‹
›
retourner aux résultats
| DiBe ID | 23743 |
| ACTEURS |
|
Auteur(s)
(= auteur de l'acte écrit) |
Fonction/titre:
chapitre cathédral/collégial Nom: Institution/juridiction: Cambrai (Notre-Dame) Diocèse: Diocèse Cambrai Principauté: Cambrai Ordre religieux: |
|
Disposant(s) (= auteur de l'acte juridique) |
Fonction/titre:
chapitre cathédral/collégial Nom: Institution/juridiction: Cambrai (Notre-Dame) Diocèse: Diocèse Cambrai Principauté: Cambrai Ordre religieux: |
|
Bénéficiaire(s)
(= bénéficiaire) |
Fonction/titre:
ville/village/échevins/magistrat urbain Nom: Institution/juridiction: Quarouble Diocèse: Diocèse Cambrai Principauté: Hainaut Ordre religieux: |
|
Fonction/titre:
ville/village/échevins/magistrat urbain Nom: Institution/juridiction: Onnaing Diocèse: Diocèse Cambrai Principauté: Hainaut Ordre religieux: |
| DATATION |
|
Datation interprétée
(préférentielle) |
/2/1248 (nouveau style / new style - DEHAISNES-FINOT/DIPLOMATA BELGICA) |
|
Datation interprétée
(toutes) |
/2/1248 (nouveau style / new style - DEHAISNES-FINOT/DIPLOMATA BELGICA) Qualification érudite: - |
| /2/1247 (donnée par document / mentioned in document - ) Qualification érudite: - | |
|
Date dans la charte
|
/2/1247 |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | Charte ou loi octroyée aux habitants de l'avouerie d'Onnaing et de Quarouble (France , Nord , à 8 kms au N-E de Valenciennes) par le chapitre de Cambrai (Notre-Dame) |
|
Description
|
Langue:
français Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| Sacent tout qui ceste cartre veirront que li capiteles notre Dame de Cambray a dené ceste loy qui ci est escrite, à ses hommes manans en l'avoerie de Ouneng et de Quaroube, en tel fourme que li capiteles puet mettre les eskiévins et oster à sa volentet, et li eskiévin et li homme des deus villes doivent asseurer le capitle et les personnes dou capitle et leur biens et le bailliu dou capitle et les sergans jurés des villes, toutes les fies que li capitles les enquerra u autres de par le capitele, et li capiteles doit asseurer les hommes des deux villes; et si doit li baillius dou capitele jurer sour sains que il traitera les hommes des viles à bonne foi, selonc le cartre qui ci est écrite. Quiconques manra an et jour es viles d' Ouneng et de Quaroube, jurer le convient le pais et le loy des viles, s'il en est requis de par le capitele u des viles S'aucuns hom desment autre, il est à trois sols; se femme dément autre, ele est à deux sols; se femme fiert autre, ele est à six sols; se c'est de bâton et sans en va, elle est à quinze sois, et ce puet on prouver par le tiesmoing de deus femmes. S'aucuns hom de quinze ans u de plus claime aucun laron u mourdreur u reubeur, u met sus laidoeure que il ne puist prouver, il l'amende par le loy de quinze sols; si en a li laidengiés le tierc, et li capiteles les deux pars; et se li laidengiés desment celui, entrues qu'il le lesdenge, quittes est de le loy de desmentir, se cil ne puet prouver cou qu'il li mettra sus; se on laidenge tiesmoing pour porter tiesmoignage de quelconques queriele que ce soit pour son tiesmoignage qu'il ara porté, c'un li desist qu'il fust parjures u autre sanlant visse, il est à quatorze sols. S'aucuns hons fiert de poing u de paume, il est à quinze sols; et s'il le rahiert, puis ne fiert, est à trente sols. S'aucuns hons fiert de baston, il est à vingt sols, et se sans en va, il est à soixante sols, et si chiet dou cop, il est à cent sols. Qui ferroit autrui de poing warni de pière u d'autre cose dont on poroit gens bléchier, sans sanc, il est à trente sols, et se sans en va, il est à soixante sols, et s'il chiet dou cop, il est à cent sols, et s'il le traine u pile des piés, u prent par le geule, puis k'il l'aroit abatu, il est à trente S'aucuns hom porte coutiel à pointe, u broke, u sajètes, u arc et piles, s'il n'est de faide morteil empuint que triuwes sont, et puis que bans en est fais, il est à trente sols. S'aucuns hons fiert de coutiel à pointe, u de broke,, il est à justicier à le laie justice de capitele. S'aucuns hons fiert d'arme esmoulue, il est à trente sols, et se sans en va, il est à cent sols, et s'il tol membre u ocist, se on le tient, on le doitjusticier