Diplomatica Belgica - Details Chartre 3655
DiplomataBelgica
Recherche | Recherche Tradition
DiBe 1 sur 1
retourner aux résultats
DiBe ID 3655
ACTEURS
Auteur(s)
(= auteur de l'acte écrit)
Fonction/titre:  pape
Nom:  Eugène III
Institution/juridiction:  Rome

Diocèse: 
Principauté: États pontificaux
Ordre religieux: 

Disposant(s) 

(= auteur de l'acte juridique)

Fonction/titre:  pape
Nom:  Eugène III
Institution/juridiction:  Rome

Diocèse: 
Principauté: États pontificaux
Ordre religieux: 
Bénéficiaire(s)

(= bénéficiaire)

Fonction/titre:  institution monastique
Nom:  Franco II abbé
Institution/juridiction:  Lobbes

Diocèse:  Diocèse Cambrai
Principauté: Liège
Ordre religieux:  Bénédictins
DATATION
Datation interprétée
(préférentielle)
2/12/1150 (donnée par document / mentioned in document - )
Datation interprétée
(toutes)
2/12/1150 (donnée par document / mentioned in document - ) Qualification érudite: -
Date dans la charte
2/12/1150

Date de lieu

(dans le texte)

Terentinii

Date de lieu

(normalisée)

Ferentino (ITALIA, Latium, Frosinone)

