Diplomatica Belgica - Details Chartre 20094

DiBe ID

20094

ACTEURS

Auteur(s)
(= auteur de l'acte écrit)

Fonction/titre: empereur/impératrice
Nom: Frédéric II roi de Jérusalem et de Sicile
Institution/juridiction: S.Empire Romain
Diocèse: Archevêché Mayence
Principauté: Empire Allemand
Ordre religieux:

Disposant(s)

(= auteur de l'acte juridique)

Fonction/titre: empereur/impératrice
Nom: Frédéric II roi de Jérusalem et de Sicile
Institution/juridiction: S.Empire Romain
Diocèse: Archevêché Mayence
Principauté: Empire Allemand
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Gautier de Bersillies abbé
Institution/juridiction: S.Ghislain
Diocèse: Diocèse Cambrai
Principauté: Hainaut
Ordre religieux: Bénédictins

DATATION

Datation interprétée (préférentielle)	/8/1235 (donnée par document / mentioned in document - )
Datation interprétée (toutes)	/8/1235 (donnée par document / mentioned in document - ) Qualification érudite: -
Date dans la charte	/8/1235
Date de lieu (dans le texte)	apud Maguntiam
Date de lieu (normalisée)	Mayence (DEUTSCHLAND, Rheinland-Pfalz, - ) Diocèse: Archevêché Mayence Principauté: Empire Allemand

RESUME ET DESCRIPTION

Résumé	l'empereur , à la demande de Gautier (de Bersillies) , abbé de S . Ghislain , confirme , en la reproduisant en entier , la charte de protection accordée par son prédécesseur Henri VI à ce monastère (acte du 17 juin 1191 , DiBe 3939)
Description	Langue: latin Véracité: document non suspecté Tradition de l'acte: original Nature diplomatique: diplôme Vidimus/Vidimé 1

