Diplomatica Belgica - Details Chartre 139

DiBe ID

139

ACTEURS

Auteur(s)
(= auteur de l'acte écrit)

Fonction/titre: comte/comtesse
Nom: Charles le Bon
Institution/juridiction: Flandre
Diocèse: Diocèse Tournai
Principauté: Flandre
Ordre religieux:

Disposant(s)

(= auteur de l'acte juridique)

Fonction/titre: comte/comtesse
Nom: Charles le Bon
Institution/juridiction: Flandre
Diocèse: Diocèse Tournai
Principauté: Flandre
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Arras (S.Vaast)
Diocèse: Diocèse Arras
Principauté: Flandre
Ordre religieux: Bénédictins

DATATION

Datation interprétée (préférentielle)	//1122 (donnée par document / mentioned in document - )
Datation interprétée (toutes)	//1122 (donnée par document / mentioned in document - ) Qualification érudite: -
Date dans la charte	//1122
Date de lieu (dans le texte)	apud Atrebatum
Date de lieu (normalisée)	Arras (FRANCE, Hauts-de-France, Pas-de-Calais) Diocèse: Diocèse Arras Principauté: Flandre

RESUME ET DESCRIPTION

Résumé	définit la procédure par laquelle les habitants d'Arras doivent prouver qu'ils sont ou non soumis au paiement du tonlieu de la cité
Description	Langue: latin Véracité: document non suspecté Tradition de l'acte: copie (source diplomatique) Nature diplomatique: charte

