‹
›
retourner aux résultats
| DiBe ID | 113 |
| ACTEURS |
|
Auteur(s)
(= auteur de l'acte écrit) |
Fonction/titre:
comte/comtesse Nom: Robert II de Jérusalem Institution/juridiction: Flandre Diocèse: Diocèse Tournai Principauté: Flandre Ordre religieux: |
|
Disposant(s) (= auteur de l'acte juridique) |
Fonction/titre:
comte/comtesse Nom: Robert II de Jérusalem Institution/juridiction: Flandre Diocèse: Diocèse Tournai Principauté: Flandre Ordre religieux: |
|
Fonction/titre:
seigneur Nom: Enguerrand Institution/juridiction: Lillers Diocèse: Diocèse Thérouanne Principauté: Flandre Ordre religieux: |
|
|
Fonction/titre:
autre Nom: Emma Institution/juridiction: Lillers Diocèse: Diocèse Thérouanne Principauté: Flandre Ordre religieux: |
|
|
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Ham-en-Artois Diocèse: Diocèse Thérouanne Principauté: Flandre Ordre religieux: Bénédictins |
| DATATION |
|
Datation interprétée
(préférentielle) |
13/10/1093 (terminus post quem - VERCAUTEREN) |
|
Datation interprétée
(toutes) |
13/10/1093 (terminus post quem - VERCAUTEREN) Qualification érudite: - |
| //1093 (donnée par document / mentioned in document - ) Qualification érudite: - | |
|
Date dans la charte
|
//1093 |
|
Date de lieu (dans le texte) |
apud opidum Broburch |
|
Date de lieu (normalisée) |
Bourbourg (FRANCE, Hauts-de-France, Nord)
Diocèse: Diocèse Thérouanne Principauté: Flandre |
| RESUME ET DESCRIPTION |
| Résumé | rappelle la fondation de l'abbaye par Enguerrand et son épouse , confirme les donations et les privilèges dont elle jouit , s'en déclare l'avoué et lui assure un revenu annuel |
|
Description
|
Langue:
latin Véracité: document non suspecté Tradition de l'acte: copie (source diplomatique) Nature diplomatique: charte |
| TEXTE DU DOCUMENT |
| Uniuersis tam presentibus quam futuris fidelibus. Ego Robertus gratia dei Flandrie comes. Notum facio quod nobilis Ingelramus homo meus terrenus castri Lilleriensis dominus consensu et consilio patris mei sed et uoluntate mea cenobium monacorum edificauit in propria possessione sua que uulgo dicitur Ham. Cui cenobio communia que in prefata uilla habebat et possidebat terras scilicet tocius parrocie prata nemus aquam molendinum piscationem terram excultam incultam paludes et palustria census redditus iusticias releuationes et omnia que ad prefatam Hamensis uillae possessionem pertinebant in elemosinam integerrime contulit quatinus ordo monasticus sub abbate deo militans ibidem perpetuo uigeat atque pro sua salute et nostra et pro predecessoribus successoribus que suis et nostris deum incessanter studeat exorare. Preterea dedit et quandam uillam que uulgo dicitur Mancauilla cum omnibus appendiciis suis et dominatu et iusticia ipsius uille. Hanc itaque uillam uenerabilis Flandriae comitissa Athela in alodium sibi coemerat eam que pater noster prefato Ingelrano ad opus prefate ecclesie contulerat. Dedit etiam terram que dicitur del tailleic et quicquid habebat in uilla de Hanelines in terris et siluis in aqua et molendinis in piscationibus et pratis in censu et redditibus in iusticiis et releuationibus et in omnibus omnino rebus. Quicquid ergo in omnibus hiis que nominauimus prefatus Ingelramus habebat totum ex integro prefate Hamensis ecclesie in elemosinam in nostra hominum que nostrorum presentia dedit ad susceptationem abbatis et monacorum qui ibidem deo seruierint ut et habeant unde hospitalitatis et caritatis sue necessarie subministrent. Sed quoniam prescriptus Hamensis locus cum prefata Mancauilla infra Albiniensis castri uice comitatum situs erat a tribus eiusdem castri senioribus id est Hugone Albiniensi et Gualtero Duacensi necnon Hugone cognominato hauet eidem ecclesie concessus et in manu nostra deinceps per succedentia tempora commissus est. Ut autem idem locus in pace et quiete semper permaneat predictus Ingelramus constituit et nos hoc ipsum Ingelranni prece concessimus ut omnis prefate ecclesie possessio libera ab omni successorum dominorum suorum uidelicet seu hominum de liberis subiectione efficiatur ut non sit de omnibus qui in ea quicquam reclamet uel hominem capiat uel bannum aut quamlibet rapinam faciat uel sanguinem uindicet uel loca ecclesie quacumque ex causa uiolare presumat. Homines Hamensis uille et famuli ipsius ecclesie de omnibus que ad uictum uel uestitum suum emerint in Lillerio theloneum non persoluent soluent uero si publici mercatores fuerunt. Si forte quilibet familiorum uel hominum ad prefatam ecclesiam appendicium ubi degentium quolibet forisfacta interceptus fuerit nisi sit de furto uel latrocinio ipso actu probabili et patente nullo modo uel in foro uel alicubi iudicium siue preiudicium patiatur donec res in presentia abbatis delata et audita hominum et curie abbatis iudicio discuciatur. Homines tocius terre abbatis et monachorum nusquam ibunt molere nisi ad