liège
Ordre religieux:

Disposant(s)

(= auteur de l'acte juridique)

Fonction/titre: autre
Nom: NN divers
Institution/juridiction: INCONNUE
Diocèse:
Principauté:
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Liège (Mont-Cornillon)
Diocèse: Diocèse Liège
Principauté: Liège
Ordre religieux: Chanoines Saint-Augustin

DATATION

Datation interprétée (préférentielle)	/12/1176 (terminus ante quem - SCHOOLMEESTERS)
Datation interprétée (toutes)	/12/1176 (terminus ante quem - SCHOOLMEESTERS) Qualification érudite: -
	//1176 (donnée par document / mentioned in document - ) Qualification érudite: -
Date dans la charte	//1176
Date de lieu (dans le texte)
Date de lieu (normalisée)	Diocèse: Principauté:

RESUME ET DESCRIPTION

Résumé	confirme diverses donations (énumération)
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: charte

TEXTE DU DOCUMENT


In nomine sancte et indiuidue trinitatis. Quia facultates iura et possessiones ecclesiarum que uota sunt fidelium precia peccatorum patrocinia pauperum tueri defensare et communire pium est ea propter ego Rodulphus dei misericordia sancte Leodiensis ecclesie episcopus notum uolo fieri omnibus tam posteris quam presentibus ueritatem diligentibus quod ecclesia sanctorum Montis Cornelii auctore deo et interuentu Luce abbatis eiusdem ecclesie quasdam possessiones allodiorum a diuersis possessoribus acquisierit et ad uberiorem cautelam nomina possessorum et numerum bonariorum presenti pagine inscribi fecerit ab Oliuero de Hermees libero homine et eius uxore Mahtilde XIII bonaria allodii iuxta Grihardi Monte iacentia ab Ebroino fratre Theobaldi de Singeis UII bonaria allodii et dimidium ab eodem Theobaldo de Singeis homine libero et eius fratribus Helya Elberto et Wilberto XXUII bonaria allodii et dimidium tam in terris cultis quam incultis pratis siluis et curtibus apud Hermeis iacentia ab Andrea milite de Hermees IX bonaria allodii et dimidium a Francone aduocato de Harstal U iugera allodii et a Daniele de Herens unum bonarium allodii predicta ecclesia acquisiuit legittime. Et Petrus miles de Iupilia pro salute anime sue et animarum suorum predecessorum UI bonaria allodii apud Harstal iacentia et III solidos census ut pro minimis maxima pro terrenis celestia et pro temporalibus eterna consequi mereretur predicte ecclesie in liberam traditionem affectauit. Omnes etiam predicti quicquid iuris in predictis possessionibus habebant ordine debito et iure consuetudinario exfestucauerunt et ea libertate qua ipsi eas possederant heredibus eorum astantibus et consentientibus et fauorabiliter cooperantibus per manus Winandi de Oihsen liberi hominis has traditiones recipientis ad altare apostolorum in legittimam possessionem affectauerunt. Ut igitur quod gestum est et inconuulsum imperpetuum permaneret predictas possessiones cum quadam domo que sita est iuxta stagnum et prope portam Harstaliensem auctoritate episcopali confirmamus et contra omnem controuersiam calumpniam uel uiolentiam presenti cartule scripto et sigilli nostri astipulatione communimus attestatione que archidiaconorum et probabilium personarum corroboramus. Testes hii sunt Henricus sancti- Lamberti ecclesie prepositus et archidiaconus Almaricus archidiaconus et abbas Baldinus archidiaconus Bruno archidiaconus Rodulphus archidiaconus Theodericus archidiaconus Otto archidiaconus Sinso eiusdem ecclesie decanus Walterus dyaconus Robertus cantor et camerarius Sephridus Petrus de Mommallia Iohannes de Colonia Henricus de Donglebier Walterus Alardus cellerarius. De personis ciuitatis testes sunt Hugo abbas ecclesie sancti- Iacobi Euerlinus abbas ecclesie sancti- Laurentii Bartholomeus abbas ecclesie sancti- Egidii Franco decanus ecclesie sancti- Petri Arnulphus decanus ecclesie sancti- Martini Henricus decanus ecclesie sancti- Pauli Gislebertus decanus ecclesie sanctę crucis Benedictus decanus ecclesie sancti- Iohannis Otto decanus ecclesie sancti- Dyonisii Fredericus decanus ecclesie sancti- Bartholomei Iohannes ecclesie sancti Pauli canonicus Walterus ecclesie sancti Dyonisii canonicus et Amelius. De ecclesia sanctorum- apostolorum Montis Cornelii testes sunt Lucas eiusdem ecclesie abbas Lambertus prior Iohannes Godefridus Godescalcus Gislebertus Philippus et Arnulphus. Testes sunt liberi homines Winandus de Waldenmont Gerardus de Upeie Gossuinus nepos eius Oliuerus Frastradus frater eius et Wigerus. De familia ecclesie sancti Lamberti sunt testes Theodericus de Prato Wedericus dapifer frater eius Wilhelmus Lebuinus frater eius Godinus de Hosemont et Boddo frater eius Andreas de Hermeies Conradus de Lonchin Reynerus Leodiensis scabini Hellinus Notgerus Lambertus et alii plures. Facta sunt hec anno dominice incarnationis M° C° LXXVI° indictione IX-a imperante Frederico semper augusto anno autem episcopatus nostri VIII. Quicumque ergo hanc ueritatem infringere uoluerit uel mutare uel aliquid dempserit in extremo examine districte ultioni subiaceat

Source	DARIS J. 1868

TRADITION

Original	Non
Manuscrit(s)	Liège, Archives de l'Evêché, G IV 7 (1601-1700)

EDITIONS ET TRAVAUX

Edition(s)	DARIS J.. Notice historique sur l'abbaye de Beaurepart à Liège, dans: Bulletin de l'Institut archéologique Liégeois, 9 (1868), p.303-372., p.343-344, LIEN
Travaux	SCHOOLMEESTERS E.. Les Regesta de Raoul de Zaehringen, prince-évêque de Liège, 1167-1191, dans: Bulletin de la Société d'Art et d'Histoire du Diocèse de Liège, 1 (1881), p.129-203., n.30, p.38-39, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.317, LIEN LIEN