TEXTE DU DOCUMENT


In nomine patris et filii et spiritus sancti. Karolus comes Flandriarum presentibus et futuris in perpetuum successuris. Quoniam generatio preterit et generatio aduenit ne per labentia tempora rerum gestarum noticiam ignorantia interimat quoddam memorabile elaboratum in ecclesia sancti Vedasti deo donante curia nostra dictante litterarum artificio signandum consilium fuit. Fratres de cenobio sancti Vedasti querimoniam aduersus Ingelbertum conciuem nostrum et hominem abbatis sui cum clamore ualido intulerunt qui theloneum de mercato ciuitatis uictui suo antiquitus appositum de magno olim calliditate subscripta modo fecerat minimum et eo deperibat solitum uictus sui pensum. Ingelberti feodale ministerium est censum capitalem a familia sancti Vedasti seruis et ancillis scilicet annuatim cum monacho colligere die constituto abbati representare quo censu omnes liberi sunt a theloneo tam uiri quam feminę. Qua de causa multi concurrentes ad Ingelbertum alterius legis quouis modo hoc egerunt ut eos annumeraret in hac seruili conditione et protestaretur esse et sic ut a theloneo liberarentur innumerabiles se ligauerunt per Ingelbertum hac adulterina seruitute. Sane si quis a theloneariis deprehenderetur occurrebat Ingelbertus et eum esse sancti Vedasti proclamabat. Si ad rationem reddendam cogeretur uocatus ante abbatem sacrosanctis in medio positis iurabat quod quidem iniustissimum erat quia non per sacramentum sed per originis lineam hoc probandum erat. Et hoc modo Ingelbertus theloneum sancto subtrahebat. Hanc iniuriam hoc dampnum sibi fieri fratribus ad me suum temporalem aduocatum proclamantibus me etiam tam euidens fraus et iniusticia nedum debitum ius huic iniurie contraire suasit. Apud sanctum Audomarum positus concionabar curia nostra in comite Eustachio et prudentioribus patrie florebat quesiui ab eis uerax et probabile iudicium an quilibet homo seruum alterius uel ex libero factum uoluntarie seruum positus ad rationem deberet probare suum esse per sacramentum an per originis experimentum. Quo audito ut hoc sacramento probaretur infremuerunt omnes et absurdissimum et detestabile cunctis uisum est et ex toto repudiatum est. Et quia hec probatio per originis ostensionem deberet fieri a primoribus curie nostre iudicatum est scilicet a comite Eustachio ab Hugone comite sancti Pauli a Roberto aduocato a Balduino dapifero a Balduino nepote eius castellano a Balduino constabili a Rogero caeu a Balduino constabili comitis Eustachii a Wermundo de Pikenni a Gualtero tyrel. Attrebatum deinde ueni rediens cum gloria militari de conflictu armorum habito inter me et Godefridum comitem Valentianensium. Atrebati sedens in camera abbatis iterum conuentus a monachis baronibus meis circa me positis et Ingelberto astante prefatam querimoniam eorum hoc modo finiui. Ingelbertum in auditu omnium compellaui per Robertum aduocatum querimoniam monachorum exponens quomodo erat obieci ipse quia hanc conditionem probandi sibi olim deditam semper habuerat respondit. Ego uero uertens me ad eos qui de talibus iudicaturi erant subieci: domini obtestor uos per fidem quam michi debetis ite in partem et iudicio irrefragabili decernite quid Ingelberto quid monachis conueniat responderi. Qui euntes communicato consilio redeuntes per Robertum aduocatum responderunt nulla ratione nullo modo debere hominem uel posse probari iuste cuius sit nisi adducta linea originis et pro eo respondente. Quo approbato iudicio supposui dicens: igitur ego Karolus deo annuente comes Flandrie hoc iudicium non subito prolatum sed diligenter antequam proferretur expolitum confirmo. Uidelicet repudio et destruo iniquam probationem que facta est hactenus per sacramentum et probationem que fit per lineam originis equam et iustam ut deinceps teneatur statuo iuxta decretum eorum quos supra memoraui quos ad roborandum huius decreti testimonium iterum repetendum et commemorandum utile duxi. Signum comitis Eustachii. Signum Roberti aduocati. Signum Balduini dapiferi. Signum Balduini nepotis eius. Signum Balduini constabilis. Signum Hugonis comitis sancti Pauli. Signum Rogeri caeu. Signum Balduini constabilis comitis Eustachii. Signum Wermundo de Pikenni. Signum Gualteri tyrel. Hi primi iudicii huius exquisitores apud sanctum Audomarum fuerunt et post exquisitionem audacter iudicarunt. Ut autem inconuulsum maneat sigillo meo subsignaui abbati et monachis ut excommunicationem adhibeant ammonui. Item nomina eorum qui apud Attrebatem iudicarunt in presentia Ingelberti. Signum Roberti aduocati. Signum Balduini dapiferi. Signum Balduini constabilis. Signum Frooldi castellani Bergensis. Signum Ratsonis de Gauera. Signum Balduini micule. Signum Balduini castellani Atrebatensis. Signum Alelmi de mercato. Signum Nicolai fratris eius. Signum Eustachii becchet. Signum Bernardi Vacce. Signum Henrici abbatis. Signum Gerardi prioris. Signum Gualteri Duaci. Signum Guillelmi camerarii. Signum Haymonnis prepositi. Signum Berneri cellerarii. Signum Henrici capellani. Signum Drogonis et Sequani. Signa- Mambodonis et Hugonis. Signum Ioannis andelelmi. Signum Guillelmi ancheri. Actum est autem apud Atrebatum in claustro sancti Vedasti anno ab incarnati uerbi tempore millesimo centesimo uigesimo secundo regnante rege Ludouico episcopante Atrebati uenerabili uiro Rotberto abbate Henrico comite Flandrie Karolo milite fortissimo huius priuilegii ordinatore et datore sereno. Ego Girardus monicellus sancti Vedasti subscripsi.

Source	VERCAUTEREN F. 1938

TRADITION

Original	Non
Manuscrit(s)	Arras (Dainville), Archives départementales du Pas-de-Calais - Centre Mahaut-d'Artois [AD], 1 H 1 (1401-1600)
	Arras (Dainville), Archives départementales du Pas-de-Calais - Centre Mahaut-d'Artois [AD], 9 J AA (1601-1700)
	Arras, Médiathèque Palais Saint-Vaast [BM], Manuscrit 194 ()
	Arras, Médiathèque Palais Saint-Vaast [BM], Manuscrit 204 ()

EDITIONS ET TRAVAUX

Edition(s)	VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., n.108, p.247-251,
Travaux	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.116, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.1, p.209, LIEN LIEN
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.122, LIEN LIEN