Diplomatica Belgica - Details Chartre 12234

DiBe ID

12234

ACTEURS

Auteur(s)
(= auteur de l'acte écrit)

Fonction/titre: évêque
Nom: Thierry
Institution/juridiction: Amiens
Diocèse: Diocèse Amiens
Principauté: France
Ordre religieux:

Disposant(s)

(= auteur de l'acte juridique)

Fonction/titre: évêque
Nom: Thierry
Institution/juridiction: Amiens
Diocèse: Diocèse Amiens
Principauté: France
Ordre religieux:

Bénéficiaire(s)

(= bénéficiaire)

Fonction/titre: institution monastique
Nom:
Institution/juridiction: Anchin
Diocèse: Diocèse Arras
Principauté: Hainaut
Ordre religieux: Bénédictins

DATATION

Datation interprétée (préférentielle)	//1156 (donnée par document / mentioned in document - )
Datation interprétée (toutes)	//1156 (donnée par document / mentioned in document - ) Qualification érudite: -
Date dans la charte	//1156
Date de lieu (dans le texte)
Date de lieu (normalisée)	Diocèse: Principauté:

RESUME ET DESCRIPTION

Résumé	confirme à l'abbaye d'Anchin la possession des biens qu'elle détenait dans son diocèse (énumération)
Description	Langue: latin Véracité: document non suspecté Tradition de l'acte: original Nature diplomatique: charte

