Diplomatica Belgica - Details Chartre 1608

DiBe ID

1608

ACTEURS

Auteur(s)
(= auteur de l'acte écrit)

Fonction/titre: pape
Nom: Eugène III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Eugène III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Wibald abbé
Institution/juridiction: Stavelot
Diocèse: Diocèse Liège
Principauté: Stavelot-Malmédy
Ordre religieux: Bénédictins

DATATION

Datation interprétée (préférentielle)	6/6/1146 (donnée par document / mentioned in document - )
Datation interprétée (toutes)	6/6/1146 (donnée par document / mentioned in document - ) Qualification érudite: -
Date dans la charte	6/6/1146
Date de lieu (dans le texte)	Viterbi
Date de lieu (normalisée)	Viterbe (ITALIA, Latium, Viterbo) Diocèse: Principauté: États pontificaux

RESUME ET DESCRIPTION

Résumé	confirme à l'abbaye ses possessions et ses privilèges (énumération)
Description	Langue: latin Véracité: document non suspecté Tradition de l'acte: original Nature diplomatique: bulle

TEXTE DU DOCUMENT


Eugenius episcopus seruus seruorum dei dilectis filiis Wibaldo Stabulensi abbati eius que fratribus tam presentibus quam futuris regularem uitam professis in perpetuum. Apostolici moderaminis clementię conuenit religiosos diligere et eorum loca pia protectione munire. Dignum namque et honestati conueniens esse cognoscitur ut qui ad ęcclesiarum regimen assumpti sumus eas et a prauorum hominum nequitia tueamur et apostolicę sedis patrocinio foueamus. Ea propter dilecte in domino fili Wibolde abbas tuis iustis postulationibus debita benignitate gratum impartientes assensum Stabulense monasterium cui deo auctore preesse dinosceris ad exemplar predecessorum nostrorum bonę memorię Celestini et Lucii Romanorum pontificum sub beati Petri et nostra protectione suscipimus et presentis scripti priuilegio communimus statuentes ut quascumque possessiones quecumque bona idem monasterium in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis modis deo propitio poterit adipisci firma uobis uestris que successoribus et illibata permaneant. In quibus hęc propriis duximus exprimenda uocabulis Malmundarium uidelicet quod sicut ab initio fundationis suę fuisse dinoscitur semper subditum sit Stabulensi loco quemadmodum cella monasterio monachi uero ipsius loci Stabulaus professionem faciant et ubi abbas prouiderit benedicantur et ordinentur nec pro eodem loco Stabulensis abbas qui pro tempore fuerit cogatur Coloniensi archiepiscopo obedientiam promittere uel animarum curam ab ipso suscipere castellum quod Longia uocatur prohibentes quod nullus aduocatus ibi aliquid sibi usurpare presumat sed in dispositione abbatis omni tempore permaneat ęcclesiam in Sprimont in Heirant in Turinnes in Hosinmont in Oseis in Graisdes in Aldendorph in Amblaua in Tumbis in Clotena uillam Germiniacum et duo molendina super fluuium Suppiam uillam Turninnes uillam Sprimont Lukesenges Vilippes Tauernou Hussenebach quam dedit uobis liber homo Godefridus. Ordinationes autem ecclesiarum et decimationes earum sicut hactenus habuistis uobis nichilominus confirmamus statuentes ut in parrochialibus ęcclesiis quas tenetis nullus episcopus absque abbatis assensu presbyterum collocet sed iuxta decretum predecessoris nostri bone memorię pape urbani episcopi parrochię curam cum abbatis consensu sacerdoti comittant ut eiusmodi sacerdotes de plebis quidem cura episcopo rationem reddant abbati uero pro rebus temporalibus ad monasterium pertinentibus debitam subiectionem exhibeant. Prohibemus quoque ut in possessionibus ipsius monasterii nullus iuariam uel maioriam aut uillicationem hereditario seu feodi iure per successionem teneant sed in potestate abbatis sit ordinare et cum oportunum cognouerit immutare securitatem etiam et libertatem in circuitu ipsius monasterii infra leuguam sicut a regibus siue imperatoribus rationabili prouidentia concessum est nullus presumat infringere. Idem uero monasterium tertium aduocatum non habeat sed iuxta antiquam consuetudinem duos tantum quorum primus aduocatiam cum banno de manu regum uel imperatorum accipiat alter autem qui de manu primi aduocati beneficium acceperit bannum a regibus uel imperatoribus accipiat nec liceat eis in possessionibus uel personis monasterio pertinentibus hospicia placita precarias exactiones facere non palefridos tollere non freda non redibitiones non consuetudines quę mortuę manus uulgo appellantur exigere sed sicut in scriptis regum uel imperatorum continetur ad ius et ordinationem abbatis pertineant. Ministeriales uero cum ad festa monasterii conuenerint nullum seruitium aut pastum exigant nisi quantum abbas rationabiliter eis prouiderit impendendum. Addentes