‹
›
retourner aux résultats
| DiBe ID | 1540 |
| ACTEURS |
|
Auteur(s)
(= auteur de l'acte écrit) |
Fonction/titre:
pape Nom: Lucius III Institution/juridiction: Rome Diocèse: Principauté: États pontificaux Ordre religieux: |
|
Disposant(s) (= auteur de l'acte juridique) |
Fonction/titre:
pape Nom: Lucius III Institution/juridiction: Rome Diocèse: Principauté: États pontificaux Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Jean II abbé Institution/juridiction: S.Hubert Diocèse: Diocèse Liège Principauté: Liège Ordre religieux: Bénédictins |
| DATATION |
|
Datation interprétée
(préférentielle) |
23/3/1184 (nouveau style / new style - RAMACKERS/JAFFE) |
|
Datation interprétée
(toutes) |
23/3/1184 (nouveau style / new style - RAMACKERS/JAFFE) Qualification érudite: - |
| 23/3/1183 (donnée par document / mentioned in document - ) Qualification érudite: - | |
| 25/3/1184 (date impossible / impossible date - WAUTERS) Qualification érudite: - | |
|
Date dans la charte
|
23/3/1183 |
|
Date de lieu (dans le texte) |
Anagnie |
|
Date de lieu (normalisée) |
Anagni (ITALIA, Latium, Frosinone)
Diocèse: Principauté: États pontificaux |
| RESUME ET DESCRIPTION |
| Résumé | prend l'abbaye sous sa protection , lui confirme en les énumérant ses biens , et lui accorde des privilèges |
|
Description
|
Langue:
latin Véracité: document non suspecté Tradition de l'acte: original Nature diplomatique: bulle |
| TEXTE DU DOCUMENT |
| Lucius episcopus seruus seruorum dei. Dilectis filiis Iohanni abbati sancti Petri sancti que Huberti de Ardennia eius que fratribus tam presentibus quam futuris regularem uitam professis in perpetuum. Quociens a nobis petitur quod religioni et honestati conuenire dinoscitur animo nos decet libenti concedere et petentium desideriis congruum suffragium impertiri. Eapropter dilecti in domino filii uestris iustis postulationibus clementer annuimus et monasterium uestrum in quo diuino mancipati estis obsequio sub beati Petri et nostra protectione suscipimus et presentis scripti priuilegio communimus. In primis siquidem statuentes ut ordo monasticus qui secundum deum et beati Benedicti regulam in eodem loco institutus esse dinoscitur perpetuis ibidem temporibus inuiolabiliter obseruetur. Preterea quascumque possessiones quecumque bona idem monasterium in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis locum ipsum in quo prescriptum monasterium situm est cum omnibus pertinentiis suis burgum sancti Huberti cum omnibus pertinentiis suis terris pratis siluis et uillulis scilicet uillam de Braz uillam que dicitur episcopi uilla uillam de Freur uillam Siluestricurtis uillam que dicitur Chiuiniacus uillam de Humont uillam de Wybrant uillam de Chemplos et de Halent uillam de orto uillam de Ardelenges uillam de Moreceis que omnes ad burgum uestrum pertinent cum omni iuditio sanguinis et banni uillam de Bandres cum appenditiis suis tam in banno quam in agris pratis et siluis partem allodii de Braus iuxta sanctum Romaclum cum hominibus molendino et pratis terram de Somere cum hominibus et censu terram de Berremaisnil cum hominibus et censu terram de Hubermont cum hominibus et censu allodium de Herlenual cum nemoribus pratis et molendino piscatura et agris uillam de mons uillam de Heis cum omnibus pertinentiis suis uillam de Cella cum pertinentiis suis uillam de Feauc cum pertinentiis suis uillam de Morceis cum pertinentiis suis uillam de Bomalo cum ecclesia et pertinentiis suis partem ecclesie de Witre partem etiam eiusdem uille uillam de Minuto Fonte cum pertinentiis suis partem allodii de Fauiler uillam de Perler cum pertinentiis suis partem allodii de Boclendiuilla cum pertinentiis suis. In Laudunensi