TEXTE DU DOCUMENT


In nomine sancte et indiuidue Trinitatis. Fredericus, diuina fauente clementia Romanorum imperator semper augustus, Ierusalem et Sicilie rex. Imperialis eminentia tunc precipue sui nominis titulos ampliat cum diuine pietatis intuitu per quam preest principibus orbis terre, loca religiosa pia mentis affectione tuetur ac protegit et fauorabiliter eorum iustas petitiones admittit. Eapropter uniuersis imperii fidelibus tam presentibus quam futuris uolumus esse notum quod constitutus in presentia nostra Walterus uenerabilis abbas monasterii Sancti Gisleni, fidelis noster, quoddam priuilegium, olim indultum monasterio suo ab Henrico patre nostro inclite recordationis augusto, nostre celsitudini presentauit, humiliter supplicans ut illud innouare et ea que continentur in ipso confirmare de nostra gratia dignaremur. Cuius priuilegii tenor talis est: In nomine sancte et indiuidue Trinitatis. Heinricus VI, diuina fauente clementia Romanorum imperator et semper augustus. Licet ad uniuersas ecclesias Dei et personas ecclesiasticas celsitudinis nostre patrocinium generaliter debeat extendi, eas tamen amplioris nimirum fauore benignitatis et gratie amplecti et confouere decreuimus quas specialioris debitum fidelitatis familiariori nobis deuotione commendauit. Hanc sane circa monasterium Sancti Gisleni considerationem habentes quod a nostris predecessoribus, uidelicet Dagoberto, Ottone tertio, Henrico secundo, Cuonrado itemque Cuonrado itemque Henrico tertio, regibus et imperatoribus, legitur esse constructum uniuersis imperii nostri tam presentibus quam futuris fidelibus notum fieri uolumus quod nos ob firmam imperii regnique nostri stabilitatem et anime nostre nostrorumque parentum perpetuam salutem, interuentu quoque et petitione carissimi fidelis nostri uenerabilis scilicet Gotwuini, eiusdem monasterii abbatis, laudabili quoque gloriosissimi ac patris nostri benedicte memorie Frederici christianissimi imperatoris exemplo inducti, ipsam Sancti Gisleni cellam ita prorsus ab omni iure mortalium liberam quod nulli ex temporalibus preter creatorem suum Deum seruire deberet, excepto solum honoris largitione de manu regis et imperatoris sicut de manu liberi aduocati recipienda, sub nostre tuitionis patrocinium suscepimus, et omnes res ad eam pertinentes iuxta tenorem priuilegiorum prefatorum regum et imperatorum lege in perpetuum ualitura eidem monasterio renouamus, et imperiali auctoritate confirmamus in omni possessione iam dicte ecclesie, uidelicet in terris, in pratis, in siluis, in aquis, in uillis et in seruis nullum aduocatum preter abbatem habere. Sane seruos cuiuscumque ciuitatis, castri seu alterius loci incole fuerint, lege nulla impediente sue ecclesie lege adstrictos abbatique ac si domino et aduocato suo per omnia seruituros prouida iudicii ratione asserimus. Statuimus etiam ut defuncta abbate fratres eiusdem monasterii, inuocata Sancti Spiritus gratia, idoneum et utilem rectorem sibi libere eligant, qui tempore oportuno presentie regali siue imperiali se exhibeat, et facto regie siue imperatorie maiestati hominio, inuestituram abbatie de manu regia seu imperatoria suscipiat. Adiicimus etiam ut sicut ex sententia principum coram nobis iudicatum est, nullus uillicationem in possessionibus ad eundem locum pertinentibus hereditario iure teneat uel repetat, sed abbas qui pro tempore fuerit idoneum et fidelem uillicum de familia monasterii constituat et deponat. At si quis de familia monasterii abbati sua rebellis inuentus fuerit, ex iudicio et districtione parium suorum ad satisfactionem abbatis cogatur. Decernimus ergo et imperiali auctoritate precipimus ut nullus successorum nostrorum regum et imperatorum, nullus episcopus, dux, marchio, comes uel uicecomes aut alia quelibet persona magna siue parua huius nostre renouationis confirmationem infringere presumat, sed predictus abbas suique successores nostra freti auctoritate bona monasterii recolligendo pristinam eiusdem loci libertatem sine impedimenti molestia obtineant. Si quis uero, quod absit, huius precepti nostri statutum infringere temptauerit, centum libras auri puri componat, quarum partem dimidiam fisco nostro et reliquam predicto monasterio persoluat. Ut autem hec ab omnibus credantur et inconuulsa habeantur, hanc inde cartam scribi iussimus et sublimitatis nostre sigillo aureo communiri, manuque propria corroborantes idoneos testes subnotari fecimus, quarum hec sunt nomina: Godefridus Aquilegensis patriarcha, Philippus Coloniensis archiepiscopus, Willielmus Rauennas archiepiscopus, Otto Frisingensis episcopus, Bonifacius Nouariensis episcopus, Iohannes Sancte Agathensis episcopus, Rofridus abbas Sancti Benedicti Montis Casini, Willelmus abbas Sancte Sophie in Beneuento, Otto Boemorum dux, Conradus dux de Rotemburc, Bertholdus dux Dalmatie et marchio Hystrie, Henricus marchio de Romesberch, Henricus frater ducis Austrie, Albero comes de Bogen, Gerardus comes de Tullenstein, Raboldus comes de Ortemberch, Gunterus comes de Keuernberc, Petrus urbis Rome prefectus, Thedericus comes de Hostaden, Lambertus comes de Thuringen, Richardus comes Consie, Willelmus comes Caserte, et alii quamplures. Signum domini Heinrici sexti Romanorum imperatoris -MONOGRAMMA-. Ego Ditherus imperialis ante cancellarius, uice Philippi Coloniensis archiepiscopi et Italie archicancellarii, recognoui. Acta sunt hec anno Dominice incarnationis MCXCI, indictione VIIII, regnante domino Heinrico sexto Romanorum imperatore gloriosissimo, anno regni eius XXII, imperii uero primo. Datum apud Neapolim per manum Heinrici protonotarii, XV kalendas iulii, feliciter. Amen. Nos igitur suis supplicationibus benignius inclinati, attendentes fidem et deuotionem sinceram ipsius abbatis quam ad celsitudinem nostram habet, abbatem eumdem, successores eius, monachos et omnia bona ipsius monasterii que iuste possidet in presenti et in antea iusto titulo poterit adipisci, sub speciali nostra et imperii protectione recepimus; suprascriptum quoque priuilegium patris nostri presenti priuilegio de uerbo ad uerbum inseri iussimus, omnia que continentur in eo auctoritatis nostre munimine confirmantes. Statuimus igitur et imperiali sancimus edicto quatinus nulla persona alta uel humilis, ecclesiastica uel secularis, predictum monasterium, abbatem, successores eius, monachos et homines ipsius monasterii contra presentis protectionis et confirmationis nostre tenorem super aliquibus ausu temerario molestare presumat. Quod qui presumpserit preter penam priuilegio supradicto appositam, centum libras auri pari componat, medietate fisco nostro, reliqua dicto monasterio persoluenda. Ad huius itaque confirmationis nostre memoriam et robur perpetuo ualiturum, presens priuilegium fieri et bulla aurea typario nostre maiestatis impressa iussimus communiri. Huius rei testes sunt: --- Maguntinus, --- Coloniensis, --- Treuerensis et --- Bisuntinensis archiepiscopi, --- Babinbergensis, --- Constantiensis, --- Hyldesemensis, --- Leodiensis et --- Cameracensis episcopi, frater H. Magister hospitalis Sancte Marie Theutonicorum in Ierusalem, --- dux Bawarie Palatinus comes Reni, --- dux Karinthie, --- dux Brabantie, --- dux Lothoringie, lantgrauius Thuringie Palatinus comes Saxonie, --- marchio de Baden, --- comes Seinensis, --- comes Barensis, --- comes Cleuensis, et alii quamplures Signum domini Friderici secundi, Dei gratia inuictissimi Romanorum imperatoris semper augusti, Ierusalem et Sicilie regis. -MONOGRAMMA-. Ego Sifridus Ratisponensis episcopus imperialis aule cancellarius, uice domini S. Maguntini archiepiscopi Germanie archicancellarii, recognoui. Acta sunt hec anno dominice incarnationis MCCXXXV, mense augusti, octaue indictione, imperante domino Frederico II Romanorum imperatore semper augusto, Ierusalem et Sicilie rege, imperii eius anno quintodecimo, regni Ierusalem decimo, regni uero Sicilie tricesimo septimo, feliciter. Amen. Datum apud Maguntiam, anno, mense et indictione prescriptis.