par le laie justice de capitele, et de celui dont justice sera faite, li sires ara, pour le mort, tous les meules qu'il adont aroit, et, pour le menbre perdu, le moitié des meules qu'il adont aroit, et s'on ne le puet tenir, banir les doit on del' avoerie d' Ouneng et de Quaroube; et si le meule demeurent en le main dou segneur, si c'om dit est, et li meule del' hyretage celui qui homme ara tué, tant com il ert en le chace de capitele, seront en le main dou capitele tant com il vivera. Et se li parent celui qui a homme mort u menbre tolu, demandent triuves, li baillius dou capitele leur doit faire avoir de ci à le loy dou pais, de ciaus qui seroient manant en l'avoerie d' Ouneng et de Quaroube; et s'il manoient dehors l'avoerie, li sires u ses siergans leur doit pourcachier à bonne foi, sans le sien mettre. S'aucuns bons entre en autrui maison nuitantre pour mal faire, il est à soixante sols. Se cil le puet tenir en qui maison il est trouvés ii se cris en est visnage, qui veut lait, et s'il est repris à larecin, il est lessiés à le laie justice de capitele. Rath, homecide, laron, mourdreur, ardeur sunt laissiet à le laie justice de capitele. Se li baillius de capitele vient à meslée et il a deux eskiévins en thiémongnage ou deux preudommes u plus, et il commande, en thiémongnage deces deux, pais à tenirà cescun, se li uns fiert l'autre puis, il est à soixante sols, sauves les lois de le meslée devant dites. Se cest cose que li baillius de capitele vigne avant et li siergant juret des villes, et il vuellent le ineslée deffaire, et il mettent main à cescun, u il u cil qui avoek iauls sont venu par semonse, se nus les fiert u laidenge u fait honte, puisque li haillius de capitele le tieng, u li eskiévin, u li siergant u li preudomme, il est à six livres; et s'aucuns met main au bailliu, u à ses siergans jurés, ne enforçoit ne rescouoit celui qui le tenroit, il seroit à le marchit le signeur. Qui desmentira u dira tel laidure, com desmentir, tant qu'il soit en justice ù il voist pourjustice faire, il est à cent sols, et s'il le desmentoit ailleurs, il seroit à doubles lois de desmentir, et del sourplus, si cum de mettre main à lui et d'autres coses, cil qui ce feroit, il seroit chéus en le volenté dou capitele et de ciaus qui avoeck, seroient qui devant sunt dit, por cescun à soixante sols, sauves les lois de le meslée devant dites. S'auscuns est, bléchiés u navrés, dont il soit périus de mort, li baillius de capitele doit venir à celui u à celi, se il le demande pardevant deus eskiévins u deux preudommes, sour le péril de s'âme, qui çou li ait fait, s'il dist, sour le péril de s'âme, que cil u cele est coupaules dou fait, tenir le doit on lui et le sien, s'il descouper ne se puet par loial véritet; sauf cou que se cil u cele s'en viut descouper, il se mettera pardevers le bailliu dou capitele et on en fera loial enqueste pardevant deux eskiévins. Se vérités le délivre, il en va quittes, et se vérités l'encombre, on en fera le loy dou pais. Li baillius dou capitele doit commander que on tiègne pais de toute cose doutable là ù il n'a férut ne boulet, par le consel de deux eskiévins u de deux preudommes souffisans, s'il en est requis u s'il voit que besoing soit et besoins estoit; et çou pueent faire li siergant juret u li uns, se li baillius n'i estoit, pardevant deux eskiévins, u devant deux preudommes; et se cil pour le loy devant dite ne viut tenir pais, tant le doit tenir li baillius, se pooir en a, que pais soit. Quiconques done triuves u asseurauce, donner les doit bones et loiaus de li et des siens, et s'il avoit aucun parent que atourner n'i peust faire, en doit le loy dou païs, et partant s'en doit passer. Qui triuves brise u asseurance, il est lessiés à le laie justice dou capitele. Se li baillius u li siergant juré semonnent u apièlent les hommes des viles pardevant thiémoignage loiale, se mestiers est, pour bataille u pour homme pendre, u ait faite, u ke le ville welle brisier u ait brisié u proie prendre u ait prise u aucun mal faire, qui n'iroit, il seroit à quarante sols. S'aucuns est mandés au consel le signeur u des villes par baillius u par siergant juret, s'il n'i vient, il est à douze deniers. S'auscuns estoit