Diplomatica Belgica - Details Chartre 1413

DiBe ID

1413

ACTEURS

Auteur(s)
(= auteur de l'acte écrit)

Fonction/titre: autre
Nom: Aussonce (d'), Ricoaldus
Institution/juridiction: INCONNUE
Diocèse: Diocèse Reims
Principauté: France
Ordre religieux:

Disposant(s)

(= auteur de l'acte juridique)

Fonction/titre: autre
Nom: Aussonce (d'), Ricoaldus
Institution/juridiction: INCONNUE
Diocèse: Diocèse Reims
Principauté: France
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Stavelot
Diocèse: Diocèse Liège
Principauté: Stavelot-Malmédy
Ordre religieux: Bénédictins

DATATION

Datation interprétée (préférentielle)	3/9/1104 (donnée par document / mentioned in document - )
Datation interprétée (toutes)	3/9/1104 (donnée par document / mentioned in document - ) Qualification érudite: RENOVATION
	3/7/1104 (donnée par document / mentioned in document - ) Qualification érudite: ACTION
	3/10/1104 (date impossible / impossible date - HALKIN-ROLAND) Qualification érudite: -
Date dans la charte	3/7/1104
	3/9/1104
Date de lieu (dans le texte)	Stabulaus
Date de lieu (normalisée)	Stavelot (BELGIQUE, Région Wallonne, Liège) Diocèse: Diocèse Liège Principauté: Stavelot-Malmédy

RESUME ET DESCRIPTION

Résumé	réitère solennellement sa promesse de restituer la "villa" de Germigny (Neuville-en-Tourne-à-Fuy)
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: charte