Source	HUILLARD-BREHOLLES J.L.A. 1852

TRADITION

Original

Non

EDITIONS ET TRAVAUX

Edition(s)	DE REIFFENBERG F.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), I, Bruxelles, 1844; IV, Bruxelles, 1846; VIII, Bruxelles, 1848., 8, p.429-430, LIEN LIEN
	HUILLARD-BREHOLLES J.L.A.. Historia diplomatica Friderici secundi sive constitutiones, privilegia, mandata, instrumenta quae supersunt istius imperatoris et filiorum ejus. Collegit, ad fidem chartarum et codicum recensuit, juxta seriem annorum disposuit et notis illustravit J. -L. -A. Huillard-Bréholles, auspiciis et sumptibus H. de Albertis de Luynes, 6 in 11 vol., Paris, 1852-1861., IV,2, p.749-753, LIEN LIEN LIEN LIEN LIEN LIEN LIEN LIEN LIEN LIEN LIEN LIEN
Travaux	BOEHMER J.F.-FICKER J.-WINKELMANN E.. Regesta Imperii. V. Die Regesten des Kaiserreichs unter Philipp, Otto IV, Friedrich II, Heinrich (VII), Conrad IV, Heinrich Raspe, Wilhelm und Richard (1198-1272), Innsbruck, 1881., V/1, n.2102, p.416,
	LE MERCIER DE MORIERE L.. Catalogue des actes de Mathieu II, duc de Lorraine, (Recueil de documents sur l'histoire de la Lorraine, 26), Nancy, 1893., n.185, p.172, LIEN LIEN
	KOCH A.-WILLE J.. Regesten der Pfalzgrafen am Rhein (1214-1400). Herausgegeben von der badischen historischen Commission unter Leitung von Eduard Winkelmann, Innsbruck, 1894., n.383, p.21, LIEN LIEN
	KNIPPING R.. Die Regesten der Erzbischöfe von Köln im Mittelalter, Dritter Band (1205-1304). Erste Hälfte (1205-1261) (Publikationen der Gesellschaft für Rheinische Geschichtkunde, 21), Bonn, 1909., III/1, n.835, p.125, LIEN LIEN
	BOEHMER J.F.-ZINSMAIER P.. Regesta Imperii. V. Die Regesten des Kaiserreichs unter Philipp, Otto IV, Friedrich II, Heinrich (VII), Conrad IV, Heinrich Raspe, Wilhelm und Richard (1198-1272). V/4. Nachträge und Ergänzungen, Köln-Wien, 1983., V/4, p.212,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 4, p.222, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 4, p.632, LIEN LIEN
	AKADEMIE DER WISSENSCHAFTEN UND DER LITERATUR - MAINZ. Regesta imperii - RI Online, Ressource électronique, notice 2102, LIEN LIEN