pris par nuit en autrui blet passant u soiant u autre manière de damaige faisant, et convencus en estoit par le siergant qui les biens warde, il l'amenderoit parmi quatorze sols, et si soiroit le domage. Qui est trouvés en autrui biens par jour à warde faite, il est à deux sols puis que bans en est fais, et si rend le damage. Qui est trouvés en autrui courtil u gardin par nuit damage faisant, il est à cinq sols, et se c'est par jour il est à deux sols, et s'il rend le damage, li capiteles oste l'engith as us et as coustumes de Haynnau. Qui n'ara ses fraites relevées dedans l'entrée de mai, là ù on les doit relever, il ert à deux sols, seuwe sic ne li tot en tans de melsons; ki isteroit des viles à camp, à kar u à karete, u à cheval pour aporter u akarier, puis que li cloke sonneroit c'on doit sonner à soleil esconsant, il seroit à cinq sols. Mieisenour u meissonneresses qui messounent en sas et cri tourssiaus, doivent revenir de caus à le cloke sonnant, et se puis i estoient trouvé, il perderoient lor sas et lor messons; et se messonneur u melseneresses estoient trouvé damaige faisant il seroient à douze deniers, et si perderoient le melson qu'il aroient avoech iauls. Li capiteles doit mettre deux siergans boins et loyaus à bone foi qui soient manant dedens les viles, sauf cou ke li capiteles n'en prende serviice. Qui en menra autrui tiérage à ensiant, il est à trente sois et si rendra le tiérage. On affora les vins par le bailliu et par les eskiévins, et qui plus le vendroit que le fuer, il seroit à quarante sols, et si perderoit le vendage un an et un jour, et s'il a vin --- en le ville qui loiauls ne soit, aler le doit on veoir par ciauls qui les doivent afforer, et s'il n'est loyaus, dire doit li baillius au tavrenier qu'il l'oste dedens un jor et une nuit; et s'il ne l'oste, férir le doit hors lendemain, et des autres denrées venans qui loiauls ne seront, perdre les doit qui venir les fera, et si sera à cinq sols de lois. S'aucuns bons fourfait deniers en ceste loy que payer ne puist, en prison le doit on mettre, et tant le doit tenir li baillius qu'il souffisse au signeur. S'aucuns fait laidure envers le capitele, u enviers personne dou capitele, li amende est à le volenté dou capitele, et qui laidure feroit à siergant de canonne, à ensiant, il està doubles loys d'omme de postet, selonc le fourfait. Tout cil qui ont eage, li homme de quinze ans et li femme de douze ans et de plus, sunt tenu de warder ceste loy, et s'il avenoit que aucuns qui eage n'aroit fust malissieus u fesist damage, on i feroit ban par le bailliu et par les eskiévins pour iauls castiier et deffendre. S'il avenoit que li baillius vosist lever nul fourfait, lever ne le puet s'ensi non que ceste cartre enserigne u li lois dou pais ensengnera de poins qui céens ne sunt contenu; puissedi que cil n'ara payet l'amende, qui li devra pais doit avoir au signeur, et li sires li doit faire avoir pais as parent, à boine foi, sans le sien mettre, au coust de celui. S'il avenoit que aucuns hom a meslée qu'i1 euist menbre brisié u plaie ouverte, u autrement fust bléchiés dont convenist mettre despens en mie, cil qui aroit ces blécures faites rendroit le coust des mires et les damages del blécié loyalment, et si paieroit les loys de le meslée, et cil qui quassiés seroit u cele doit envoier au bailliudou capitele, et li baillius doit envoyer deux preudommes pour marchié faire au mie, au mains qu'il poronten bonne foi. De toutes ces coses qui mouveront des mellées u de lait dit dont les lois eskiéront, avera li sires les deus pars, et li laidengiés la tierce part. S'il s'en plaint et s'il ne s'en viut plaindre, li baillius se puet plaindre, et toutes les loys sont le signeur. Les grandes loys abatent les menues en caude mellée, sauve les coses devantdites. Li siergant juré doient estre creu de lor emparcheures et de lor messeries par lor sairement. Se cannones de capitele viut se partie qu'il ara es pastures u es marès d' Ounaing et de Quaroube, enclorre u édefier u amaser, faire le puet et deffendre, et autres aussi qui à cens u à rente le prendera, sauf çou qu'i1 soit et enclos u édefiés u amasés, et ou sourplus des marès apriés le premier viaurre recheu, pueent aler