‹
›
retourner aux résultats
| DiBe ID | 18586 |
| ACTEURS |
|
Auteur(s)
(= auteur de l'acte écrit) |
Fonction/titre:
chapitre cathédral/collégial Nom: Nicolas prévôt et Elisabeth doyenne Institution/juridiction: Mons (S.Waudru) Diocèse: Diocèse Cambrai Principauté: Hainaut Ordre religieux: |
|
Fonction/titre:
châtelain/châtelaine Nom: Léon I Institution/juridiction: Bruxelles Diocèse: Diocèse Cambrai Principauté: Brabant (Leuven) Ordre religieux: |
|
|
Disposant(s) (= auteur de l'acte juridique) |
Fonction/titre:
chapitre cathédral/collégial Nom: Nicolas prévôt et Elisabeth doyenne Institution/juridiction: Mons (S.Waudru) Diocèse: Diocèse Cambrai Principauté: Hainaut Ordre religieux: |
|
Fonction/titre:
châtelain/châtelaine Nom: Léon I Institution/juridiction: Bruxelles Diocèse: Diocèse Cambrai Principauté: Brabant (Leuven) Ordre religieux: |
|
|
Bénéficiaire(s)
(= bénéficiaire) |
Fonction/titre:
chapitre cathédral/collégial Nom: Institution/juridiction: Mons (S.Waudru) Diocèse: Diocèse Cambrai Principauté: Hainaut Ordre religieux: |
|
Fonction/titre:
châtelain/châtelaine Nom: Léon I Institution/juridiction: Bruxelles Diocèse: Diocèse Cambrai Principauté: Brabant (Leuven) Ordre religieux: |
| DATATION |
|
Datation interprétée
(préférentielle) |
11/10/1229 (donnée par document / mentioned in document - ) |
|
Datation interprétée
(toutes) |
11/10/1229 (donnée par document / mentioned in document - ) Qualification érudite: - |
|
Date dans la charte
|
11/10/1229 |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | le chapitre de Mons (S . Waudru) et Léon I , châtelain de Brussel / Bruxelles , règlent le partage des revenus provenant du bois de Hal ; l'évêque de Cambrai , Godefroid I , et le comte et la comtesse de Flandre et de Hainaut confirment cet acte en y apposant leurs sceaux |
|
Description
|
Langue:
latin Véracité: document non suspecté Tradition de l'acte: original Nature diplomatique: charte |
| TEXTE DU DOCUMENT |
| In nomine Dei omnipotentis, nouerint uniuersi tam presentes quam futuri presens scriptum uisuri, quod nos Nicholaus prepositus, Elizabeth decana, totumque beate Waldedrudis Montensis capitulum, ex una parte, et ego Leonius, castellanus Bruxellensis, ex altera, super totali nemore de Hal, wastinis, saltibus, raspailliis et huiusmodi ad predictum nemus spectantibus, pro bono communis utilitatis, adhibito nobis prudentium, uirorum consilio et impetrato super hoc communi consensu capituli, in hoc concorditer conuenimus, quod tam in fundo quam in superficie nemoris memorati et etiam, in omnibus que ex ipso nemore prouenient, et hoc siue per seruitium, siue per panna, siue per quecumque forefacta uel leges uel emendas, seu etiam in quibuscumque aliis inde prouenientibus, necnon wastinis et aliis supradictis, et omnibus prouentibus inde uenturis, ecclesia beate Waldedrudis Montensis medietatem integraliter habebit, et ego Leonius, Bruxellensis castellanus, tanquam aduocatus dicti nemoris, et homo feodatus illustris comitis Flandrie et Hainoie, de tercia parte eiusdem, nemoris tam in predicto nemore quam in omnibus inde prouenientibus necnon wastinis et aliis quibuscumque supradictis, aliam medietatem, plene habebo, saluo tamen in omnibus et per omnia iure aduocatie mee sicut habeo in uilla de Hal. Et similiter heres meus ad quem dicta duo dominia, uidelicet aduocatia et feodatio coniunctim deuenient, in eandem succedet medietatem, sicut predictum est. Hoc etiam firmiter obseruato, quod neque ego Leonius, neque heres meus de propria manu nostra medietatem nostram priusdictam aliquo modo in aliam personam transferre poterimus, et hoc neque per dotem, neque quocumque modo alienandi, siue transferendi, nisi ad illam personam ratione successionis deueniat, sicut predictum est. Ad hec sciendum quod neque nos ecclesia predicta, neque ego Leonius, neque heres meus, de predicto nemore quicquam omnino, uel uendere, uel partiri, uel separare, uel incidere, uel extirpare, uel donare poterimus, nisi de communi partium consensu, nec etiam quicquam aliud inde facere, quod sit in preiudicium ac grauamen alterutrius partis. In eodem nemore erit forestarius, qui de communi partium consensu et uoluntate, ac imponetur ac ammouebitur. Ipse tamen forestarius pro tempore suo, utrique parti faciet fidelitatem. Ipse etiam forestarius panna et alias emendas et forefacta dicti nemoris, sub competenti testimonio offeret uillico de Hal, ut per ipsum uillicum bona fide seruentur ad uoluntatem dictarum partium reddenda. Et hoc si uillicus, sicut dictum est, recipere uoluerit. Sin autem, de consensu dictarum partium eligetur probus uir pro tempore et ad uoluntatem dictarum partium, penes quem forestarius deponet predicta sub fide et sacramento conseruanda et partibus reddenda, saluo tamen iure uillici de Hal, si recipere negauerit, in quantum secundum hoc debet esse saluum. Item nulla pars nemoris predicti decetero ad culturam redigi poterit, nisi de communi partium consensu. Quod si redigatur ac inde proueniat census uel redditus, uel aliquod seruitium, totum hoc inter partes mediatim diuidetur, sed antiqui