Diplomatica Belgica - Details Chartre 150

DiBe ID

150

ACTEURS

Auteur(s)
(= auteur de l'acte écrit)

Fonction/titre: comte/comtesse
Nom: Charles le Bon
Institution/juridiction: Flandre
Diocèse: Diocèse Tournai
Principauté: Flandre
Ordre religieux:

Disposant(s)

(= auteur de l'acte juridique)

Fonction/titre: comte/comtesse
Nom: Charles le Bon
Institution/juridiction: Flandre
Diocèse: Diocèse Tournai
Principauté: Flandre
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom: Amand abbé
Institution/juridiction: Marchiennes
Diocèse: Diocèse Arras
Principauté: Flandre
Ordre religieux: Bénédictins

DATATION

Datation interprétée (préférentielle)	//1125 (donnée par document / mentioned in document - )
Datation interprétée (toutes)	//1125 (donnée par document / mentioned in document - ) Qualification érudite: -
Date dans la charte	//1125
Date de lieu (dans le texte)	Insule
Date de lieu (normalisée)	Lille (FRANCE, Hauts-de-France, Nord) Diocèse: Diocèse Tournai Principauté: Flandre

RESUME ET DESCRIPTION

Résumé	réglemente et limite les droits des avoués à Haisnes , dans les Weppes et dans toutes les possessions de l'abbaye
Description	Langue: latin Véracité: document non suspecté Tradition de l'acte: original Nature diplomatique: charte