biestes d' Ounaing et de Quaroube jusques à mi march sans pourciaus, et li pourchiaus trouvés sans warde doit trois deniers, et s'il est trovés à warde, il doit six deniers. Li taille de cent livres dont les soissante livres sunt le conte et les quarante le capitele, doit estre faite par chiaus par qui on les siut faire huit jors devant le fieste saint Remi, et respondue le jour saint Remi, et dedans quinze jours après doit estre toute paié, et qui seroit en défaute de ce paiement, il seroit pour l'uitelée de terre à trois deniers, et otant pour le manoir et des meules de vingt sols un denier, et avoek l'asisse et le paine, cil pour qui on feroit cous u aroit damage, seroient tenu de rendre cous et damage. Cil del avoerie d' Ouneng et de Quaroube surit tenu à aler en l'ost et en chevaucie le conte, ensi com il devise et est contenu en le cartre qui est faite entre le conte et le capitele, et en l'ost et en le cevaucie l'église, s'il en sunt requis. Li capiteles cuite toutesles mortesmains. Se li sierf le conte sont manant u viennent manoir en ravoerie d'Ouneng et de Quaroube, on les doit traiter selonc le cartre faite entre le capitele et le conte. Toutes les tières c'on tient dou capitele sunt à tel assise que li witelée est à trois sols de fourmorture et de vendage, à trois sols à celui qui i entre, et trois sols à celui qui en ist. Li manages d'entire rente de fourmorture à cinq sols, et de vendage à dix sols, à celui qui en ist, cinq sols de plus plus, et de mains mains; sauf ce, assise n'a liu fors tant que les terres et li courtil d'omme de poesté vienent en main d'omme de poesté. S'adont n'avient qu'ele vigne en main de clerc u de franc homme par escance, et adont paieroit tele assise com cil qui devant le tenoit, sauf l'offre del signeur en toutes les cozes devantdites. Li homme qui mainent en l'avoerie d' Ouneng et de Quaroube iront miurre as moulins de l'église qui sont en l'avouerie et dehors, entre Sebourch et Crespin, sur le rivierre, et paieront mousnée à l'usage dou païs, et s'il avenoit que dedans un jour et une nuit ne puissent miurre, alleurs pueent aler sans destrainte, et s'il aloient alleur que as moulins si dit est, cil qui seroit trouvés aillant ailleurs, il seroit à deux sols et perdroit le mousnée. Cescun hom d'Ouneng et de Quaroube puet avoir four en se maison pour quire à son oès, et boulenghiers puet avoir four pour quire à vendre, et tout cil qui ne fournieront en lor propres osteus sont tenu de cuire as fours de capitele à tele assise que del witel paiera on une maille pour le feuille et de trente pains un, et li fouriiiers doit livrer feuilles et warder loiaument les biens des preudommes sous sen sairement, et mener et ramener par lemmier sic devantdit; et s'il, puis le sairement quiara fait, ert de ces coses défallans, li sires le doit faire amender loialment. Nus hons tenans de l'église ne terre ne courtius ne autres coses, ne les puet mettre en autre main qu'en homme de poesté, se n'est par le volentet et le gret dou capitele. De cose qui proprement est en main de capitele, eskiévins n'en puet jugier, se capiteles ne s'i met, et des autres coses jugeront si com il fait jusques à ore. Eskiévins ne puet iestre à héritement del' église ne de personne prévilégié, se n'est par le volenteit del capitele, s'il ne li vient par escance de proïsmeté. S'aucuns est convaincus qui ait porté faus thiémongnage de quele que ce soit, il ne doit puis estre requis à thiémoignage porter, et si rendra les damages s'on le tient, et s'il n'a dont il les puist rendre, li sires le doit tenir en prison à sa volente, et s'il 'le le puet tenir, banir le doit à se volenté hors del' avoherie d' Ouneng et de Quaroube, ne n'i puet rentrer jusqu'adont qu'il raportera cent sols. Qui desdit eskiévins capitre, k'il amende à cescun des eskiévins par vingt sols, et au maieur par vingt sols et à capitre par vingt sols, et partant en va quites. Tout li fourfait dont ceste cartre parole doivent iestre par deux thiesmoins loiaus au mains qui soient oi par le commandement le signeur u dou baillu u des siergans jurés, pardevant deux eskiévins. Tout li lait fourfait doivent iestre jugiet si cum devant est dit. Nus ne puet avoir aise es près