Diplomatica Belgica - Details Chartre 1531

DiBe ID

1531

ACTEURS

Auteur(s)
(= auteur de l'acte écrit)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Disposant(s)

(= auteur de l'acte juridique)

Fonction/titre: pape
Nom: Alexandre III
Institution/juridiction: Rome
Diocèse:
Principauté: États pontificaux
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Cuono abbé
Institution/juridiction: S.Hubert
Diocèse: Diocèse Liège
Principauté: Liège
Ordre religieux: Bénédictins

DATATION

Datation interprétée (préférentielle)	15/2/1178 (nouveau style / new style - RAMACKERS/JAFFE/ARCHIVES NATIONALES DE LUXEMBOURG)
Datation interprétée (toutes)	15/2/1178 (nouveau style / new style - RAMACKERS/JAFFE/ARCHIVES NATIONALES DE LUXEMBOURG) Qualification érudite: -
	15/2/1177 (donnée par document / mentioned in document - ) Qualification érudite: -
Date dans la charte	15/2/1177
Date de lieu (dans le texte)	Anagnie
Date de lieu (normalisée)	Anagni (ITALIA, Latium, Frosinone) Diocèse: Principauté: États pontificaux

RESUME ET DESCRIPTION

Résumé	prend l'abbaye sous sa protection et confirme ses possessions (énumération) et ses privilèges
Description	Langue: latin Véracité: document non suspecté Tradition de l'acte: original Nature diplomatique: bulle

