DiBe ID | 10508 |
ACTEURS |
Auteur(s)
(= auteur de l'acte écrit) |
Fonction/titre:
évêque Nom: Gautier I Institution/juridiction: Tournai Diocèse: Diocèse Tournai Principauté: Flandre Ordre religieux: |
Disposant(s) (= auteur de l'acte juridique) |
Fonction/titre:
évêque Nom: Gautier I Institution/juridiction: Tournai Diocèse: Diocèse Tournai Principauté: Flandre Ordre religieux: |
Bénéficiaire(s)
(= bénéficiaire) |
Fonction/titre:
institution monastique Nom: Institution/juridiction: Marchiennes Diocèse: Diocèse Arras Principauté: Flandre Ordre religieux: Bénédictins |
Fonction/titre:
autre Nom: Amalricus IV Institution/juridiction: Landas Diocèse: Diocèse Tournai Principauté: Flandre Ordre religieux: |
DATATION |
Datation interprétée
(préférentielle) |
//1168 (donnée par document / mentioned in document - ) |
Datation interprétée
(toutes) |
//1168 (donnée par document / mentioned in document - ) Qualification érudite: - |
Date dans la charte
|
//1168 |
Date de lieu (dans le texte) |
Tornaci |
Date de lieu (normalisée) |
Tournai (BELGIQUE, Région Wallonne, Hainaut)
Diocèse: Diocèse Tournai Principauté: Flandre |
RESUME ET DESCRIPTION |
Résumé | l’évêque de Tournai, notifie l’accord à l’amiable intervenu entre l’abbaye de Marchiennes (Nord, Douai, Sin-le-Noble, Marchiennes) et le « miles » Amaury de Landas (Nord, Douai, Orchies, Landas) au sujet du vivier et des moulins de Mohies (Nord, Douai, Sin-le-Noble, Marchiennes), situés entre Marchiennes et Bouvignies (Nord, Douai, Orchies, Bouvignies). Cette abbaye sera autorisée à pêcher jusqu’au pont de Bouvignies. Si elle estime nécessaire d’interrompre la pêche afin de maintenir une réserve piscicole, cela se fera de commun accord. L’évêque excommunie tous ceux qui tenteraient de nuire au monastère |
Description
|
Langue:
latin Véracité: document non suspecté Tradition de l'acte: original Nature diplomatique: charte |
TEXTE DU DOCUMENT |
-Crux- In nomine sanctę et indiuiduę Trinitatis. Ego Galterus, Dei gratia Tornacensium episcopus, uniuersis catholicę ęcclesię filiis in perpetuum. Quoniam ad episcopale spectat officium paci ęcclesiarum prospicere, indignum est nos dum aliquid pro eadem obseruanda rationabiliter postulamur contraire. Unde compositionem quandam factam inter ęcclesiam Marcianensem et Amolricum de Landast notam esse uolumus tam futuris quam presentibus quę coram nobis recitata est et presenti paginę commendata. Prędicta itaque ęcclesia de uiuario et molendinis quos fecit in proprio alodio suo inter Marcenis et Bouenies prefato militi quartam concessit partem, non solum quia aque uiuarii partem aliquam terrę illius occupant sed ut ab his qui res monachorum ui uel furto diripere moliuntur sollicite defendat et fideliter tueatur. Qui propterea in accipiendo minus recipit, quia uiuarium de terra illius partem satis minorem occupauit et de alodio Beatę Rictrudis multo ampliorem. De omnibus uero que in reparandis molendinis et uiuario deinceps expendentur, ille quartum operariis soluet denarium. Qui in uiuario et molendinis non piscatores uel custodes secundum suam uoluntatem constituet sed ęcclesia sine alicuius contradictione ad hęc seruitia quoscumque uoluerit libere assumet uel mutabit. Famuli autem illi cum ab ęcclesia conducti fuerint statim et deinceps quotienscumque rogabuntur, fidelitatem ipsi ęcclesię se obseruaturos fide et sacramento pollicebuntur. Et cum Amolrico eadem fidelitas assumpta a sepefata ęcclesia sufficiat nec aliam quasi propriam requirat, ipse tamen nichilominus in soluenda eorum mercede quartam precii dabit partem a quibus nichil de iure suo accipiet, nichil requiret sed pacis conseruandę gratia quicquid de uiuario et molendinis conquisitum fuerit ad ęcclesiam deferetur et sua pars militi supradicto reseruabitur. Querere piscem et capere prorsus ęcclesię licebit usque ad pontem de Bouenies. Si uero ęcclesię uisum fuerit ut ad tempus pro nutriendis piscibus a piscatione cessari debeat, hoc communi fiet