molendinam ecclesie et a nullo cogantur ire ad aliorum molendina. Nullus successorum nostrorum Flandrensium uidelicet comitum seu dominorum uel hominum de Lillers exactionem taliam expeditionem seu manuperationem super homines ecclesiae habebit sed tantummodo abbati et ecclesie Hamensi in omnibus subiecti erunt. Homines etiam extranei undecumque aduenerint si alicuius aduocationis extiterint quamdiu in terra ecclesie commorati fuerint preter censum capitalem subiacebunt abbati et monachis. Si milites uel homines qui possessiones suas tenent feodaliter de domino castri Lilleriensis de ipso suo feodo aliquid in elemosinam predicte ecclesie conferre uoluerint absque omni et omnium reclamatione uel contradictione id facere potuerunt. Ut autem nos et successores seu predecessores nostri participes simus omnium elemosinarum et spiritualium bonorum que amodo in predicta Hamensis ecclesia fient de propriis redditibus nostris centum solidos publice Flandrensis monete nobis presentibus et benigne fauentibus ei pater meus in elemosinam contradidit. Hos centum solidos capient abbas et monachi singulis annis apud sanctum Audomarum in officio Simonis dispensatoris nostri in duobus terminis quinquaginta solidos in natale domini et L in pascha. Sed et hoc inde decreuit ut si quod absit comes quilibet Flandrensis uel alius quis deinceps hanc elemosinam uiolare uel minuere presumpserit uel si Simon dispensator noster eam suis in terminis persoluere neglexerit abbas et monachi de Ham episcopum Morinensis audeant christianitatis omnino iusticiam expectant et tam diu perturbatores huius nostre elemosine exculcando coherceant donec sibi ad plenum satisfaciant. Nos autem predictam Hamensis ecclesiam de suis temporalibus boni iam quidem sibi datis seu in futuro dandis aliquomodo detrimentum seu iniuriam aliquam cuiuslibet oppressione uel inquietudine pacificatur aduocationem et defensionem ipsius ecclesie et omnium rerum ad eam pertinentium predictus eius fundator Ingelramus in nostra et successorum nostrorum comitum uidelicet Flandrie tutela reposuit quatinus eorum in omnibus aduocati pii et defensores extimamus atque eorum beneficiis et orationibus in omnibus participes simus. Hanc aduocationem pro dei amore sub hac deliberatione suscepimus ut nec mihi nec successoribus meis comitibus uidelicet Flandrie eam cuidam dare liceat sed ipsi proprie eam sibi retineant. Ac ne aliquis eiusdem possessiones inuadere uel imminuere seu etiam iura uel dominium quoquomodo usurpare sibi aut uendicare presumat solius diuini que amoris intuiti pii in omnibus defensores et prompti adiutores existant. Sed et hoc sub hac aduocatione firmauimus ut abbates uel prepositi qui in ipsa ecclesia successerint res temporales ipsius ecclesie cuiquam dare uel commutare uel diminuere uendere aut censu perpetuo distribuere atque ab ecclesia quocumque modo alienare aut etiam inde aliquem feodare absque aduocati atque tocius capituli colladatione uel subscriptione non possint. Et si forte abbas in huiusmodi quolibet modo capituli consensum extorxerit urita erit omnis eorum actio nisi nostra et Morinensis episcopi fuerit subscriptione firmata. Huius ergo iure aduocationis abbas et monaci de Ham cum necesse habuerint ad nos libere ingredientur et querimonias suas fidenter exponent quodsi procul abfuiremus sicut sepe solemus abesse et de officialibus nostris et de omnibus ad ius christianitatis recurrant. Hec omnia uelud prelibata sunt in conspectu nostro recitata et audita et nostre consensu comprobata ac confirmata sunt. Ut igitur hec nostri successores sciant et eiusdem ecclesie iura perpetuo inuiolata conseruent presentem paginam inde conscriptam sigilli nostri munimine et testibus subscriptis corroborauimus. Acta sunt hec apud opidum Broburch anno dominice incarnationis MXCIII. Arnulphus sancti Audomari prepositus Manasses comes Gisnensis Galterus Duacensis Hugo hauet Robertus pincerna Onulfus dapifer Arie Iohannes Attrebatensi Wenemarus de Isel Odechim Elbodo mareschal. Ipse Ingelramus et homines ipsius Eustachius escorles Iohannes herbe Galandus Hermannus Sierius Eurardus Ardo Ebroinus Robertus Teruannie Helgotus filius Alqueri Bernardus filius Hildeberti Clarbaldus morels Eustacius boininc Wenemerus sterpele Terricus de riuo Marinus uidela. | |
| Source | VERCAUTEREN F. 1938 |
| TRADITION |
| EDITIONS ET TRAVAUX |
|
Edition(s)
|
VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., n.17, p.54-57, |
| Travaux | DE SIMPEL F.. Une étonnante modification des propriétés de l'abbaye de Messines entre 1066 et 1080, dans: Mémoires de la Société d'Histoire de Comines et de la Région, 28 (1998), p.15-24., passim, |
| VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., p.54, | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 11, n.1, p.89, LIEN LIEN |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
