Diplomatica Belgica - Details Chartre 1463

DiBe ID

1463

ACTEURS

Auteur(s)
(= auteur de l'acte écrit)

Fonction/titre: archevêque
Nom: Frédéric I
Institution/juridiction: Cologne
Diocèse: Diocèse Cologne
Principauté: Basse-Lotharingie
Ordre religieux:

Disposant(s)

(= auteur de l'acte juridique)

Fonction/titre: archevêque
Nom: Frédéric I
Institution/juridiction: Cologne
Diocèse: Diocèse Cologne
Principauté: Basse-Lotharingie
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Stavelot-Malmédy
Diocèse: Diocèse Liège
Principauté: Stavelot-Malmédy
Ordre religieux: Bénédictins

DATATION

Datation interprétée (préférentielle)	//1128 (donnée par document / mentioned in document - )
Datation interprétée (toutes)	//1128 (donnée par document / mentioned in document - ) Qualification érudite: -
Date dans la charte	//1128
Date de lieu (dans le texte)	Colonie
Date de lieu (normalisée)	Cologne (DEUTSCHLAND, Nordrhein-Westfalen, Köln) Diocèse: Diocèse Cologne Principauté: Basse-Lotharingie

RESUME ET DESCRIPTION

Résumé	déclare qu'il a examiné les privilèges de l'abbaye de Stavelot et a reconnu sa supériorité sur celle de Malmédy , qui doit lui être soumise
Description	Langue: latin Véracité: document non suspecté Tradition de l'acte: original Nature diplomatique: charte

