Diplomatica Belgica - Details Chartre 2149

DiBe ID

2149

ACTEURS

Auteur(s)
(= auteur de l'acte écrit)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Eustache abbé
Institution/juridiction: Tournai (S.Nicolas-des-Prés)
Diocèse: Diocèse Tournai
Principauté: Flandre
Ordre religieux: Arrouaise

DATATION

Datation interprétée (préférentielle)	16/3/1179 (donnée par document / mentioned in document - )
Datation interprétée (toutes)	16/3/1179 (donnée par document / mentioned in document - ) Qualification érudite: -
Date dans la charte	16/3/1179
Date de lieu (dans le texte)	Laterani
Date de lieu (normalisée)	Rome (Latran) (ITALIA, Latium, Roma) Diocèse: Principauté: États pontificaux

RESUME ET DESCRIPTION

Résumé	confirme les biens et les privilèges de l'abbaye (énumération)
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: bulle

TEXTE DU DOCUMENT


Alexander episcopus seruus seruorum dei dilectis Eustatio abbati ecclesie sancti Nicolai Tornacensis eius que fratribus tam presentibus quam futuris canonice instituendis in perpetuum. Quotiens illud a nobis petitur quod religioni et honestati conuenire dignoscitur animo nos decet libenti concedere et petentium desideriis congruum impertiri suffragium. Eapropter dilecti in domino filii uestris iustis postulationibus clementer annuimus et prefatam abbatiam sancti Nicolai in qua diuino mancipati estis obsequio ad exemplar predecessoris nostri felicis memorie Innocentii pape sub beati Petri et nostra protectione suscipimus et presentis scripti priuilegio communimus statuentes ut quascumque possessiones quecumque bona eadem ecclesia inpresentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis deo propitio poterit adipisci firma uobis uestris que successoribus illibata permaneant. In quibus hec propriis duximus exprimenda uocabulis locum in quo ecclesia ipsa sita est cum omnibus pertinentiis suis capellam sancti Medardi quam uobis canonici Tornacenses per manum domini Simonis episcopi sui liberam contulerunt quam uobis prefatus episcopus eisdem clericis subscribentibus confirmauit et post ipsum Innocentius papa. liceat uobis in ea apertis ianuis sonantibus signis nisi pro generali interdicto fuerit diuina officia celebrare et oblationes fidelium recipere saluo parochiali iure matricis ecclesie de cuius parochia fuit. libertatem electionis quam uobis Tornacensis episcopus confirmauit de ea scilicet persona in quam totum capitulum uel sanior pars capituli consenserit. Prohibemus etiam ne aliquis in benedictione abbatis palefridum capam aut uinum a uobis presumat exigere quod symoniacum sonare uidetur. Terram circa Ries quam Walterus aduocatus uobis dedit in eleemosinam per manus Simonis Tornacensis episcopi de quo eam tenebat unde annuatim Tornacensi episcopo censum quatuor denariorum soluitis terras ad Huberti lucum molendina prata et terras arabiles circa Tornacum terram quam Allardus Desplechin assensu coniugis et liberorum suorum apud Castrecin uobis partim uendidit partim in eleemosinam dedit terram quam Walterus et Eurardus et participes eorum apud Castrecin partim in eleemosynam uobis dederunt partim uendiderunt allodium in eodem loco quod Walterus de Castrecin et participes eius partim uenditione partim eleemosine largitione contulerunt terram in eodem loco quam Beatrix de Ruma et liberi eius uobis in eleemosinam dederunt terram in eodem loco quam uobis Gerulfus de Wals partim uendidit partim in eleemosinam dedit curtem totam de Castrecin cum omnibus terris pratis et appendiciis suis allodium apud Rosteleu quod emistis ab ecclesia sancti Nicolai de Bosco annuente ipsius ecclesie capitulo allodium in eodem loco quod a canonicis sancte Marie Tornacensis simul que quoddam terragium pro censu decem solidorum tenetis allodium in eodem loco quod emistis a fratribus Deflines heredibus eorum assentientibus quod partim est in saltu partim in terris partim in pratis totam curtem de Rosteleu cum omnibus terris pratis et pertinentibus suis curtem hospitalis uestri cum omnibus ad ipsum hospitale pertinentibus allodium quod emistis ab ecclesia Hasnoniensi tam in saltu quam in terra unde ei annuatim duodecim denarios pro censu soluitis nemus et terras et prata que uendidit uobis ecclesia sancti Gisleni assensu capituli sui nemus et terram pro quibus soluitis custodi uel ecclesie Antoniensi sex nummos pro censu allodium tam in saltu quam in terra quod uobis uendidit Allardus de Antonio assensu coniugis et heredum suorum curtem de Lambrechies cum molendino terris et pratis et omnibus pertinentiis suis partem decime et redditus et allodia que habetis apud Vals decimam quam habetis apud Landast decimam quam habetis apud Wamias unum mansum terre quod tenetis de ecclesia sancti Amandi ad censum duodecim denariorum terragium quod tenetis ab eadem ecclesia pro tribus raseriis tritici et tribus auene redditum quem emistis ab eadem ecclesia apud Ramecrois terragium quod tenetis de custode Antoniensi pro uno modio frumenti totam curtem de Boucenies cum omnibus pertinentiis suis. Sane noualium uestrorum que propriis manibus aut sumptibus colitis siue de nutrimentis animalium uestrorum seu arborum seu pecorum nullus a uobis decimas presumat exigere. Decernimus ergo ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integre conseruentur eorum pro quorum gubernatione et sustentatione concessa sunt usibus omnimodis profutura salua sedis apostolice auctoritate et diocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire tentauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini nostri Iesu christi redemptoris aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Iesu christi quatenus et hic fructum bone actionis percipiant et apud districtum iudicem premia eterne pacis inueniant. Amen. Datum Laterani per manum Alberti Romane ecclesie presbyteri cardinalis et cancellarii XVII kalendas aprilis indictione XII-a incarnationis dominice anno millesimo centesimo septuagesimo nono pontificatus domini Alexandri pape III anno XX°.

Source	VOS J. 1873

TRADITION

Original	Non
Manuscrit(s)	Tournai, Archives de la Cathédrale, Cartulaire B 1 (1201-1300)

EDITIONS ET TRAVAUX

Edition(s)	VOS J.. L' abbaye de Saint-Médard ou de Saint-Nicolas-des-Prés près de Tournai, II (Cartulaire), dans: Mémoires de la Société historique et littéraire de Tournai, 12 (1873), p.1-383., n.42, p.82-85, LIEN
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.13328, p.340, LIEN LIEN LIEN LIEN LIEN LIEN LIEN
	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.13328, p.725, LIEN LIEN LIEN LIEN LIEN LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.326, LIEN LIEN