‹
›
retourner aux résultats
| DiBe ID | 1567 |
| ACTEURS |
|
Auteur(s)
(= auteur de l'acte écrit) |
Fonction/titre:
pape Nom: Victor IV Institution/juridiction: Rome Diocèse: Principauté: États pontificaux Ordre religieux: |
|
Disposant(s) (= auteur de l'acte juridique) |
Fonction/titre:
pape Nom: Victor IV Institution/juridiction: Rome Diocèse: Principauté: États pontificaux Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Widerichus abbé Institution/juridiction: S.Trond Diocèse: Diocèse Liège Principauté: Looz Ordre religieux: Bénédictins |
| DATATION |
|
Datation interprétée
(préférentielle) |
9/6/1161 (donnée par document / mentioned in document - ) |
|
Datation interprétée
(toutes) |
9/6/1161 (donnée par document / mentioned in document - ) Qualification érudite: - |
|
Date dans la charte
|
9/6/1161 |
|
Date de lieu (dans le texte) |
Cremonie |
|
Date de lieu (normalisée) |
Crémone (ITALIA, Lombardia, Cremona)
Diocèse: Archevêché Milan Principauté: Empire Allemand |
| RESUME ET DESCRIPTION |
| Résumé | prend l'abbaye sous sa protection et lui confirme ses droits et ses biens (énumération) |
|
Description
|
Langue:
latin Véracité: document non suspecté Tradition de l'acte: original Nature diplomatique: bulle |
| TEXTE DU DOCUMENT |
| Victor episcopus seruus seruorum dei dilecto filio Wirrico abbati monasterii sancti Trudonis eius que successoribus regulariter substituendis inperpetuum. Quotiens ea que a rationis tramite non discordant humiliter postulantur moram ad concedendum facere non debemus ne differre bona desideria que magis fouenda sunt uideamur. Eapropter dilecte in domino fili Wirrice abbas tuis iustis postulationibus grato concurrentes assensu predecessoris nostri felicis memorie pape Pascalis sequentes uestigia monasterium sancti Trudonis cui auctore domino preesse disnosceris cum omnibus suis bonis sub beati Petri et nostra protectione suscipimus et presentis scripti priuilegio communimus statuentes ut quascumque possessiones quecumque bona idem monasterium in presentiarum iuste ac canonice possidet aut in futurum concessione pontificum largitione regum seu principum uel oblatione fidelium aut aliis iustis modis deo propitio poterit adipisci firma TIBI tuis que successoribus et illibata permaneant. In quibus hec propriis duximus nominibus annotanda medietatem uidelicet eiusdem oppidi in quo monasterium situm est cum medietate omnis iusticie et banno maiori et minori cambatum de toto oppido et placita libera de terris de domibus de alienis uxoribus ducendis et corimedis preterea in decimis in molendinis in pascuis in siluis et cum omnibus appendiciis suis uillas Sachinium Kyrkem Burlo Villarium Lare Mere Halle Alost Miles Gothem Orelium Iumapium Sesninch Merueles Meceren Harche Hales cum appendiciis suis Webbekeim Haletra Wichmale Peltam Ursbach Masesele et terras quas habetis in Rin decimam de Sconelo decimam de Ham decimam de Brustemio in pago Carebantensi uillam Prouin et duas partes decime ipsius uille cum appenditiis suis allodium quoque Aleym cum piscatione et cum omnibus appenditiis suis super flumen Mosellam uineas et agros et omnia que possidere uidetur in ecclesia uestra in duabus uillis Pomerio et Bredal possessiones eciam et reditus et quicquid possidetis in UILLA Alburch que sita est in regione Testebranth et omnem familiam sancti Trudonis in uillis memoratis uel ubicumque locorum POSITAM et decimam de noualibus in uilla que uocatur Babilonia et omnibus noualibus terre tue ecclesie de ecclesia Euerbodensi Bisantium unum domum unam liberam in urbe Leodio et item unam liberam in urbe Colonia porro altaria que in diuersis parochiis possessione legittima possidetis ab omni personatu libera tibi tuis que successoribus imperpetuum seruanda censemus saluis nimirum episcoporum uel episcopalium ministrorum obsoniis in episcopatu Leodiensi ipso oppido sancti Trudonis altare sancte Marie cum appenditiis