‹
›
retourner aux résultats
| DiBe ID | 1154 |
| ACTEURS |
|
Auteur(s)
(= auteur de l'acte écrit) |
Fonction/titre:
évêque Nom: Henri de Leez Institution/juridiction: Liège Diocèse: Diocèse Liège Principauté: Liège Ordre religieux: |
|
Disposant(s) (= auteur de l'acte juridique) |
Fonction/titre:
évêque Nom: Henri de Leez Institution/juridiction: Liège Diocèse: Diocèse Liège Principauté: Liège Ordre religieux: |
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Aulne Diocèse: Diocèse Liège Principauté: Liège Ordre religieux: Cisterciens |
| DATATION |
|
Datation interprétée
(préférentielle) |
//1158 (donnée par document / mentioned in document - ) |
|
Datation interprétée
(toutes) |
//1158 (donnée par document / mentioned in document - ) Qualification érudite: - |
|
Date dans la charte
|
//1158 |
|
Date de lieu (dans le texte) |
Leodii |
|
Date de lieu (normalisée) |
Liège (BELGIQUE, Région Wallonne, Liège)
Diocèse: Diocèse Liège Principauté: Liège |
| RESUME ET DESCRIPTION |
| Résumé | rappelle la donation de l'abbaye à Bernard , abbé de Clairvaux et confirme les droits et les possessions de cette abbaye (énumération) |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| In nomine sancte --- ego Heinricus secundus dei gratia Leodiensis episcopus omnibus fidelibus tam presentibus quam futuris. Dignum est ut que fiunt in tempore sic firmentur ne mutentur cum tempore aut obliuione depereant. Igitur notum sit uniuersis quod ego consilio et consensu tocius Leodiensis ecclesie in manu domini Bernardi bone memorie Clareuallensis abbatis ecclesiam de Alna cum omnibus appenditiis suis dedi ea uidelicet ratione ut ibidem abbatiam sui ordinis constitueret. Sed quoniam eadem ecclesia altaria quedam decimas seruos et ancillas possidebat que homines ordinis illius ordinate tenere non poterant predictus abbas omnia ea in manu mea reddidit ut ego et omnes successores mei in perpetuum possideremus scilicet decimas de Golzies et de Landellies et de Alna et de Morennies seruos et ancillas omnes omnes etiam decimas de Baldribus preter nutrimentorum partem etiam quandam decime de Burgaldes fratribus de Viler rogatu domini abbatis Clareuallensis et fratrum de Alna concessi possidendam. Fratres de terris quas in ualle de Alna in presenti possident non dabunt decimas si quas uero ex hinc ibidem acquisierint decimas cum ceteris consuetudinibus persoluent exceptis nutrimentis ut dictum est dotes etiam altarium concessione nostra retinuerunt exceptis honestis mansionibus sacerdotum. Siluas de Alna et aquas et piscatorias omnes saluo iure castelli de Tuin et usu rusticorum donatione mea fratres in perpetuum possidebunt excepto quod piscatorie quamdiu in prouintia de Tuin ero mee erunt. Leodii quoque mihi antique consuetudine seruient fratres de terris omnibus quas de manu mea in Alna et Baldribus possident reditus debitos tam in annona quam in denariis quod etiam ad guaitam de Tuin pertinet plenarie soluent. A ceteris autem consuetudinibus tam de bonariis faciendis quam carrucis uel carris uel diebus ceteris que minutis exactionibus liberi erunt et annuam pro hiis omnibus V solidos Namucensis monete persoluent. Si quid uero terrarum fratres in supradictis territoriis deinceps acquisierint quicquid iuris uel iuste consuetudinis rustici debent et decimarum ipsi quoque persoluent. Si uero quod hactenus fieri non potuit contigerit uillam de Alna transferri quantum terrarum in ea rusticos constiterit possidere tantumdem fratres infra territorium de Sambrui mutuo dabunt quod si amplius in eorum translatione expendi contigerit quicquid consilio et dispositione duorum quos ad hoc ego et duorum quos ad hoc abbas nominauerit expensum fuerit fratres de suo persoluent. Super piscatores de Alna iusticiam retinui. Pro recumpensatione igitur supradictorum omnium consilio et assensu tocius capituli nostri supradictis fratribus concessi et libere dedi quicquid iuris in uilla de Fontenes possidebam in terris aquis siluis pratis et pascuis quicquid dominii et districtionis excepto quod piscatorias et terras ad eas pertinentes et guetam castelli de Tuin et quod capellani est et molendinum meum in manu mea retinui quod capellani est fratres concessione mea censu perpetuo XXX-ta solidorum Valecenensium iam acquisierunt. Si uero contigerit fratres ibidem molendinum construere et monstrari potuerit meum aliquid impedimenti uel dampni pati ipsi iusta estimatione restituent. Si quid uero super istis que in manu mea retineo iniurie mihi factum fuerit si mihi placuerit per uillicum abbatis et ministeriales eius iusticiam requiram et recipiam. Quicquid uero census et redditus uillam mihi modo debere constat fratres in perpetuum soluent summa autem debiti hec est uiginti sex solidi et IX denarii Namucensis monete XIIII panes et XXIIII pulli. Homines feodales in manu mea et iusticia retineo ea uidelicet ratione quod si fratres terras eorum ipsorum consensu habere potuerint libere et absque ulla exactione concessi possidendas. Hec autem omnia facta sunt saluo iure aduocationis et iustis usuariis rusticorum et castelli mei de Tuin excepto quod abbatiam de Alna ab omni iure aduocationis consensu aduocatorum absolui. Fratres tam libere et quiete ut ego si uoluissem nouellabunt edificabunt et de supradictis ad utilitatem ecclesie sue pro arbitrio suo facient. Ut autem hec omnia firma et inconuulsa permaneant auctoritate nostra firmamus et sigillo munimus et omnem guarentisiam et protectionem promittimus. De nona de Golzies ad abbatiam Leodiensem pertinente nichil fratribus predictis concessimus. Quicquid autem ad guetas supradictas in presenti pertinet fratres censu perpetuo concessione mea IIII solidorum Valencenensium acquisierunt. Huius rei testes sunt Alexander prepositus Elbertus Reinerus Amalricus Balduinus Philippus Bruno archidiaconi Hubertus decanus Iohannes sacerdos Heinricus cantor Theodericus Heinricus Walterus diaconi Lambertus Wilelmus Guedericus subdiaconi abbas de sancto Iacobo Drogo abbas de Floreffia Gerlandus abbas de Vilari Vlricus abbas de Camberon Gerardus comes de Los Loduicus Manasses de Hirche de familia Lambertus Arnulphus de Hoio. Actum Leodii anno incarnationis dominice M° C° LVIII° regnante Frederico imperatore. | |
| Source | BORMANS S.-SCHOOLMEESTERS E. 1893 |
| TRADITION |
| EDITIONS ET TRAVAUX |
|
Edition(s)
|
BORMANS S.-SCHOOLMEESTERS E.. Cartulaire de l'église Saint-Lambert de Liège (Publications de la Commission royale d'Histoire. Chroniques belges inédites. Series I in 4°), I, Bruxelles, 1893., 1, n.48, p.81, |
| Travaux | DEVILLERS L.. Mémoires sur un cartulaire et sur les archives de l'abbaye d'Alne, dans: Annales du Cercle archéologique de Mons, 4 (1863), p.237-280., n.2, p.240, LIEN LIEN |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.201, LIEN LIEN | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.413, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