TEXTE DU DOCUMENT


In nomine sanctę et indiuidue trinitatis amen. Ego Karolus diuina ordinante clementia comes Flandrie notum fieri uolo tam futuris quam presentibus quod Amandus abbas et monachi sanctę Rictrudis de monasterio Marceniensi nostram beniuolentiam humiliter postulauerunt quatinus hospites eiusdem sanctę qui manent in regione que Weppes dicitur contra prauorum hominum incursiones ob amorem dei tueremur et maxime contra eorum uiolentiam qui se aduocatos et defensores uerbis dicunt factis autem negant. Sunt enim oppressores pauperum et sicut lupi uespertini caulis ouium ita substantiolis eorum diripiendis tam per se quam per officiales suos cotidie insidiantur. Hoc abbas et monachi sancte Rictrudis hoc etiam eorum rustici ferre non ualentes ad nostram iusticiam quasi ad portum confugerunt. Quibus quod iustum erat humiliter petentibus facile adquieui sciens animę meę profuturum eripere inopem de manu fortiorum eius egenum et pauperem a diripientibus eum. Omnes igitur hospites Marceniensis monasterii qui manent apud Hainas et in omni regione Weps nuncupata ab oppido Basceię per circuitum usque ad metam sanctę Rictrudis in nostram suscepimus aduocationem atque defensionem tale super hac re facientes decretum ut ipsi rustici soluto ęcclesię censu de suis capitibus de reliquo sint immunes et omnino liberi ab omni exactione aduocationis excepto quod siqua legitima debent aduocato sancte Rictrudis de antiquis institutis illa persoluant deinceps tam ab illo quam ab aliis liberi permanentes. Equalem libertatem habeat tam aduena quam indigena et nulli hominum liceat eos perturbare uel quolibet modo quę eorum sunt auferre uel aduersus eos placitare nisi in domo sancte Rictrudis apud Hainas per monachum loci et uillicum et scabinos. Et ut hoc decretum nostrum tam a nobis quam a successoribus nostris firmius conseruetur placuit predicto abbati et monachis suis ut sicut eorum rustici de uilla Masengarba iuxta antiquum morem dant ad elemosinam nostram singulis annis XX-ti solidos pro respectu nostrę aduocationis ita et isti persoluant annuatim XX-ti in memoriam scilicet nostrę erga eos liberalitatis et suę ipsorum libertatis. Nunc igitur adiuramus omnes successores nostros per nomen domini Ihesu ob cuius amorem miseris rusticis succurrimus ut nullus eorum presumat hos XL solidos alicui dare aut commutare uel in alios usus detorquere nisi ad elemosinam ad quam pie deputati sunt tam a me quam a predecessoribus meis. Post hęc supradictus abbas et monachi precati sunt beniuolentiam nostram ut ad hęc quę de antiqua libertate eiusdem ęcclesię comes Balduinus proauus meus coram coniuge sua comitissa Adela et coram baronibus suis Eustachio scilicet comite Bolonie Rogero comite de Sancto Paulo Drogone Gerardo et Fulchone episcopis et aliis multis tam religiosis quam secularibus uiris testificatus est et scripto suo confirmatum reliquit meum quoque testimonium et confirmationem adhiberem et ex his quedam breuiter hic annotari preciperem. Eorum igitur humili petitioni libenter annuens quod comes ille confirmauit hic breuiter annotatum omnimodis obseruandum decerno. Itaque aduocato nec alicui terrenę potestati in aliqua uilla beatę Rictrudis contra uoluntatem abbatis uel monachorum manere liceat quia Marceniensis ęcclesia libera est ab omni redditu aduocationis et uilla in qua ipsa sancta corpore quiescit et reliquę omnes uillę ad eam pertinentes ita sunt de dominicatu ipsius sanctę ut nullus hominum in eis uel solum pedem terrę habeat exceptis hospitibus sanctę qui ęcclesię seruiunt. Item non licet aduocato in potestate ęcclesię preparare conuiuia nec latronem accipere nec coreuias nec bannum nec precarias nec collectionem pecunię facere nec placita tenere. Omnes hospites ęcclesię equalem habent libertatem tam aduena quam indigena. Aduocato non licet eos perturbare uel aliquid ab eis accipere uel per uiolentiam exigere. In aquis et nemoribus ęcclesię et ceteris rebus quę ad eam pertinent nullum omnino ius habet aduocatus. Eius terras nec emere nec in uadimonium accipere potest. Sciendum quoque quod Marceniensis ecclesia a beato Amando et nobili matrona beata scilicet Rictrude nobiliter fundata per quadringentos annos hoc est a sui constitutione ab omni redditu aduocationis semper libera exstitit. Sed quia temporibus predicti comitis prauorum hominum preualente nequitia ad sui defensionem aduocato indigebat Albricus abbas qui diebus illis eidem ęcclesię preerat ipsi comiti dedit de proprio alodio beatę Rictrudis II-as carrucas terrę in uilla Nigella et II°s molendinos in uilla Berberia ut bonus esset ęcclesię aduocatus et defensor. Comes autem terram illam cum molendinis iterum per manum abbatis dedit Hugoni hauet de Albiniaco ut loco eius esset ęcclesię in omnibus promptus adiutor quod si negligeret idem Hugo coram comite et baronibus suis iudicauit ut datum et aduocationem perderent ipse et successores eius. Pro his igitur aduocatus seruire debet ęcclesię. De forisfractura quoque ubi ęcclesia eum in auxilium suum uocauerit si per iusticiam eius aliquid adquisierit dabit ei terciam partem. Quod si non fuerit uocatus nichil habebit. Adiutorium uero tempore obsidionis uel hostilitatis generalis IIII-or uel V-e ebdomadarum accipiet in potestatibus idest de carruca ii solidos de dimidia unum de operario diuite an paupere III denarios liberis semper remanentibus IIII-or ministris ęcclesię coco pistore cambario et illo qui cum carro de nemore ligna adducit. In hoste quoque regali accipiet in potestatibus ęcclesię VIII° palefridos cum reuersus fuerit dominis suis restituendos famulis qui illos ducent prouidebit in uictu et calciamentis. Hęc etiam quę prediximus non poterit accipere nisi semel in anno et tunc si necessitas euenerit. Quę omnia non accipiet nisi per manus ministrorum abbatię. Item non licet ei prouocare quemquam ad campum de hominibus ęcclesię sed hic contra quem aget iudicio scabinorum cum iuramento sola manu purgabit se. Nec licet ei seruos uel ancillas ęcclesię affligere. In natiuitate dabunt ei uillici ii sextaria uini et ii capones. Quorum famulos cibat pane carne et uino. Preter supradicta nichil omnino ab ęcclesia nichil ab hominibus eius accipere debet aduocatus. Ipsa tamen ęcclesia semper in sua antiqua libertate permaneat quia non ad seruitutem sed ad defensionem sui comitem Balduinum proauum meum aduocatum constituit dato ei predicto beneficio. Sicut igitur idem comes et pater eius comes Balduinus cognomento barbatus ęcclesiam Marceniensem manutenuerunt a multimoda oppressione eam liberantes et in bonum statum eam relinquentes et ego quoque eam in presenti propter dominum manuteneo hortor et precor successores nostros ut et ipsi idem faciant. Nunc uero sciendum quod terras de Bachelerot quę sunt a meta sancte Rictrudis e regione australi uersus Batsceiam recognouit Willelmus de Ipra nepos meus coram me et baronibus meis esse de iure Marceniensis ęcclesię. Hoc autem fecit iuxta uoluntatem et concessionem Wenemari de Isel et Odonis qui dicitur pes lupi qui easdem terras eo quod erant contiguę terris suis iniuste sibi usurpauerant dicentes se a Willelmo eas tenere in feodum. Sed Willelmus tandem agnita ueritate per eosdem per iusticiam christianitatis et testimonio antiquitatis de hac iniusta peruasione conuictos et confessos suggessit mihi ipse et Balduinus senescalcus de Isim ut prefatas terras nostra auctoritate confirmarem esse Marceniensis ęcclesię. Hic enim Balduinus quasi uice nostra hoc a predicto Odone pactum fidei in manum acceperat quod eas terras nec ipse nec heres eius amplius reclamaret nec alicui reclamanti de hac re uuarandiam portaret. Exigente ergo a nobis censura iusticię simul que propter salutem animę meę possessionem de qua agimus tam in terris quam in decimis et in hospitibus reddidi beatę Rictrudi et ęcclesię Marceniensi libere perpetuo possidendam contradidi. Ut autem ista traditio et superius descripta aduocatio perpetuam obtineant firmitatem testamentum inde factum sigilli mei impressione confirmaui et curialium nostrorum testimonio roborari precepi. Signum Karoli comitis. Signum Absalonis abbatis sancti Amandi. Signum Aluisi abbatis Aquicinensis. Signum Hugonis monachi filii Hugonis hauet. Signum Willelmi de Ipre. Signum Balduini dapiferi. Signum Rogeri castellani Islensis. Signum Roberti aduocati. Signum Stephani de Landast. Signum Widonis de Steinfort. Signum Willelmi de Werui. Actum Insule indictione III-a concurrente III° epacta XIIII-a regnante glorioso rege Ludouico in Francia anno uerbi incarnati M° C° XX° V°.

Source	VERCAUTEREN F. 1938

TRADITION

Original	Oui Lille, Archives départementales du Nord [AD], 10H 56/962
Manuscrit(s)	Lille, Archives départementales du Nord [AD], 10 H 323 (1101-1600)

EDITIONS ET TRAVAUX

Edition(s)	VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., n.119, p.272-275,
Travaux	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.132, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.129, LIEN LIEN
	BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.2, p.190, LIEN