ne es pastures devantdites, s'il n'est manans en l'avoherie d' Ouneng et de Quaroube, et si puent prendre biestes à nourechon, s'il les pueent avoir et si les iviernent, et autrement nient, et li povres hom puet lever deux vakes pour soustenir lui et se mesaie. Tout li denier qui isteront des fourfais de ceste loy doivent iestre de le mousnoie qui courra à Vaienchiennes. Se li homme manant en l'avouerie d'Ouneng etde Quaroube sont de plaignant qu'il ne puissent avoir loy u que ce soit fors del' avouerie, li capiteles leur doit faire avoir loy sans cous de capitele mettre, as besognes des villes. Là u li maires doit estre, s'il ne puet iestre u il ne wet pius cum l'en ara requis, li sires u li baillius le puet faire, sauf le droit del' église et dou maieur, selonc le droit dou pais. Les six vingt bonniers et trois u là entours que li capiteles a otrié as gens d' Ouneng et de Quaroube permenaulement par vingt deux deniers de cens à cescune vile, le jour saint Remi, por plus grant seurté tenir, les doivent parmi tel cens et il se tienent apayet de tant de pasture, et les autres aises des deux villes demeurent permenaulement as deux villes parmi celui cens, si cum elles les ont eues, sauf cou que li mers demeure au capitele, et sauve le devise des prés dou capitele, et ces deux sols de cens doit on payer à Ouneng à siergant del' église au jour devantdit. Se li homme de qui on tient terres u autres coses en l'avoherie d' Ouneng et de Quaroube, ne se voloient tenir as poins de ceste loy, li capiteles doit mener ses hommes enviers auls en boine foy. Li baillius de capitele doit mener les hommes manans en l'avoherie d' Ouneng et Quaroube parmi les poins de ceste cartre, sour son sairement, et s'il aloit encontre et on li monstroit qu'il l'amendast, et s'il ne voloit moustrer, le doivent au capitele preudomme qui i seroient envoiet de par les deux villes, et capiteles leur doit faire amender loyaument en boine foi, selonc les poins de ceste cartre. Des autres afaires dont ceste cartre ne parole on les en traitera par le loy dou païs, sauf çou que capiteles doit à bone foi querre consel et enqueste ou pais ù il veira que besoins soit. S'il a en ceste cartre aucune cose doutaule, li capiteles le doit esclairier cele doutance en boine foi et loiaument, et s'il i a amender pour l'emmiudrance et le pourfit des hommes des villes, li capiteles le doit faire à bone foi. Li capiteles, d'une part, et li hommes de le poestet d' Ouneng et de Quaroube, d'autres, pour cou que ce soit ferme cose permanaulement et estaule en avant, ont juret à warder fermement et loiaulment à tousjours à bonne foi cou k'est escrit en ceste cartre, en qui thiémongnage, à le reconnissance de chiaus qui ore sunt et qui avenir sunt, li capiteles Notre Dame de Cambrai a saielée et mis sen saiiel à ceste cartre en permenaule mémore, l'an del Incarnation Jhésu Crist MCCXLVII, el mois Février. | |
| Source | DE REIFFENBERG F. 1844 |
| TRADITION |
|
Original
|
Oui
Lille, Archives départementales du Nord [AD], B 1207/914 |
| Manuscrit(s) | Valenciennes, Bibliothèque municipale [BM], Manuscrit 784 (1201-1400) |
| EDITIONS ET TRAVAUX |
|
Edition(s)
|
JACQUES DE GUYSE. Histoire du Hainaut, traduite en francais avec le texte latin en regard éd. de FORTIA d'URBAN, 22 vol., Bruxelles-Paris, 1826-1833., 15, capitulum CXI (édition fragmentaire), p.17, LIEN LIEN |
| DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 1, n.27, p.345-352, LIEN LIEN LIEN | |
| Travaux | DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 1, n.45, p.518-519, LIEN LIEN LIEN |
| DEHAISNES C.-FINOT J.. Inventaire sommaire des archives départementales antérieures à 1790. Nord. Archives civiles. Série B: Chambre des comptes de Lille. Art. 653 à 1560, I, (2e partie), Lille, 1906., I,2, p.225, LIEN LIEN LIEN | |
| GODEFROY D.-J.. Inventaire chronologique et detaillé des chartes de la chambre des comptes a Lille, s.l., s.d., n.914, p.371-375, | |
| DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.287, LIEN LIEN LIEN | |
| DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.565-566, LIEN LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 4, p.519, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
