‹
›
retourner aux résultats
| DiBe ID | 2067 |
| ACTEURS |
|
Auteur(s)
(= auteur de l'acte écrit) |
Fonction/titre:
pape Nom: Alexandre III Institution/juridiction: Rome Diocèse: Principauté: États pontificaux Ordre religieux: |
|
Disposant(s) (= auteur de l'acte juridique) |
Fonction/titre:
pape Nom: Alexandre III Institution/juridiction: Rome Diocèse: Principauté: États pontificaux Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Robert abbé Institution/juridiction: Tournai (S.Nicolas-des-Prés) Diocèse: Diocèse Tournai Principauté: Flandre Ordre religieux: Arrouaise |
| DATATION |
|
Datation interprétée
(préférentielle) |
14/4/1165 (donnée par document / mentioned in document - ) |
|
Datation interprétée
(toutes) |
14/4/1165 (donnée par document / mentioned in document - ) Qualification érudite: - |
|
Date dans la charte
|
14/4/1165 |
|
Date de lieu (dans le texte) |
Parisiis |
|
Date de lieu (normalisée) |
Paris (FRANCE, Île-de-France, Paris)
Diocèse: Archevêché Sens Principauté: France |
| RESUME ET DESCRIPTION |
| Résumé | confirme les biens et privilèges de l'abbaye (énumération) |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: bulle |
| TEXTE DU DOCUMENT |
| Alexander episcopus seruus seruorum dei dilectis filiis Roberto abbati sancti Nicolai Tornacensis eius que fratribus tam presentibus quam futuris regulariter constituendis in perpetuum. Desiderium quod ad religionis propositum et animarum salutem pertinere monstratur auctore deo est sine aliqua dilatione complendum. Quocirca dilecti in domino filii uestris iustis postulationibus clementer annuimus et prefatam ecclesiam sancti Nicolai Tornacensis in qua diuino estis obsequio mancipati ad exemplar patris et predecessoris nostri sancte recordationis Eugenii pape sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo canonicus qui secundum deum et beati Augustini regulam et institutionem fratrum sancti Nicolai de Arroasia in eodem loco institutus esse dignoscitur perpetuis ibidem temporibus inuiolabiliter obseruetur. Preterea quascumque possessiones quecumque bona eadem ecclesia inpresentiarum iuste et canonice possidet aut in futurum concessione pontificum liberalitate regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis locum ipsum in quo prenominata ecclesia sancti Nicolai sita est cum omnibus pertinentiis suis terras arabiles circa Tornacum terras et mansuras iuxta uiuum fontem quas Walterus aduocatus cum assensu Simonis quondam Tornacensis episcopi ad quem predicte terre de iure spectabant eidem ecclesie donauit allodium et terras censuales apud Castrecin ex dono Alardi Desplechin terras circa curtem Castrecin cum assensu Armerani prepositi et ecclesie sancti Amandi a qua idem Alardus predictas terras tenebat ex dono Beatricis de Ruma et filiorum eius allodium circa iam dictam curtem apud Rosbais redditum duorum modiorum frumenti et dimidium modium auene allodium de Segin terram et decimam apud Landast terras apud Huberti locum decimam de Wamiis curtem de Buccenniis cum terris ad eam pertinentibus allodium sancti Gisleni apud Wierihes cum terra silua et redditu nemus quod ab Alardo milite Antoniense cum consensu filiorum suorum et canonicis eiusdem loci emistis decimam pecorum de Bucceniis quam tenetis ab ecclesia Antoniense pro censu septem solidorum allodium apud Fraieres quod tenetis ab ecclesia sancte Marie Tornacensis allodium quod emistis ab ecclesia sancti Nicolai de Bosco allodia apud eumdem locum que a militibus circa predictum locum manentibus emistis nouem bonaria pratorum apud Felines curtem et allodia terras siluas et quinque bonaria prati iuxta predictas uillas Felines et Fraieres ad hospitale ecclesie uestre pertinentia decimam pecorum predictorum locorum quam tenetis ab ecclesia sancte Marie Tornacensis pro censu sex solidorum apud Fontenoich medietatem octo hospitum et quindecim bonariorum terre ad predictum hospitale pertinentium. Decernimus ergo ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolice auctoritate et diocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire tentauerit secundo tertio ue commonita si non reatum suum congrua satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore et sanguine dei et domini redemptoris nostri Iesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Iesu christi quatenus et hic fructum bone actionis percipiant et apud districtum iudicem premia eterne pacis inueniant amen. Datum Parisiis per manum Hermani sancte Romane ecclesie subdiaconi et notarii XVIII° kalendas maii indictione XIII-a incarnationis dominice anno millesimo centesimo sexagesimo quinto pontificatus uero domini Alexandri pape III° anno sexto. | |
| Source | VOS J. 1873 |
| EDITIONS ET TRAVAUX |
|
Edition(s)
|
VOS J.. L' abbaye de Saint-Médard ou de Saint-Nicolas-des-Prés près de Tournai, II (Cartulaire), dans: Mémoires de la Société historique et littéraire de Tournai, 12 (1873), p.1-383., n.26, p.50-52, LIEN |
| Travaux | JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.11175, p.190, LIEN LIEN LIEN LIEN LIEN LIEN LIEN |
| JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.11175, p.722, LIEN LIEN LIEN LIEN LIEN LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.290, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