TEXTE DU DOCUMENT


Alexander episcopus seruus seruorum dei. Dilectis filiis Cononi abbati monasterii sancti Humberti de Ardennia eius que fratribus tam presentibus quam futuris regularem uitam professis in perpetuum. Quotiens illud a nobis petitur quod religioni et honestati conuenire dinoscitur animo nos decet libenti concedere et petentium desideriis congruum impertiri consensum. Eapropter dilecti in domino filii uestris iustis postulationibus clementer annuimus et prefatum monasterium in quo diuino mancipati estis obsequio sub beati Petri et nostra protectione suscipimus et presentis scripti priuilegio communimus statuentes ut quascunque possessiones quecunque bona idem monasterium in presentiarum iuste et canonice possidet aut in futurum concessione pontificum largitione regum uel principum oblatione fidelium seu aliis iustis modis prestante domino poterit adipisci firma uobis uestris que successoribus et illibata permaneant. In quibus hec propriis duximus exprimenda uocabulis ecclesiam de Baysiu cum pertinentiis suis quam episcopus diocesanus de assensu fundatoris scilicet bone memorie Raineri comitis qui a principio fundauit ecclesiam monasterio uestro tradidit decimas de Tangiersart decimas de Renotsart decimas de Hatain decimas de Tybertsart decimas de Lambersat decimas de Berniersart et de pertinentiis eius decimas de Haduart Angulo decimas de silua et de pertinentiis suis decimas de Pontehles decimas de Chrimont decimas de Gunbersart decimas de Bantelleir decimas de Iodulsart decimas de Hodiersart decimas de Pyrunchroz decimas de Pirunsart usque in Bosut decimas de Germengontrau cum pertinentiis suis decimas de Torthouze decimas de Auelhynpreit decimas de Sartopetriponte decimas terrarum de Herriot molendinum et triginta bonarias terre scilicet Hyrebertual et decem ortorum et ceteras possessiones prescripte ecclesie de Baysiu in dotem concessas et dimidiam partem omnium reddituum que pertinent ad Francam uillam et seruos et ancillas eiusdem ecclesie scilicet beate Marie. Sane noualium uestrorum que propriis manibus aut sumptibus colitis siue de nutrimentis uestrorum animalium nullus a uobis decimas presumat exigere. liceat quoque uobis clericos uel laicos liberos et absolutos e seculo fugientes ad conuersionem uestram recipere et eos absque ullius contradictione in uestro collegio retinere. Prohibemus insuper ut nulli fratrum uestrorum post factam in eodem loco professionem sine licentia abbatis sui fas sit de claustro discedere discedentem uero sine communium litterarum cautione nullus audeat retinere nisi ad arctiorem uitam uoluerit transmigrare. Obeunte uero te nunc eiusdem loci abbate uel tuorum quolibet successorum nullus ibi qualibet subreptionis astutia seu uiolentia preponatur nisi quem fratres communi consensu uel fratrum pars consilii sanioris secundum dei timorem et beati Benedicti regulam prouiderint eligendum. Sepulturam quoque ipsius loci liberam esse decernimus ut eorum deuotioni et extreme uoluntati qui se illic sepeliri deliberauerint nisi forte excommunicati uel interdicti sint nullus obsistat salua tamen iustitia illarum ecclesiarum a quibus mortuorum corpora assumuntur. Decernimus ergo ut nulli omnino hominum liceat prefatum monasterium temere perturbare aut eius possessiones auferre uel ablatas retinere minuere seu quibuslibet uexationibus fatigare sed illibata omnia et integra conseruentur eorum pro quorum gubernatione et sustentatione concessa sunt usibus omnimodis profutura salua sedis apostolice auctoritate et diocesani episcopi canonica iustitia. Si qua igitur in futurum ecclesiastica secularis ue persona hanc nostre constitutionis paginam sciens contra eam temere uenire temptauerit secundo tertio ue commonita nisi presumptionem suam digna satisfactione correxerit potestatis honoris que sui dignitate careat ream que se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Ihesu christi quatinus et hic fructum bone actionis percipiant et apud districtum iudicem premia eterne pacis inueniant. Amen amen. -r- ego Alexander catholice ecclesie episcopus subscripsi- -bu-. Ego Hubaldus Hostiensis episcopus subscripsi-. Ego Iohannes presbyter- cardinalis- sanctorum Iohannis et Pauli tituli- Pamachii subscripsi-. Ego Boso presbyter- cardinalis- sancte Pudentiane tituli- pastoris subscripsi-. Ego Iohannes presbyter- cardinalis- tituli- sancti Marci subscripsi-. Ego Petrus presbyter- cardinalis- tituli- sancte Susanne subscripsi-. Ego Iacintus diaconus- cardinalis- sancte Marie in cosmidyn subscripsi-. Ego Arditio diaconus- cardinalis- sancti Theodori subscripsi-. Ego Cinthyus diaconus- cardinalis- sancti Adriani subscripsi-. Ego Hugo diaconus- cardinalis- sancti angeli subscripsi-. Ego Laborans diaconus- cardinalis- sancte Marie in porticu subscripsi-. Ego Rainerius diaconus- cardinalis- sancti Georgii ad uelum aureum subscripsi-. Datum- Anagnię per manum Alberti sancte Romane ecclesie presbyteri cardinalis et cancellarii XV kalendas- martii- indictione XI incarnationis dominice anno M° C° LXXVII° pontificatus uero domni Alexandri pape III anno nono decimo.

Source	RAMACKERS J. 1934

TRADITION

Original	Oui Luxembourg, Archives nationales du Grand-Duché de Luxembourg [AN], A-XLI-1-8
Copie(s) séparée(s)	S.Hubert, Archives de l'Etat [AE],
	S.Hubert, Archives de l'Etat [AE],
Manuscrit(s)	S.Hubert, Archives de l'Etat [AE], Abbaye de Saint-Hubert 11 (1701-1800)
	S.Hubert, Archives de l'Etat [AE], Abbaye de Saint-Hubert 171 (1601-1700)

EDITIONS ET TRAVAUX

Edition(s)	RAMACKERS J.. Papsturkunden in den Niederlanden (Belgien, Luxemburg, Holland und Französisch-Flandern) (Abhandlungen der Akademie der Wissenschaften in Göttingen. Philologisch-historische Klasse, 3. Folge, n.9), Berlin, 1934., n.191, p.331-332,
Travaux	JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.13026, p.320, LIEN LIEN LIEN LIEN LIEN LIEN LIEN
	ARCHIVES NATIONALES DE LUXEMBOURG. Section ancienne. A-XLI. Abbaye de Saint-Hubert, 0530-18. sc. (Fonds) (02/03/2009, Archives nationales de Luxembourg). URL: http://query.an.etat.lu/Query/detail.aspx?ID=325982, Ressource électronique, A-XLI-1-8, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.253, LIEN LIEN