TEXTE DU DOCUMENT


In nomine Patris et Filii et Spiritus Sancti, amen. Ego Theodericus, Dei gratia Ambianensis episcopus, tam presentibus quam futuris in Christo fidelibus in perpetuum. Quoniam ecclesiarum quibus Deo auctore presidemus astringimur sollicitudine, nostra potissimum circa earum utilitatem desudare debet intentio peruiligique cura laborandum est ne per incuriam nostram aliquam rerum suarum uideantur sustinere iacturam. Uerum quia habundante iniquitate multorum refrigescit caritas et malorum in diem crescit peruersitas, prouidere curamus ut res quas ecclesie Dei deuotio contulit fidelium uendicare sibi non preualeat peruersitas improborum. Uestigiis itaque sanctorum patrum inherentes et in posterum prouidentes, frater Gothsuine abba uenerabilis Aquicinensis monasterii, presentis paginę decreto statuimus omnia que monasterio tuo in nostro episcopatu, donatione pontificum, liberalitate principum, oblatione fidelium, seu tradita, seu in futuro iure tradenda sunt, ut tibi tuisque successoribus integra illibataque seruentur, et hoc sigillo nostro corroboramus: tres partes altaris de Poliuilla quarum duas Bernardus, filius Wiberti, et mater eius Engelaidis et Wibertus filius eiusdem Bernardi ecclesie Sancti Saluatoris Aquiscinensi per manus dumni bonę memorię predecessoris nostri cum tercia parte casę, quę uulgo Butica nuncupatur, tradiderunt; terciam uero partem eiusdem altaris Mathildis, uxor Drogonis filii Adhelelmi de Turre, per manus dumni Guarini episcopi eidem ecclesie contradidit. Et quia ecclesia de Poliuilla, id est Multiuilla, plurima habet appendentia quorum decime non eadem uadunt participatione, de singulis determinandum est. De Norcuincurt, quod est unum de appendenciis, tota decima, due partes et tercia pertinent ad altare de Poliuilla, quarum tres partes sicut de capite prefata possidebit ecclesia. De Sarticurt similiter. De Laitbutuilla uero medietas totius decime pertinet ad idem altare, cuius item tres partes ad fratres pertinent Aquicinenses. De Multumuillari due partes decime ad predictum altare debent pertinere, quarum iterum tres partes ad eosdem pertinent fratres. De Coisi tota sepultura pertinet ad Poliuillam. Preterea idem Bernardus et Wibertus filius eius altare de Vesquimont et totam decimam, duas partes scilicet et terciam preter octauam partem decime sepedicte ecclesie per manus dumni Guarini tradiderunt. Item Hugo de Uals, concedente Iohanne filio suo et domino suo Guidone de Longo et uxore sua Mathilde filia Ade filii Alelmi de Turre, ecclesie Aquicinensi totam decimam terrę suę de Flaisoroles et, quia terra inculta et nemorosa erat, quicquid ad usum culture redigere possent monachi siue conuersi, totam inquam decimam et tali tenore terram, saluo suo terragio, iure perpetuo possidenda contradidit. In eadem preterea terra tantum terrę ubi monachi siue conuersi possint curtem suam et domos suas facere et hortum et uirgultum et etiam extra curtem domum conuersorum edificare, hoc totum libere absque alicuius census redibitione concessit; etiam si quandoque contigerit ecclesiam ibidem edificari quantum necesse fuerit de terra eidem edificationi liberam concessit. Iterum de eisdem Flaisceroles, Bernardus de Uilers et Bernardus frater eius, concedente Bernardo filio Wiberti et Guiberto filio suo, de quibus in feodum possidebant, de tota parte sua totam decimam et quantum in agriculturam redigere potuerint, saluo suo terragio, ad laborandum eisdem fratribus iure perpetuo concesserunt. Item de nemore de Flaisceroles, predictus Hugo de Uals, tam filio quam predictis dominis concedentibus, quantum opus fuerit ad domos construendas et ad ignem faciendum et ad includendum eisdem fratribus concessit. Item Guirinfridus de Artois ecclesie Sancti Saluatoris de Aquiscinto, in qua ipse monachus factus est, concedente Ernaldo filio suo, septem campos terre de alodio suo et unam mensuram atrio continguam in parrochia Polivillę et quartam partem arabilis terrę que infra nemus est totius parrochie ad laborandum, saluo terragio suo, et de sua parte nemoris quantum fratribus apud Poliuillam manentibus opus fuerit ad edificandum et ad ignem faciendum et ad includendum donauit. Preterea Uincentius de Uilers in presentia nostra per manum etiam nostram in territorio de Uilers ecclesie Aquicitensi mansionem unam liberam et quietam reddidit et concessit, et nemus ad conburendum et hospitandum, et decimam de octo cultillis ad Ueterem Uillam et Longum Campum excepto terragio, et alium campum qui adiacet mansioni monachorum liberum et quietum ad facienda que necessaria eis fuerint. Cuius concessionis testes sunt Guarinus archidiaconus, Fulco cantor, Theobaldus abbas Sancti Martini, Rainerus Sancti Fusciani, Gualterus Sancti Aceoli, Bernardus de Uilers, Rainerus de Boua, Ernoldus de Artois, Hubertus Thelonearius. Ernoldus etiam Ferez dedit eidem ecclesie per manum nostram altare de Coisy et medietatem decime que pertinet ad Casam. Bernardus uero de Uilers dedit supradicte ecclesie quartam partem decime de Ursciuilla et de Saisnonuilla, sextum manipulum decimę et quicquid habebat in territorio Flaisceroliis, saluo terragio suo, et quartam partem longi campi per manum nostram in elemosinam reddidit et concessit. Et huic concessioni interfuerunt Radulfus decanus, Guarinus archidiaconus, Fulco cantor, Robertus Gygas, Rogerus et Andreas cellerarii, Guermundus Corbeiensis; de laicis, Adam maior, Hubertus Thelonearius, Guido Monachus, Bernardus de Pinconio, Milo de Claustro et Firminus frater eius, Bernardus de Uilers. Arnulphus camerarius. Nos igitur predictorum illustrium uirorum largitiones elemosinas predicte ecclesie Aquicintensi concedimus et confirmamus et, ne ab aliqua ecclesiastica uel seculari persona hec nostra confirmatio temere impetatur, sub anathemate prohibemus. Ego Symon cancellarius relegi. Datum per manum Roberti Gygantis notarii. Actum est hoc anno M°C°L°VI°.

Source	GERZAGUET J.-P. 2005

TRADITION

Original	Oui Metz, Archives municipales [AM], Collection Salis II,175/3
Manuscrit(s)	Paris, Bibliothèque nationale de France [BNF], Collection MOREAU 68 ()
	Paris, Bibliothèque nationale de France [BNF], Collection PICARDIE 257 (1701-1800)
	Paris, Bibliothèque nationale de France [BNF], Collection PICARDIE 198 (1701-1800)

EDITIONS ET TRAVAUX

Edition(s)	GERZAGUET J.-P.. Les chartes de l'abbaye d'Anchin, (ARTEM. Atelier de Recherche sur les Textes Médiévaux, 6), Turnhout, 2005., n.103, p.197-199,
	CHARTAE GALLIAE. Base de données de chartes médiévales, Ressource électronique, F10382, LIEN LIEN