TEXTE DU DOCUMENT


In nomine sancte et indiuidue trinitatis. Notum sit omnibus sancte et uniuersalis ecclesie filiis presentibus et futuris quod ego Rigoldus de Alsunza uillam sancti Remacli Stabulensis monasterii presulis et patroni Germiniacum nomine in episcopatu Remensi sitam quam antecessores mei eidem sancto iniuste abstulerant inuaserant possiderant et mihi eadem possessione hereditariam reliquerant amicorum meorum hortatu commonitus et maxime fratrum eiusdem loci frequenti excommunicatione territus non solum mee anime sed et animarum parentum meorum periculum considerans et nostre communi prospiciens saluti eidem sancto Remaclo reddere recepta ab abbate et a fratribus loci aduocatione et tertia parte nostre decime et tertium denarium de placitis tertia etiam parte seruitii que muanda uocatur cetera omnia abdicaui et de his neque me neque aliquem meorum amplius quicquam presumpturum in fide mea promisi deinde me ita obseruaturum cum iuramento solemni firmaui deinde obsides dedi qui ea que fide promiseram uel iuraueram et ipsi similiter promiserunt et iurauerunt ea scilicet ratione ut si quod absit ego fidem uel sacramentorum uiolauero aliquid extra prescriptam conuentionem presumendo ipsi obsides benefitia que ex me habent absque omni quod mihi debent seruitio tamdiu teneant donec me iniuste presumpta iuste reddere cogant quod si facere nequiuerint argentum quod fratres Stabulenses ad expediendum quod aliquantulum impeditum erat eiusdem uille bonum causa karitatis et adiutorii mihi dederunt scilicet quinquaginta et unam marcas infra terminum XL dierum idem obsides de proprio eius restituant. Hoc ipsi obsides ut dictum est ita se impleturos primo fide data promiserunt deinde coram legatis fratrum Popone preposito et Rogero supra ripam Setmoys in loco qui dicitur Kerieres sacramento confirmarunt quorum nomina hec sunt Gerardus gerbez Reimundus de Sufilnus Robertus Waltherus de Condero Alboldus de Tanui Rogerus de Sins Richerus baterans Albricus materans Adelelmus Wiardus filius Bliardi. Testes uero qui huic redditioni uel his conuentionibus interfuerunt hii sunt Godefridus de Masieres Auredus filius eius Godefridus de Urcismont Rodulfus de Hunhaia Waltherus de Halois et Godefridus filius eius Lambertus de Bulin et Frainels nepos eius Cuono de Ham Theodericus de Halentina Arnulfus de Auenz Harduinus de Gemina. Et de hominibus ecclesie hii sunt testes Widericus de Uuansina Widericus iudex Godefridus de Welin Bertricus de Spontin Waltherus de Baruisin Werizo de Siluestrecurt Reinerus filius Ermengoldi de Osois Adelardus de Dinant Waltherus de Hartania Widericus de Braz et alii plures. Acta sunt hec anno incarnationis domini M° C° IIII° indictione XII-a V° nonas- iulii regnante Heinrico IIII Romanorum imperatore augusto Otberto Leodiensi presule Folmaro Stabulensi abbate. Postea uero ipso anno ego Rigoldus in festo sancti Remacli cum aliquibus predicte conuentionis obsidibus Stabulaus ueni et coram eiusdem loci abbate et tota congregatione et Heinrico comite et aduocato et Thiebaldo subaduocato et comite Cuonone et filio eius Lamberto et Herimanno Salmucensi comite et fratre eius Ottone et Frederico comite de Aremberg et coram totius cleri et nobilium seu popularium frequentia que prescripta sunt renouaui omnia et super ipsius sancti Remacli corpus cum presentibus obsidibus iuraui me cuncta obseruaturum sine omni malo ingenio uel calliditate sine argumentorum fallacia. Deinde abbas cum tota congregatione clericorum qui frequentes aderant ordine omnes huius redditionis uel conuentionis uiolatores seu eiusdem boni iniustos inuasores excommunicauit et eterno dampnauit anathemate coram innumerabili utriusque sexus multitudine cuius excommunicationis exemplar hic subnotauimus. Ex auctoritate dei patris omnipotentis et filii et spiritus sancti et sancte dei genitricis uirginis Marie et sancti Michaelis archangeli et omnium celestium uirtutum et sancti Petri apostolorum principis et sancti Remacli patroni nostri omnium que sanctorum atque sanctorum canonum excommunicamus et anathematizamus ab introitu sancte dei ecclesie et a consortio totius christianitatis omnes qui in uilla Germiniaco quicquam iniuste et immaniter contra nos uel ecclesiam nostram egerint uel quorum consilio et instinctu et adiutorio iniusticia rapina uel preda facta fuerit ita uidelicet ut sint maledicti in domo maledicti in agro maledicti in omni loco in quo steterint uel ambulauerint sederint aut iacuerint maledicti manducando maledicti in bibendo maledictus cibus et potus eorum maledicti dormiendo et uigilando maledicta terra in opere eorum maledictus labor et fructus terre eorum maledictus introitus et exitus eorum maledicti a uertice capitis usque ad plantam pedis fiant uxores eorum uidue et absque liberis percutiat eos dominus egestate fame febre frigore estu et corrupto aere et dentium labore percutiat eos amentia et cecitate ac furore mentis palpent in meridie sicut palpare solet cecus in tenebris persequatur eos dominus donec pereant de terra deglutiat eos terra uiuos sicut Dathan et Abyron et descendant in infernum uiuentes ut sint cum Iuda traditore domini et cum Pilato et Herode et cum ceteris malefactoribus qui in inferno sunt nisi resipiscant et ecclesie dei satisfaciant fiat fiat. Quod ut inconuulsum et ratum permaneat in eternum sancti Remacli auctoritate ipsius et sigilli impressione signauimus. Ego Obertus gratia dei Leodiensis episcopus peticione domni abbatis Folmari et fratrum quia mee dyocesis sunt hanc cartam in synodo mea ut debui confirmaui et huius reddibitionis uel conuentionis uiolatores seu eiusdem boni iniustos inuasores excommunicaui et eterno dampnaui anathemate.

Source	HALKIN J.-ROLAND C.G. 1909

TRADITION

Original

Non

EDITIONS ET TRAVAUX

Edition(s)	HALKIN J.-ROLAND C.G.. Recueil des chartes de l'abbaye de Stavelot-Malmédy (Publications de la Commission royale d'Histoire, Series I in 4°), 2 vol., Bruxelles, 1909-1930., 1, n.135, p.274-277,
Travaux	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.100, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.18, LIEN LIEN