TEXTE DU DOCUMENT


In nomine sanctę et indiuiduę trinitatis. Fredericus dei gratia sanctę Coloniensis ęcclesię archiepiscopus fratribus in Stabulensi cęnobio commanentibus ęternam in domino salutem. Memores scripturę dicentis: beati pedes pacem portantes sicut nos in ecclesiis nostris bonum pacis et concordię conseruare studemus ita in eis et ab eis scandalorum et discidii occasionem precidere curamus et sicut nostra in suo statu permanere cupimus sic aliorum iuste habita conuellere formidamus. Ea propter materiam dissensionis et discessionis quę hactenus Stabulensem et Malmundariensem ęcclesiam longa simultate uexauit resecare uolentes subministrante nobis fratre Wiboldo Stabulensis ęcclesię magistro atque portario supradictorum locorum fundationem et Stabulensis ęcclesię priuilegia diligenter relegimus in quibus inuentum est beatum Remaclum utriusque loci ędificatorem post constructum primo a se Malmundarium suę et successorum suorum habitationis et sepulturę principalem locum apud Stabulaus elegisse et pro eo quod idem locus in Leodiensi parrochia est omnes per successionem utriusque loci abbates ab episcopo Leodiensi consecrari debere. Ad hoc etiam accedit quod omnia priuilegia tam banni leugę quam electionis abbatum et quę de iure aduocati agunt quę ab imperatoribus et regibus eisdem locis multa collata sunt et eadem ab apostolicis Gregorio V-to et Leone VIIII-no apostolica auctoritate roborata quibus ius suum utraque ęcclesia tuetur apud Stabulaus recondita sunt in quibus illa Stabulensis ęcclesię preeminet dignitas ut pace Malmundariensium primam uicem in eligendo abbate Stabulenses obtineant et de se ipsis idoneam personam sine Malmundariensium calumnia assumant. His ita se habentibus perspicuum est quod ęcclesia Stabulensis principatum obtineat Malmundarium uero subiectionem ei et obedientiam debeat. Quod Malmundarienses eo usque hactenus infirmare conati sunt ut tempore diuę memorię Ottonis secundi discidio facto abbatem per se habere uellent quod in Engleheim iudicio XX-ti episcoporum ut in priuilegio supradicti imperatoris quod super eadem re habetur legi potest cassatum est. Tempore quoque domni Heinrici imperatoris huius nominis quarti per domnum archiepiscopum Annonem rursus facto diuortio abbas quidem Malmundarii ordinatus est sed per beatum Remaclum in curia regis miraculis inestimabilibus choruscantem conuictis omnibus qui aduersę partis aderant receptum est a Stabulensibus Malmundarium. Nos uero ut iam dictum est omnem materiam dissensionis et scandali secundum tenorem ueritatis et rationis a prefatis locis auferre cupientes constituimus et presenti priuilegio in perpetuum firmamus ut utrique loco unus semper preficiatur abbas electus secundum quod in supradictis priuilegiis habetur et ut Malmundarium eo subiectionis iure Stabulensi ęcclesię obediat quo iure omnes cellę uel prepositurę suis cęnobiis subesse uideretur. benedictionem monachicam et professionum suarum cyrographa non ut presenti anno fecerunt sed potius in Stabulensi ęcclesia excepta mortis necessitate faciant et reddant nec eis ad exemplum opitulari debet hoc aut potest quod iam modo prefato discidio abbas Theodericus quosdam ex Malmundariensibus Malmundarii benedixit et profiteri fecit ut scilicet per hoc fideliores et subiectiores sibi faceret quod eum non effecisse finis rerum indicauit. Neque uero ullus successorum nostrorum Coloniensium uidelicet archiepiscoporum abbatem Stabulensem de subiectione sibi facienda et cura Malmundariensis loci suscipienda ut nostris temporibus temptatum est umquam fatiget sed in consecratione sua curam utriusque ęcclesię suscipiat. Porro quia de ordinibus et consecrationibus Malmundariensis loci ad nostram parrochiam pertinet si abbati placuerit ordinatos fratres Malmundarium mittere hoc ei quia ubique inter huius modi loca apud monachos fit non negamus aut si sub titulo eiusdem loci uoluerit nobis ordinandos presentare eis quoque manum imponemus. Atque ut omnem scandalorum prauitatem precidamus hoc quoque statuimus ut si aliqua grauis causa uel culpa Malmundarii contigerit nullo modo absque Stabulensium deliberatione et consensu terminari liceat uel emendari sit que abbati libera potestas commutandorum nutriendorum recipiendorum prout sibi uidebitur fratrum suorum. Quę omnia ut stabili et inconuulsa firmitate permaneant sub anathematis interpositione decernimus et testes qui in donatione huius priuilegii affuerunt subternotari fecimus Arnoldus prepositus sancti Petri Hugo decanus Bruno prepositus sancti Gereonis Arnoldus prepositus sanctę Marię ad gradus Ruobertus abbas Tuiscii Gerardus abbas sancti Pantaleonis comes Adolfus de Safenberch item Adolfus de Berge Theodericus de Gladebach et alii multi utriusque ordinis probatissimi. Actum est hoc Colonię anno ab incarnatione domini M° C° XXVIII° indictione VI-a regnante domno rege Luotario III°.

Source	HALKIN J.-ROLAND C.G. 1909

TRADITION

Original	Oui Liège, Archives de l'Etat [AE], T50 - 16
Manuscrit(s)	Bruxelles, Bibliothèque royale de Belgique / Koninklijke Bibliotheek van België, Manuscrit 17436 (Catalogue Van der Gheyn 4672) ()

EDITIONS ET TRAVAUX

Edition(s)	HALKIN J.-ROLAND C.G.. Recueil des chartes de l'abbaye de Stavelot-Malmédy (Publications de la Commission royale d'Histoire, Series I in 4°), 2 vol., Bruxelles, 1909-1930., 1, n.147, p.297-299,
Travaux	KNIPPING R.. Die Regesten der Erzbischöfe von Köln im Mittelalter, II (1100-1205) (Publikationen der Gesellschaft für Rheinische Geschichtkunde, 21), Bonn, 1901., 2, n.242, p.38, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.134, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.218, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.147, LIEN LIEN