etiam auctoritate apostolica interdicimus ut abbatia ipsa nulli in beneficium uel concambium detur nec a laico umquam regatur nec liceat abbati qui pro tempore fuerit possessiones uel bona ipsius in feodum uel in pignus alicui dare nec ullam prorsus commutationem uel quamlibet alienationem absque communi capituli consilio exinde facere. Obeunte uero te nunc eiusdem loci abbate uel tuorum quolibet successorum nullus ibi qualibet surreptionis astutia uel uiolentia preponatur sed liceat uobis communi consilio uel partis consilii sanioris secundum dei timorem et beati Benedicti regulam absque ullius contradictione abbatem eligere. Crisma quidem oleum sanctum consecrationes altarium seu basilicarum abbatis benedictionem et monachorum ordinationem qui ad sacros ordines fuerint promouendi a diocesano suscipiatis episcopo si quidem catholicus fuerit et gratiam atque communionem sedis apostolice habuerit et ea gratia et absque aliqua prauitate uobis uoluerit exhibere alioquin liceat uobis catholicum quemcumque malueritis adire antistitem qui nimirum nostra fultus auctoritate quod postulatur indulgeat. Porro abbas qui pro tempore eidem loco prefuerit ad nullius nisi diocesani episcopi uel Romani pontificis seu legati a latere eius missi sinodum ire cogatur. Presbiteri autem siue clerici qui in uestris ęcclesiis deseruiunt debita et consueta uobis seruitia absque ulla contradictione persoluant. Sepulturam quoque ipsius loci liberam esse concedimus ut quicumque se illuc sepeliri deliberauerint nisi forte excommunicati sint nullus obsistat salua tamen iusticia matricis ęcclesię. Decernimus ergo ut nulli omnino hominum liceat prefatum monasterium temere perturbare aut eius possessiones auferre uel ablatas retinere minuere aut aliquibus uexationibus fatigare sed omnia integra conseruentur eorum pro quorum gubernatione et sustentatione concessa sunt usibus omnimodis profutura salua sedis apostolicę auctoritate et diocesani episcopi canonica iusticia. Si qua igitur in futurum ęcclesiastica sęcularis ue persona hanc nostrę constitutionis paginam sciens contra eam temere uenire temptauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Iesu christi aliena fiat atque in extremo examine districte ultioni subiaceat. Cunctis autem eidem loco iusta seruantibus sit pax domini nostri Iesu christi quatinus et hii fructum bonę actionis percipiant et apud districtum iudicem praemia ęternę pacis inueniant. Amen. Amen. -lr- ego Eugenius catholicę ęcclesię episcopus subscripsi- -lm-. Ego Cunradus Sabinensis episcopus subscripsi-. Ego Albericus Hostiensis episcopus subscripsi-. Ego Guido presbyter cardinalis titulo sancti Crisogoni subscripsi-. Ego Hubaldus presbyter cardinalis titulo sancte Praxedis subscripsi-. Ego Hubaldus presbyter cardinalis titulo sanctorum Iohannis et Pauli subscripsi-. Ego Manfredus presbyter cardinalis titulo sanctę Sauine subscripsi-. Ego Albertus presbyter cardinalis titulo sanctę Anastasię subscripsi-. Ego Ubaldus presbyter cardinalis titulo sancte crucis in Ierusalem subscripsi-. Ego Iordanus presbyter cardinalis titulo sanctę Susannę subscripsi-. Ego Otto diaconus cardinalis sancti Georgii ad uelum aureum subscripsi-. Ego Guido diaconus cardinalis sanctorum Cosmę et Damiani subscripsi-. Ego Octauianus diaconus cardinalis sancti Nicolai in carcere Tulliano subscripsi-. Ego Gregorius diaconus cardinalis sancte Marie in uia lata subscripsi-. Ego Cinthius diaconus cardinalis sanctorum Sergii et Bacchi subscripsi-. Datum Viterbi per manum Roberti sanctę Romanę ęcclesię presbyteri cardinalis et cancellarii VIII idus iunii indictione VIIII incarnationis dominicę anno M° C° XL° VI° pontificatus uero domni Eugenii III pape anno secundo.

Source	HALKIN J.-ROLAND C.G. 1909

TRADITION

Original	Oui Liège, Archives de l'Etat [AE], T50 - 25
Manuscrit(s)	Liège, Archives de l'Etat [AE], Conseil privé de Liège A2 3009 ()

EDITIONS ET TRAVAUX

Edition(s)	AUTEUR ANONYME. A travers l'histoire nationale, Exposition permanente (Archives générales du Royaume), 2 vol., Bruxelles, 1981., planche IV (fac-similé),
	HALKIN J.-ROLAND C.G.. Recueil des chartes de l'abbaye de Stavelot-Malmédy (Publications de la Commission royale d'Histoire, Series I in 4°), 2 vol., Bruxelles, 1909-1930., 1, n.182, p.378-380,
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.8932, p.35, LIEN LIEN LIEN LIEN LIEN LIEN LIEN
	AUTEUR ANONYME. A travers l'histoire nationale, Exposition permanente (Archives générales du Royaume), 2 vol., Bruxelles, 1981., 1, n.7, p.21-22,
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.167, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.262, LIEN LIEN