consilio. Sciendum quoque quod triticum ęcclesię moletur absque moltura et triticum similiter Amolrici ad sui scilicet et eorum opus qui proprio eius pane sustentantur. Extra uiuarium in potestate Sanctę Rictrudis miles prefatus nichil habebit nec receptaculum aliquod nec fossatum in terra sua nec alibi faciet ut aquas de uiuario defluentes ad commodum suum ibi retineat. Ęcclesię autem in decursu aquę quę de uiuario exibit ubicumque super alodium Beatę Rictrudis defluat uel detineatur, sine reclamatione aliqua et sine questus participe piscium seruatorium uel quicquid aliud in posterum sibi utile perspexerit disponere et construere licebit preter molendinum. In uiuario et molendinis quolibetmodo delinquentes Amolricus nec iudicabit nec manum mittet in eos nec aliquam eis uiolentiam inferet nec ministri eius sed tota offensionis correptio potestati et iudicio ęcclesię reseruabitur. A quocumque siue ab Amolrico siue ab altero delinquentes ęcclesię iudicandi offerantur. Quę si ab his qui offenderint aliquid dictante iusticia acceperit Amolrico quartum dabit denarium et licet ipsa ęcclesia post dictatam iusticiam partem suam aliquando condonare uoluerit, tamen miles ille ad condonandum suam urgeri non poterit. Et si casu aliquo terra in solitudinem redacta regio uastata fuerit et uiuarium cum molendinis destructum ad terram suam sicut antiquitus ex integro possidendam ęcclesia libere reuertetur et Amolricus ad suam quam possidebat ante compositionem istam. Quod si uiuarium cum molendinis denuo restauretur, huius compositionis forma non mutabitur. Denique ad omnem consopiendum discordię fomitem, sciendum est ex utraque parte concessum esse atque concorditer sancitum quod Amolricus siue successores eius quauis urgente necessitate partem suam de uiuario et molendinis nulli uendere, nec in uadimonium alicui dare possit. Quam partem inter suos ille solus hereditate successoria possidebit cui in donatum cedet castellum de Landast. Huic compositioni interfuerunt ligii homines abbatis : Hellinus Flandrie dapifer, Wido de Goi, Gommarus de Beurui, Rainerus uillicus, Willelmus de Ascon, Amolricus Calderon. Interfuerunt etiam homines Amolrici : Gerardus de Landast, Willelmus et Theodericus fratres ipsius Amolrici, Nicholaus de Letliu, Tetbaldus de Bouenies, Robertus Couisels, Gilius de Remelgies. Hęc igitur quę suprascripta sunt, ut rata et inconuulsa permaneant, presentis scripti tenore et sigilli nostri impressione confirmamus, uinculo anathematis eos innodantes qui post compositionem istam de uiuario uel de molendinis Marcianensi ęcclesię quolibetmodo iniuriam inferre presumpserint. S. Galteri episcopi. S. Lietberti decani. S. Symonis capellani. S. Amolrici presbiteri. S. Raineri, Galteri, Thomę diaconorum. S. Heribrandi, Lamberti, Oliueri, Henrici, Gozuini subdiaconorum. S. Galteri de Subrenghien monachi Sancti Martini. Actum Tornaci, anno Domini M° C° LX° VIII°. Ego Lietbertus, Dei gratia Tornacensis ęcclesię cantor et cancellarius, legi et subscripsi. | |
Source | PYCKE J.-VLEESCHOUWERS C. 2014 |
TRADITION |
EDITIONS ET TRAVAUX |
Edition(s)
|
PYCKE J.-VLEESCHOUWERS C.. Les actes des évêques de Tournai (1146-1190). Episcopalis officii sollicitudo II, vol. 2 (Tournai – Art et Histoire, Instruments de travail, 22), Louvain-la-Neuve, 2014. , n.78, p.115-116, |
Travaux | BRUCHET M.. Répertoire numérique. Série H. Tome I. Fonds bénédictins et cisterciens. 1 H à 35 H (Archives départementales du Nord), Lille, 1928., col.1, p.198, LIEN |
LE GLAY A.. Mémoire sur les archives de l'abbaye de Marchiennes, dans: Mémoires de la Société impériale d'Agriculture , Sciences et Arts séant à Douai, centrale du Département du Nord, deuxième série, 2 (1852-1853), p.127-194., p.134, LIEN | |
VLEESCHOUWERS C.-VAN MELKEBEEK M.. Le rôle de l'entourage des évêques de Tournai (1146-1300) dans la chancellerie épiscopale (avec relevé des sceaux), dans: Mémoires de la Société d'Histoire et d'Archéologie de Tournai, 2 (1981), p.7-80., p.20, |