DiBe ID | 1168 |
ACTEURS |
Auteur(s)
(= auteur de l'acte écrit) |
Fonction/titre:
chapitre cathédral/collégial Nom: Albert de Rethel prévôt et Simon doyen Institution/juridiction: Liège (S.Lambert) Diocèse: Diocèse Liège Principauté: Liège Ordre religieux: |
Disposant(s) (= auteur de l'acte juridique) |
Fonction/titre:
chapitre cathédral/collégial Nom: Albert de Rethel prévôt et Simon doyen Institution/juridiction: Liège (S.Lambert) Diocèse: Diocèse Liège Principauté: Liège Ordre religieux: |
Bénéficiaire(s)
(= bénéficiaire) |
Fonction/titre:
autre Nom: Alard Institution/juridiction: INCONNUE Diocèse: Principauté: Ordre religieux: |
DATATION |
Datation interprétée
(préférentielle) |
//1186 (donnée par document / mentioned in document - ) |
Datation interprétée
(toutes) |
//1186 (donnée par document / mentioned in document - ) Qualification érudite: - |
Date dans la charte
|
//1186 |
Date de lieu (dans le texte) |
|
Date de lieu (normalisée) |
Diocèse: Principauté: |
RESUME ET DESCRIPTION |
Résumé | donnent , sous certaines conditions , le bois de Morival dépendant de la "curia" de Vivegnis |
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
TEXTE DU DOCUMENT |
In nomine sancte --- Albertus dei gratia prepositus Simon decanus archidiaconi totus que Leodiensis ecclesie maioris conuentus omnibus pactum et ueritatem diligentibus in perpetuum. De conuentionibus que fiunt inter homines uidemus uel propter obliuionem seu maliuolentiam frequenter oriri contentiones presertim dum alius aliquando inconcessa sibi uendicat et alius que alii sponte contulit reclamat. Nos autem apud omnes in conuentionibus nostris pactum et ueritatem firmiter conseruari uolentes ad tollendum omnem contentionis nodum testimonio presentis cartule sigillo nostro confirmate transmittimus ad noticiam omnium tam futurorum quam presentium in quem modum cum Alardo quodam conciue nostro conuenimus super quadam silva quam in Moralli ualle habemus hec quidem silva curie nostre Vineti adiacet et ad eandem pertinet. Hanc eandem siluam communi assensu capituli nostri et consilio dedimus prefato Alardo tenendam in perpetuum iure hereditario et per manum domini Iohannis concanonici nostri qui eiusdem curie nostre in Vineto erat obedientiarius ipsum Alardum- et eius uxorem Perpetuam nomine in capitulo nostro sub nomine capituli tocius inuestiri fecimus saluo tamen et retento omni iure et integro per omnia permanente quod in eadem silva habet curia uineti et omnes eiusdem curie mansionarii. Dedimus autem ei hac pensionis conuentione quod per singulos annos in ascensione domini debet inde V solidos census reddere et hoc nouerint omnes tam futuri quam presentes quod isti V solidi unanimi assensu capituli deputati sunt in perpetuum in usum lignorum refectorii nostri et quia hereditas ista ad sepedictam curiam nostram Vineti pertinet instituimus ut quicumque erit inde obedientiarius inuestituram hereditatis huius in capitulo nostro sub nomine capituli faciat et pro requisitione V solidos accipiat propter testimoniale signum habebit capitulum iuxta consuetudinem amam uini et XII denarios habebunt pares capituli. Ne autem Alardus uel aliquis successor eius hos V solidos soluere negligeret ad maiorem cautelam hoc ab ipso adiunctum est quod ipse quandam hereditatem suam aliam uidelicet sedem bubularie quam de curia Vineti tenet pro qua etiam annuatim X denarios debet in testimonio uillici et scabinorum nobis assignauit et in manum et potestatem nostram posuit ut utrique silue scilicet et sedi bubularie firmiter innitamur donec ad plenum debitus de utroque census nobis soluatur. Acta sunt hec anno dominice incarnationis M° C° -xxxvi° imperante Frederico regnante filio eius Heinrico presulante Rodulpho testibus et confirmantibus Alberto maiore preposito Symone decano Alberto Bertholdo Euerardo archidiaconis Petro Waltero Alardo cellerario Helya Waltero Fossense preposito canonicis de inuestitis capituli nostri interfuerunt qui nostri concanonici sunt Iohannes de Colonia Heinricus de Dunglebert Daniel de laicis Hillinus de Superiori ponte Gerardus frater eius Hugo de Ialcia et alii quamplures interfuerunt etiam Benedictus uillicus curie Vineti Euroldus Robertus Robertus de Hoiuel Warnerus de Uoteme Liebertus de Molendino Herimannus Franco scabini. | |
Source | BORMANS S.-SCHOOLMEESTERS E. 1893 |
EDITIONS ET TRAVAUX |
Edition(s)
|
BORMANS S.-SCHOOLMEESTERS E.. Cartulaire de l'église Saint-Lambert de Liège (Publications de la Commission royale d'Histoire. Chroniques belges inédites. Series I in 4°), I, Bruxelles, 1893., 1, n.64, p.106, |
Travaux | WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.277, LIEN LIEN |