‹
›
retourner aux résultats
| DiBe ID | 1762 |
| ACTEURS |
|
Auteur(s)
(= auteur de l'acte écrit) |
Fonction/titre:
pape Nom: Lucius III Institution/juridiction: Rome Diocèse: Principauté: États pontificaux Ordre religieux: |
|
Disposant(s) (= auteur de l'acte juridique) |
Fonction/titre:
pape Nom: Lucius III Institution/juridiction: Rome Diocèse: Principauté: États pontificaux Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: S.Trond Diocèse: Diocèse Liège Principauté: Looz Ordre religieux: Bénédictins |
| DATATION |
|
Datation interprétée
(préférentielle) |
10/11/1183 (donnée par document / mentioned in document - ) |
|
Datation interprétée
(toutes) |
10/11/1183 (donnée par document / mentioned in document - ) Qualification érudite: - |
|
Date dans la charte
|
10/11/1183 |
|
Date de lieu (dans le texte) |
Anagnie |
|
Date de lieu (normalisée) |
Anagni (ITALIA, Latium, Frosinone)
Diocèse: Principauté: États pontificaux |
| RESUME ET DESCRIPTION |
| Résumé | ratifie les privilèges de l'abbaye et confirme la donation de l'église d'Aalburg (NEDERLAND, Noord-Brabant, Wijk en Aalburg) |
|
Description
|
Langue:
latin Véracité: document non suspecté Tradition de l'acte: original Nature diplomatique: bulle |
| TEXTE DU DOCUMENT |
| Lucius episcopus seruus seruorum dei dilectis filiis abbati sancti Trudonis eius que fratribus tam presentibus quam futuris regularem uitam professis in perpetuum religiosam uitam eligentibus apostolicum conuenit adesse presidium ne forte cuiuslibet temeritatis incursus aut eos a proposito reuocet aut robur quod absit sacre religionis infringat. Ea propter dilecti in domino filii uestris iustis postulationibus clementer annuimus et prefatam ecclesiam in qua diuino estis obsequio mancipati sub beati Petri et nostra protectione suscipimus et presentis scripti priuilegio communimus statuentes ut ordo monasticus qui secundum deum et beati Benedicti regulam in uestro monasterio noscitur institutus perpetuis ibidem temporibus inuiolabiliter obseruetur. Preterea quascumque possessiones quecumque bona idem monasterium in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis locum ipsum in quo idem monasterium situm est ecclesiam de Alburg quam uestro monasterio uenerabilis frater noster Balduwinus Traiectensis episcopus pia uobis que largitione concessit sicut in ipsius scripto autentico continetur et uos eam canonice possidetis cuius rescriptum de uerbo ad uerbum duximus annotandum: in nomine sancte et indiuidue trinitatis --- sane noualium uestrorum que propriis manibus aut sumptibus colitis siue de nutrimentis animalium uestrorum nullus a uobis decimas exigere uel extorquere presumat. Cum generale interdictum terre fuerit liceat uobis clausis ianuis exclusis excommunicatis et interdictis non pulsatis Campanis suppressa uoce diuina officia celebrare. Sepulturam preterea ipsius loci liberam esse decernimus ut eorum deuotioni et extreme uoluntati qui se illic sepeliri deliberauerunt nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumuntur. In parrochialibus autem ecclesiis quas habetis liceat uobis clericos uel sacerdotes eligere et diocesano episcopo presentare quibus si idonei fuerint episcopus curam animarum committat ut ei de spiritualibus uobis uero de temporalibus debeant respondere. Decernimus ergo ut nulli omnino hominum liceat prefatum monasterium temere perturbare aut eius possessiones auferre uel ablata retinere minuere seu quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa sunt usibus omnimodis profutura salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire tentauerit secundo tertio ue commonita nisi reatum suum congrua satisfactione correxerit potestatis honoris que sui careat dignitate ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatenus et hic fructum bone actionis percipiant et apud districtum iudicem premia eterne pacis inueniant. Amen amen amen. Ego Lucius catholice ecclesie episcopus. Ego Theodericus Patuensis et sancte Rufine sedis episcopus. Ego Henricus Albanensis episcopus. Ego Paulus Prenestinus episcopus. Ego Iacobus diaconus cardinalis sancte Marie in cosmidyn. Ego Ardis diaconus cardinalis sancti Theodori. Ego Gratianus sanctorum Cosme et Damiani diaconus cardinalis. Ego Octauus sanctorum Sergii et Bachi diaconus cardinalis. Ego Iohannes presbyter cardinalis tituli sancti Marci. Ego Petrus presbyter cardinalis tituli sancte Susanne. Ego Viuianus tituli sancti Stephani in Celiomonte presbyter cardinalis. Ego Laborans presbyter cardinalis sancte Marie Transtiberi tituli Calixti. Datum Anagnie per manum Hugonis sancte Romane ecclesie notarii IIII idus nouembris indictione secunda incarnationis dominice anno M° C° LXXXIII° pontificatus uero domini Lucii pape III anno III°. | |
| Source | MULLER FZ.S.-BOUMAN A.C. 1920 |
| TRADITION |
| EDITIONS ET TRAVAUX |
|
Edition(s)
|
MULLER FZ.S.-BOUMAN A.C.. Oorkondenboek van het Sticht Utrecht tot 1301, I (695-1197) , Utrecht-'S-Gravenhage, 1920., 1, n.513 (édition fragmentaire), p.456, LIEN LIEN |
| STICHTING BRABANTSE BRONNEN. Het Digitaal Oorkondenboek van Noord-Brabant, uitgegeven door Geertrui Van Synghel (DONB), Ressource électronique, 1183.11.10, LIEN LIEN | |
| Travaux | JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.14932, p.458, LIEN LIEN LIEN LIEN LIEN LIEN LIEN |
| COENEN J.. Limburgsche Oorkonden (98-1340), 4 vol., Maaseik, 1932-1942., 1, n.568, p.226, | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.780, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