episcopatu cellam Heberneicurtis quam habetis cum capellis Noui Castri ex dono bone memorie Philippi quondam regis Francorum cum cimiterio maioris ecclesie et altaribus que Helimannus episcopus uobis contulit de assensu capituli sui altare scilicet beate Marie cum personatu altare de Briania altare de Puneicurte altare de Medianauilla altare de Guneicurte duo altaria in Iuvenicurte duo altaria in Prouasio et Prouisiolo cum sepulturis et aliis dotibus suis allodium quoque in Nisiaco cum terris pratis siluis et aquis ad ipsum pertinentibus. In archiepiscopatu Remensi cellam sancti Theobaldi ante Castrum Porcense cum uniuersis appenditiis suis molendinis pratis siluis et cum ipso suburbio et banno ipsius suburbii et furno bannali et censu et uniuerso iure et telonio nundinarum que ibi sunt in ipso festo sancti Theobaldi quod contulit ecclesie uestre comes Rogerus et medietatem Rumoldicurtis et medietatem Cureti et curtem unam que uocatur Follia aliam que dicitur Guns cum uniuersis appenditiis earum cellam Pirensem super Mosam cum tota uilla et hominibus seruis et ancillis quam Arnulfus comes et Otto filius eius uobis dedit cum omni iure quod idem comes habebat inter riuulum qui dicitur Marbaias et alium qui dicitur Fanium in terris siluis pratis aquis et piscatura allodium quod dedit uobis Otto filius predicti comitis cum pratis terris et warema cum decima ipsius et banno altare matricis ecclesie sancti Hylarii in Gilliaco cum capella sancti Iohannis baptiste in castro Warcensi altare sancti Remigii de Bedolf et capellam de Bellaualle altare sancti Martini de Wamberce cum capella de Estium altare de Nouiant altare de Surpeia altare de Noers a Guidone archiepiscopo uobis collata altare de Bodillis altare de Nouiannis altare de sancto Hylario altare de Suppeio altare de Noers cum personatu eorum a bone memorie Rainaldo quondam Remensi archiepiscopo uobis collata et usibus monachorum deputata. In archiepiscopatu Treuerensi cellam Cunensem a Dodone et uxore eius Haduidi et fratre suo Galtero uobis datam cum molendinis cultura et silua que est ante ipsum castrum cum piscatura et bannali furno et aliis circumiacentibus ecclesiam scilicet de Walessart ecclesiam de Rohelenges ecclesiam de Wieis ecclesiam de Gossiuilla ecclesiam de Auleis ecclesiam de Roata ecclesiam de Villeis ecclesiam de Margol ecclesiam de Thoneis ecclesiam de Villari cum toto allodio et omnibus eius uille appenditiis item cellam ante Sanctiacum castrum sitam a Roberto milite et fratre eius Widerico atque Hugone et Ludouico et rurico fratre eius uobis datam cum omnibus pertinentiis suis terris et pratis et siluis et furno bannali ecclesiam sancti Bricii in eadem uilla ecclesiam de Fredonis Uilla et partem quam habuit Robertus in uico qui dicitur Almaus ecclesiam de Otengias ecclesiam de Mondelaia ecclesiam de Eruinuilla ecclesiam de Noeiscasis allodium quod dicitur Uillare. Sancti Bricii in episcopatu Leodiensi cellam ante castrum Buloniense quam dux Godefridus et Beatrix uxor eius uobis contulerunt ab Alexandro quondam episcopo Leodiensi cum omnibus pertinentiis suis uobis confirmatam allodium de Chauogiis cum appenditiis suis allodium de Asontmelis cum appenditiis suis item cellam de Miruoth quam Henricus episcopus in eodem post castri deiectionem ibidem construxit cum duobus allodiis scilicet Paruum Tellin et Gropont que fratrum usibus de bonis ecclesie sue proprie deputauit ipsum quoque montem cum edificiis et comitatu piscatura et molendinis pratis et terris et aliis appenditiis suis que idem episcopus de assensu capituli sui monasterio uestro contulit et ne aliquis de cetero in loco illo munitionem faceret sub anathemate interdixit ecclesiam de