Diplomatica Belgica - Details Chartre 19

DiBe ID

19

ACTEURS

Auteur(s)
(= auteur de l'acte écrit)

Fonction/titre: évêque
Nom: Nicolas I
Institution/juridiction: Cambrai
Diocèse: Diocèse Cambrai
Principauté: Cambrai
Ordre religieux:

Disposant(s)

(= auteur de l'acte juridique)

Fonction/titre: institution monastique
Nom:
Institution/juridiction: Tournai (S.Martin)
Diocèse: Diocèse Tournai
Principauté: Flandre
Ordre religieux: Bénédictins

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Tournai (S.Martin)
Diocèse: Diocèse Tournai
Principauté: Flandre
Ordre religieux: Bénédictins

DATATION

Datation interprétée (préférentielle)	22/7/1162 (donnée par document / mentioned in document - )
Datation interprétée (toutes)	22/7/1162 (donnée par document / mentioned in document - ) Qualification érudite: -
Date dans la charte	22/7/1162
Date de lieu (dans le texte)	Cameraci
Date de lieu (normalisée)	Cambrai (FRANCE, Hauts-de-France, Nord) Diocèse: Diocèse Cambrai Principauté: Cambrai

RESUME ET DESCRIPTION

Résumé	notifie les précautions prises pour assurer à l'abbaye le paiement du loyer de ses biens à Odomez
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: charte

TEXTE DU DOCUMENT


Ego Nicholaus dei gratia Cameracensium episcopus notum facio tam presentibus quam futuris quod ecclesia sancti Martini Tornacensis possessionem quandam diu quiete tenuerat in loco qui uocatur Audomansus quam Ludouicus uidens sibi competere obtinuit ab abbate et fratribus eiusdem ecclesie ea conditione in ius suum cedere ut pro eadem possessione singulis annis septem libras denariorum Ualentianensis monete eis in crastinum post festum sancti Dionisii persoluat. Ut autem idem fratres omnimodis de persoluenda pecunia certi redderentur decretum est ut si die prefixo eadem pecunia non solueretur Ludouicus commonitus si infra quindecim dies non satisfaceret et super hoc ad nostri notitiam querimonia deferretur duo molendina predicti Ludouici que apud Sosonium habentur absque ulla dilatione clamoris aut responsi seu placiti sub nostri custodia redigerentur et seruarentur et quicquid ex eis profectus exiret uenditione distraheretur donec predicta pecunia absque diminutione ecclesie sancti Martini persolueretur. Sciendum autem de his duobus molendinis quod Theodericus de Waslers unum de nostro iure in feodum tenet et alterum Matheus filius Thome quod de eodem Matheo predictus Theodericus in feodum nichilominus tenet. Utrumque autem idem Theodericus in dotem sororis sue Ludouico tradidit et confirmauit. Ad petitionem igitur Ludouici et uxoris eius ad quam maxime ius molendinorum pertinebat seu filiorum eorum tam ego quam prefati milites Theodericus et Matheus concessimus ut sicut prescriptum est iam sepefata pecunia de eorumdem molendinorum redditu persoluatur. Quod si termino constituto eadem non soluatur pecunia et unus mensis uel duo seu plures effluxerint antequam soluatur singulis mensibus uiginti solidis in summam subputatis cum septem libris persoluentur et interim is ad quem molendina pertinebunt quicunque sit excommunicationi subiacebit propter pecunie dilationem. Si uero molendina quolibet deperierint infortunio ius suum monachi recognoscent in redditibus de Fraxino et de Aldomanso quousque suam recipiant pecuniam. Post molendinorum quoque reparationem si quid forte desolationis eorum tempore de summa predicte pecunie frustratum fuerit neque persolutum totum de singulis annis in summam supputatum antequam ad ius Ludouici uel alicuius molendina redeant de eorum redditu per nostram iusticiam et ministrorum nostrorum officium sine ulla diminutione persoluetur. Hanc pactionem in nostri presentia coram ecclesiasticis personis et honeste fame laicis constitutam munimento presentis pagine et nostri sigilli impressione confirmauimus et testes idoneos subannotari fecimus. Ego Nicholaus dei gratia Cameracensium episcopus me huius instituti testem et obsidem adhibeo. Et quia res ad honorem et ius episcopalis dignitatis plurimum attinet successores meos testes et obsides fieri uolo. Signum Iohannis archidiaconi. Signum Alardi archidiaconi. Signum Hugonis decani. Signum Hugonis abbatis sancti Amandi. Signum Fulconis abbatis Hasnonie. Signum Paruini abbatis sancti sepulchri. Signum abbatis sancti Autberti. Signum Egidii de sancto Autberto. Signum Galteri tonitrui. Signum Manasse de Rumiliaco. Signum Iohannis de Marconio. Signum Thome de Fontaniis. Actum Cameraci anno domini M° C° LX° II° undecimo kalendas augusti.

Source	D'HERBOMEZ A. 1898

TRADITION

Original	Non
Manuscrit(s)	Tournai, Archives de l'Etat [AE], Fonds Cartulaires 80 (1201-1300)

EDITIONS ET TRAVAUX

Edition(s)	D'HERBOMEZ A.. Chartes de l'abbaye de Saint-Martin de Tournai (Publications de la Commission royale d'Histoire. Chroniques belges inédites. Series I in 4°), I, Bruxelles, 1898., 1, n.91, p.92-94, LIEN LIEN LIEN
Travaux	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.210, LIEN LIEN