suis altare de Mile de Lare de Alost de Corbeke de Pyra de Ursbach et bannales obulos de decania Geldenaken de decima Lewis de decima oppidi uestri in episcopatu Treuerensi altare de Pomerio de Bredal in episcopatu Traiectensi altare de Alburc cum appenditiis suis ECCLESIAM sancte Marie sitam in insula Dunc in Cellam tibi tuis que successoribus libere possidendam concedimus relata parochia ad LOCUM ubi antiquitus fuisse manifestum est NE in seruorum dei recessibus POPULARIBUS occasio prebeatur ulla conuentibus altare de Aleym CUM appenditiis suis Gunsella Sunna et Machera et in EADEM ECCLESIA decedentibus clericis liceat abbati substituere monachos. Obeunte te nunc eius loci abba uel tuorum quolibet successorum nullus ibi qualibet subreptionis astutia seu uiolentia preponatur nisi quem fratris communi consensu uel fratrum pars consilii sanioris de suo uel alieno si oportuerit collegio secundum dei timorem et beati Benedicti regulam prouiderint eligendum sepulturam quoque eiusdem loci omnino liberam esse decernimus ut eorum qui illic sepeliri deliberauerint deuotioni uel extreme uoluntati nisi forte excommunicati sint nullus obsistat. Ad maiorem quoque uestre religionis quietem concedimus ut si aliqui bona uestra inuaserint et rapuerint aut in eis incendium fecerint episcopum uestrum eos excommunicare commoneatis. Quod si infra XL dies postquam commonitus fuerit facere neglexerit ex tunc auctoritate nostra liceat uobis ipsos malefactores anathematis uinculo innodare. Decernimus ergo ut nulli omnino hominum liceat eandem ecclesiam temere perturbare aut eius possessiones auferre uel ablatas retinere minuere seu aliquibus uexationibus fatigare sed illibata omnia et integra conseruentur eorum pro quorum gubernatione ac sustentatione concessa sunt usibus omnimodis profutura. Salua in omnibus sedis apostolice auctoritate et diocesani episcopi canonica iusticia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita nisi presumptionem suam congrua satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatenus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. Sic subscriptum et signatum ego Victor catholice ecclesie episcopus subscripsi. -CRUX- Ego Hubaldus Terentinus episcopus. -CRUX- Ego Iohannes presbiter cardinalis tituli sanctorum Silini et Martini. -CRUX- Ego Guido presbiter cardinalis tituli Calixti. -CRUX- Ego Iohannes presbiter cardinalis tituli pastoris. -CRUX- Ego Henricus presbiter cardinalis tituli sancti Clementis. -CRUX- Ego Bernardus diaconus cardinalis sanctorum Sergii et Bachi. -CRUX- Ego Laudus diaconus cardinalis sancti angeli. -CRUX- Ego Gerardus sancte Romane ecclesie diaconus cardinalis. Datum Cremone per manum Gerardi sancte Romane ecclesie subdiaconi V idus iunii indictione VIIII incarnationis dominice anno M° C° LX° I° pontificatus uero dompni Victoris pape IIII anno secundo. | |
| Source | PIOT CH. 1870 |
| TRADITION |
| EDITIONS ET TRAVAUX |
|
Edition(s)
|
CAMPS H.P.H.. Oorkondenboek van Noord-Brabant tot 1312, I. De Meierij van 's-Hertogenbosch (met de heerlijkheid Gemert), 1 (690-1294) (Rijks geschiedkundige Publicatiën), 'S-Gravenhage, 1979., I,1, n.62 (édition fragmentaire), p.98-100, LIEN LIEN |
| PIOT CH.. Cartulaire de l'abbaye de Saint-Trond (Publications de la Commission royale d'Histoire, Series I in 4°), 2 vol., Bruxelles, 1870-1874., n.74, p.97-100, LIEN LIEN LIEN | |
| Travaux | JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.14450, p.422, LIEN LIEN LIEN LIEN LIEN LIEN LIEN |
| COENEN J.. Limburgsche Oorkonden (98-1340), 4 vol., Maaseik, 1932-1942., 1, n.448, p.187, | |
| CAMPS H.P.H.. Oorkondenboek van Noord-Brabant tot 1312, I. De Meierij van 's-Hertogenbosch (met de heerlijkheid Gemert), 1 (690-1294) (Rijks geschiedkundige Publicatiën), 'S-Gravenhage, 1979., I,1, p.98, LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.746, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