census uel redditus erunt sicut prius. Et sciendum quod, post primam dicti nemoris incisionem, expectabuntur nouem anni; decimo autem anno, nemus poterit incidi, ac sic deinceps obseruabitur terminus incisionis, nisi in breuiorem terminum incidendi, pensata communi utilitate, partes bona fide consenserint. Tempore autem incisioni statuto, altera partium poterit uendere nemus incidendum, ac tenebit illa uenditio, nisi reliqua pars meliorem posset ostendere communem utilitatem in uendendo et utrumque recipietur sub iuramento prestito bona fide faciendum. Item si noua uilla fiat in fundo dicti nemoris de consensu partium, ego Leonius et heres meus habebimus in illa eandem aduocatiam sicut, habeo apud Hal. Et si in illa uilla contingat institui uillicum uel scabinos, uel alios quoscumque seriantos, et illi non nisi de communi partium consensu instituentur uel destituentur. Leges autem dicte uille, siue emende, siue forefacta, siue quecumque alia, necnon introitus et exitus domorum, releuia terrarum, siue quecumque alia emolumenta, inter partes predictas equaliter diuidentur. Item, si ego castellanus inuenire possim aliquos mansionarios qui uelint edificare in fundo dicti nemoris, uel, heres meus, si ecclesia non posset inuenire alios per quos ostendat conditionem ecclesie esse meliorem, debent recipi. Idem fiet de mansionariis ecclesie, si quos ecclesia, sicut predictum est, posset inuenire. Et omne commodum exinde proueniens, ex equo inter partes diuidetur, utralibet partium istud faciente. Si qua autem partium suspecta fuerit de fraudulenta receptione talium habitatorum, recipiet sub sacramento prestito istud bona fide se facere. Item si in fundo dicti nemoris perciperetur aliquod latens incrementum, utpote carbonarie, minarie cuiuscumque metalli, lapidicine, siue quecumque huiusmodi alia incrementa, ex equo inter partes, sicut dictum est, diuiderentur. Si uero contingat me castellanum uel heredem meum aliquas facere expensas pro aduocatia mea, siue pro defensione communis utilitatis, siue in foro ecclesiastico, siue in foro seculari, contra quascumque personas, ego de meo proprio faciam eas. Hoc addito quod si ego agam contra aliquem quemcumque turbatorem communis utilitatis, nos ecclesia in hoc ei assistere debemus, quod cum inde requisiti fuerimus, in uindictam malefactorum communis utilitatis reliquias nostras deponeremus, et alia sanctuaria secundum antiquam consuetudinem. Si autem nos ecclesia pro communi utilitate in quocumque foro faciamus expensas, de nostro proprio faciemus eas. Item, si in dicto nemore inueniatur locus aptus uiuario et molendino debet fieri de communibus expensis bona fide moderatis. Et ille expense de communibus bonis tam uille quam nemoris sumentur, si tot bona ibi extent que sufficiant ad predicta facienda, et hoc bona fide inspicietur antequam hec incipiant fieri, et in commune commodum cedet tam molendinus quam piscaria. Quod si tot bona inuenta non fuerint, et altera partium expensas facere noluerit moderatas, ut dictum est, reliqua pars, si uelit, ea facere poterit in fundo communi, sed pro parte fundi alterius partis ei ante faciet condignam recompensationem bona fide, et secundum estimationem proborum uirorum. Hec autem omnia nos capitulum prius dictum, et ego Leonius, Bruxellensis castellanus, sub fide et iuramento prestitis, tactis sacrosanctis reliquiis, repromisimus nos bona fide hec omnia predicta inuiolabiliter obseruaturos, ad quod etiam iuramentum corporaliter prestandum in ecclesia beate Waldedrudis apud Montes, heres meus scilicet Leonii castellani qui in predicta michi succedet tenebitur. Et similiter nos capitulum illi heredi ad idem iuramentum tenebimur prestandum, de premissis bona fide conseruandis. Et nos capitulum predictum renunciauimus spontanee omni exceptioni quam in posterum possemus obicere, ad rescindendum uel debilitandum factum istud unanimiter approbatum. Et ego Leonius similiter renunciaui omni tali exceptioni. Ut igitur omnia que superius scripta sunt firma permaneant et inconcussa, nos capitulum Montense priusdictum et ego Leonius, castellanus Bruxellensis, presentem paginam sigillorum nostrorum appensionibus fecimus roborari. Preterea uenerabilis in Christo pater Godefridus, Dei gracia Cameracensis episcopus, illustres etiam persone Fernandus, Flandrie ac Hainoie comes, et Iohanna, uxor eiusdem, dicte ecclesie patronatum habentes, inspecta in hac parte predictarum partium utilitate fauorem suum eis que antedicta sunt benigne adhibentes, eandem paginam sigillorum suorum appositionibus uoluerunt communiri. Actum sollempniter feria quinta post festum beati Dyonisii, anno Domini M° ducentesimo uicesimo nono, mense octobri. | |
| Source | DEVILLERS L. 1899 |
| TRADITION |
|
Original
|
Non |
| EDITIONS ET TRAVAUX |
|
Edition(s)
|
DEVILLERS L.. Chartes du chapitre de Sainte-Waudru de Mons (Publications de la Commission royale d'Histoire, Series I in 4°), I, Bruxelles, 1899., 1, n.99, p.158-161, LIEN LIEN LIEN LIEN LIEN |
| Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.517, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
