‹
›
retourner aux résultats
| DiBe ID | 1701 |
| ACTEURS |
|
Bénéficiaire(s)
(= bénéficiaire) |
Fonction/titre:
seigneur Nom: N Institution/juridiction: Gouy-lez-Piéton Diocèse: Diocèse Liège Principauté: Brabant (Leuven) Ordre religieux: |
|
Fonction/titre:
institution monastique Nom: Institution/juridiction: Floreffe Diocèse: Diocèse Liège Principauté: Namur Ordre religieux: Prémontrés |
| DATATION |
|
Datation interprétée
(préférentielle) |
//1186 (donnée par document / mentioned in document - ) |
|
Datation interprétée
(toutes) |
//1186 (donnée par document / mentioned in document - ) Qualification érudite: - |
|
Date dans la charte
|
//1186 |
|
Date de lieu (dans le texte) |
|
|
Date de lieu (normalisée) |
Diocèse: Principauté: |
| RESUME ET DESCRIPTION |
| Résumé | énumération des cens que l'abbaye doit payer aux seigneurs de Gouy-lez-Piéton pour des propriétés que ceux-ci lui ont données |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: autre |
| TEXTE DU DOCUMENT |
| In nomine sancte et indiuidue trinitatis. Notum sit omnibus et presentibus et futuris plenarie et determinate in hoc chyrographo designari totum censum quem Floreffiensis ecclesia debet dominis de Goei pro terra quam tam in siluis quam pratis et cultis eidem ecclesie sub redditione census in eleemosynam legittime contradiderunt et perpetuo iure possidendam assensu et fauore dominorum Gilionis de Trasingeis et Euerardi de Roeuia de quorum manu eandem terram idem domini de Goei in feudum susceperant et tenebant. Rationabiliter et consono fauore affectauerant primum Berta de Goei deinde filii eius Iohannes et Segardus de Milench qui tunc temporis nec uxores nec liberos habebant Radulphus et Iohannes frater eius qui clericus dicebatur auunculi predictorum Iohannis et Segardi postea uero predictus Iohannes de Milench et filii eius Walterus et Arnoldus milites et Iohannes frater eorum una cum filiis prefati Iohannis cognomento clerici Seruatio milite Gilione et Nicolao clerico sub presentia et testimonio sacerdotis uillici scabinorum et totius potestatis de Goei predictam eleemosynam et eleemosyne traditionem et affectationem legitimam ecclesie Floreffiensi unanimiter recognouerunt clementer concesserunt perenniter firmauerunt. Et sciendum certissime quod de terra predicta de qua et pro qua censum constitutum Floreffiensis ecclesia reddit terragium habere et recipere integre et sine contradictione ipsa eadem ecclesia iure perpetuo debet. Igitur in festo sancti Iohannis baptiste debet Floreffiensis ecclesia communi dominio de Goei de censu predicto tam in siluis quam pratis et cultis XXIIII solidos Niuelliensis monete et duodecim nummos pro minuta decima curie de Felchiria in festo autem sancti Remigii XXIIII solidos predicte monete Iohanni autem de Milench singulariter et proprie de prato Iniorrandi II°s nummos de prato Limberindis I nummum de terra supra uillam de Capella pro qua diu contentio fuit IIII-or nummos in festo sancti Iohannis et quatuor in festo sancti Remigii et modium segetis ad mensuram modii de Goei. Quidquid autem tam census quam decime in terra pro qua contentionem fuisse diximus Iohannes cognomento clericus habebat totum ecclesie Floreffiensi pro salute anime filii sui Iohannis assensu reliquorum filiorum suorum perpetuo iure possidendum legitime contradidit. Verum decimam a ponte Theoderici usque ad riuum Lorel et ultra riuum de duobus bonuariis terre sepe dictus Iohannes de Milench assensu filiorum suorum pro salute anime uxoris sue Alidis et ut ipsemet si egrotauerit uisitationem et salutis anime consilium et cum obierit sepulturam honestam et plenarium sicut frater et conuersus ecclesie habeat seruitium supradicte Floreffiensi ecclesie in eleemosynam legittime affectauit. Porro de conditione quam cum eodem Iohanne de Milench de suscipienda aliqua filiarum ipsius in conuersam Floreffiensis ecclesia contraxerat datis eidem Iohanni octo libris nouorum Valencinensium et filio eius Waltero uiginti solidis penitus se absoluit ipse que Iohannes et filii eius Walterus Arnoldus et Iohannes commutationem conditionis gratifice susceperunt et sub presentia et testimonio sacerdotis uillici scabinorum et totius potestatis de Goei ecclesiam de conditione memorata in perpetuum quittam et liberam clamauerunt. Ceterum sciendum quod preter censum prescriptum nullum ius domini de Goei ab ecclesia Floreffiensi debent exigere nec eis ecclesia de aliqua exactione debet respondere. Immo etiam iidem domini contra omnes de terra uel eleemosyna predicta eidem ecclesie iniuriam facere presumentes legittimam defensionem debent prebere. Nomina autem testium sub quorum presentia et testimonio omnia hec acta renouata et firmissime roborata sunt Lambertus et Henricus sacerdotes de Goei Philippus sacerdos de Trasingeis Rigaldus miles de Roeuia homo liber Godefridus miles de Ueteri Uilla Gonterus uillicus de Goei scabini de Goei Nizo de Felcheria Iohannes lepus Henricus de Cheinceis Reinerus de Morelmont Gislebertus gobart Theobaldus des marez Sigerus de Brinanimont Walterus uillicus de Capella Guido de Tuint. Floreffiensium autem affuerunt dominus Herimannus eiusdem ecclesie abbas Reingerus Theodericus et Iordanus sacerdotes Hugo ipsius ecclesie prepositus et Iohannes diaconi Heribertus Reinerus Lambertus Godescalcus conuersi. Hec autem acta sunt uel potius renouata anno uerbi incarnati M° C° LXXX° VI° indictione IIII-a concurrente II-a epacta XXVIII-a. | |
| Source | ANONYME 1877 |
| TRADITION |
| EDITIONS ET TRAVAUX |
|
Edition(s)
|
ANONYME. Documents concernant Gouy-lez-Piéton et Arquennes, extraits du cartulaire de Floreffe, dans: Analectes pour servir à l'histoire ecclésiastique de la Belgique, 14 (1877), p.184-193, n.1, p.184-186, |
| Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.355, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