Baseio quam Ida predicti Godefridi ducis filia Boloniensis comitissa pro anima patris sui cum omnibus pertinentiis suis in censu seruis et ancillis et aliis redditibus uobis contulit. Sane noualium uestrorum que propriis manibus aut sumptibus colitis siue de nutrimentis animalium uestrorum nullus a uobis decimas exigere uel extorquere presumat. liceat quoque uobis clericos uel laicos e seculo fugientes liberos et absolutos ad conuersionem recipere et eos absque contradictione aliqua retinere. Prohibemus insuper ut nulli fratrum uestrorum post factam in eodem loco professionem nisi arctioris religionis obtentu absque abbatis sui licentia fas sit de eodem discedere discedentem uero absque communium litterarum cautione nullus audeat retinere. Cum autem generale interdictum terre fuerit liceat uobis clausis ianuis exclusis excommunicatis et interdictis non pulsatis Campanis suppressa uoce diuina officia celebrare. Sepulturam quoque ipsius loci liberam esse decernimus ut eorum quoque deuotioni et extreme uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iusticia illarum ecclesiarum a quibus mortuorum corpora assumuntur. Paci quoque et tranquillitati uestre paterna sollicitudine prouidere uolentes auctoritate apostolica prohibemus ne infra ambitum locorum uestrorum nullus uiolentiam uel rapinam furtum committere ignem apponere hominem capere aut interficere audeat. Obeunte uero te nunc eiusdem loci abbate uel tuorum quolibet successorum nullus ibi qualibet surreptionis astutia seu uiolentia preponatur nisi quem fratres communi consensu uel fratrum pars consilii sanioris secundum dei timorem et beati Benedicti regulam prouiderint eligendum. Decernimus ergo ut nulli omnino hominum fas sit prefatum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed omnia integra conseruentur eorum pro quorum conseruatione ac sustentatione concessa sunt usibus omnimodis profutura salua sedis apostolice auctoritate et diocesani episcopi canonica iusticia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tercio ue commonita nisi reatum suum digna satisfactione correxerit potestatis honoris que sui dignitate careat ream que se diuino iuditio existere de perpetrata iniquitate cognoscat atque a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatenus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen. -r- ego Lucius catholice ecclesie episcopus subscripsi- -bu-. Ego Theoduinus Portuensis et sancte Rufine sedis episcopus subscripsi-. Ego Iohannes presbiter- cardinalis- tituli- sancti Marci subscripsi-. Ego Viuianus tituli- sancti Stephani in Celio monte presbiter- cardinalis- subscripsi-. Ego Laborans presbiter- cardinalis- sancte Marie trans Tiberim tituli- Calixti subscripsi-. Ego Pandulfus presbiter- cardinalis- tituli- basilice XII apostolorum subscripsi-. Ego Iacinctus diaconus- cardinalis- sancte Marie in cosmidyn subscripsi-. Ego Bobo diaconus- cardinalis- sancti angeli subscripsi-. Ego Gerardus diaconus- cardinalis- sancti Adriani subscripsi-. Ego Sofredus diaconus cardinalis- sancte Marie in uia lata subscripsi-. Datum- Anagnie per manum Alberti sancte Romane ecclesie presbiteri cardinalis et cancellarii X kalendas- aprilis- indictione II-a incarnationis dominice anno M° C° L° XXX° III pontificatus uero domni Lucii pape III anno tercio. | |
| Source | RAMACKERS J. 1934 |
| TRADITION |
| EDITIONS ET TRAVAUX |
|
Edition(s)
|
RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.255, p.407-410, |
| Travaux | JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.15009, p.463, LIEN LIEN LIEN LIEN LIEN LIEN LIEN |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.271, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