Diocèse: 
Principauté:  États pontificaux
RESUME ET DESCRIPTION
Résumé prend l'abbaye sous sa protection et lui confirme ses possessions (énumération) et ses droits
Description
Langue: latin
Véracité: document douteux Tradition de l'acte: copie d'érudit
Nature diplomatique: bulle
TEXTE DU DOCUMENT
Eugenius episcopus seruus seruorum dei dilectis filiis Franconi abbati Lobiensis monasterii eius que fratribus tam praesentibus quam futuris regularem uitam professis in perpetuum. Amen. Commissa nobis apostolicae sedis hortatur authoritas ut locis et personis ipsius auxilium deuotione debita implorantibus tuitionis praesidium impendere debeamus quia sicut iniusta poscentibus nullus est tribuendus effectus ita legitima et iusta postulantium non est differenda petitio praesertim eorum qui cum honestate uitae et laudabili morum compositione gaudent omnipotenti domino deseruire. Eapropter dilecti in domino filii uestris iustis postulationibus clementer annuimus et praefatum monasterium in quo diuino mancipati estis obsequio ad exemplar praedecessoris nostri felicis memoriae papaę Innocentii sub beati Petri et nostra protectione suscipimus et praesentis scripti priuilegio communimus. Statuentes ut quascumque possessiones quaecumque bona idem monasterium in praesentiarum iuste et canonice possidet aut in futurum concessione pontificum largitione regum uel principum collatione fidelium seu aliis iustis modis prosperante domino poterit adipisci firma uobis et illibata permaneant in quibus haec propriis duximus exprimenda uocabulis in Leodiensi episcopatu uillam de Bermerys cum altari uillam de Ercheneis cum altari dimidiam quoque partem uillae de Mathenoule uillam de Tiguillers cum altari Battiniacas et partem Alzoniae uillam de castillon cum altari et capellam de Mertinis uillam de Stratis cum altari et capellam de Viscort altare de Hantis uillam de Radionatis cum altari uillam de Gillier cum altari uillam de Gimiaco cum altari in Cameracensi episcopatu altare de Blarignies uillam de Huon cum altari et appendiciis suis uillam de Piscant cum altari dimidiam partem Perrone altare de Hyon altare de Meuin et capellam Cipli uillam de Bauia cum altari uillam monasterii cum ecclesia et omnibus ad eam pertinentibus uillam de Heistruz cum duobus manipulis dimidiam partem decimae de Albys uillam de sanctis cum altari uillam de Vergenoul cum altari Geroldengies cum altari Singulfi Uillam cum altari uillam de Tisenghien et altare de Mortezele altare de Cotigna cum omnibus appendiciis suis uillam quoque de Lerna item in Cameracensi episcopatu ecclesiam de Anton cum omnibus appendiciis suis uillam de Lobiis cum ecclesia beati Ursmari et omnibus ad eam pertinentibus in quibus ecclesiis uidelicet de Anton et beati- Ursmari sicut dominium omnium praebendarum decaniae custodiae et scholae ad abbatem pertinere dignoscitur sic et possessionum omnium tam in parochiis quam in rebus aliis ad easdem praebendas pertinentium dispositionem abbatis seu monachorum ordinationi in perpetuum subiacere sicut ab antiquo institutum et hactenus seruatum est confirmamus. Apostolica quoque authoritate decimas omnes indominicatas totius abbatiae tam de ecclesiis beneficiatis quam et uestro uictui deputatis sicut imperiali uobis munificentia collatum est confirmamus in Tornacensi episcopatu altare de Arcella et duos manipulos de Tyrroda altare de Ham cum pertinentiis suis in Nouiomensi episcopatu duos manipulos de Calioet in Laudunensi episcopatu uillam de Ercliaco cum altari et appendiciis suis. Sane prauam illorum consuetudinem quae sub nomine personatus usque ad tempus praedecessoris nostri bonae memoriae papaę urbani extraordinarie inoleuerat submouemus. Defuncto autem presbytero qui alicui altario seruiebat alium idoneum per manum abbatis episcopo praesentari praecipimus qui uidelicet et curam parochiae ab eo cum assensu uestro suscipiat et de cura plebis episcopo rationem reddat et de temporalibus ad monasterium pertinentibus uobis debitam subiectionem exhibeat. Sancimus insuper ut in omnibus parochiis uestris nullus ecclesiam uel monasterium sine uestro assensu aedificare uel aedificatum tenere praesumat. Porro quia idem locus in honore sancti Petri cuius uices agimus consecratus et ipsius pignoribus specialiter habetur insignis dignum duximus eiusdem atrium sicut a sanctis patribus nostris statutum est et hactenus seruatum nullius humani cadaueris sepultura deinceps aperiri. Cum autem eiusdem loci rectores in initio fuisse constet episcopos partim praedicandi gratia partim quia regali munificentia nobiliter constructus apostolica authoritate nobilius prouectus est instar praedecessorum nostrorum libertate praefato monasterio rationabiliter concessa et nos confirmamus uidelicet ut abbates annulo aureo ubique et sandaliis et chirotecis et tunica subdiaconali in celebratione missae utantur. Indumenta quoque sacerdotalia et ornamenta altaris benedicant potestatem et ligandi et soluendi habeant per eundem beatum Petrum cui et claues coelorum christus credidit et potestatem ligandi et soluendi per ipsum nobis tribuit. Et quia religiosorum uirorum est in ecclesiis sibi commissis religionem statuere et statuta attenta diligentia conseruare praecipimus ut in ecclesia beati Ursmari decedentibus clericis religiosi monachi substituantur. Obeunte uero eiusdem loci abbate nullus ibi per subreptionem uel uiolentiam substituatur nisi quem fratres communi assensu aut pars sanioris consilii secundum beati Benedicti regulam prouiderint eligendum et episcopus Leodiensis eis praefecerit. Qui episcopus donum abbatiae antiquorum regum et imperatorum munificentia sibi concessum numquam amittat unde et monachis ea quae nunc tenent uel tenere debent uel de coetero acquisituri sunt sine inquietudine conseruet. Stationes autem publicas ab episcopis tam Leodiensium quam Cameracensium in eodem fieri coenobio et eosdem ibidem uenire uel aliquod aduentu suo grauamen inferre nisi ab abbate uel fratribus uocati fuerint omnino prohibemus. Iuri quoque Lobiensis ecclesiae consulentes decernimus ne coenobium aliquod ob conuersionis uel sepulturae causam absque iam dictae ecclesiae licentia aliquem de eius familia suscipere praesumat aduocatiam quoque ipsius monasterii liberam omnino esse decernimus ut nullus ibi aduocatus constituatur nisi quem abbas et fratres ad ipsius loci utilitatem constituerint qui aduocatus ubi et quando inuitatur cum fratribus sine inquietudine locum supramemoratum tueatur. Decernimus ergo ut nulli omnino hominum liceat praefatum monasterium temere perturbare aut eius possessiones aufferre uel ablatas retinere minuere seu quibuslibet uexationibus fatigare sed illibata omnia et integra conseruentur eorum pro quorum gubernatione et sustentatione concessa sunt usibus omnimodis profutura salua sedis apostolicae authoritate et dioecesanorum episcoporum canonica iustitia. Si qua igitur in futurum ecclesiastica saecularis ue persona hanc nostrae constitutionis paginam sciens contra eam uenire tentauerit secundo tertio ue commonita si non satisfactione congrua emendauerit potestatis honoris que sui dignitate careat ream que se diuino iudicio existere cognoscat et a sancto corpore et sanguine dei et redemptoris notri Iesu christi aliena fiat atque in extremo examine districtae ultioni subiaceat. Cunctis autem eidem coenobio sua iura seruantibus sit pax domini nostri Iesu christi quatenus et hic fructum bonae actionis percipiant et apud districtum iudicem praemia aeternae pacis inueniant. Amen. Amen. Amen. Ego Eugenius catholicae ecclesiae episcopus. Ego Hubaldus presbiter cardinalis ecclesiae sanctae Praxedis. Ego Imarus Tusculanensis episcopus. Ego Nicholaus Albanensis episcopus. Ego Oddo diaconus cardinalis sancti Georgii ad uelum aureum. Ego Iohannes paparo diaconus cardinalis sancti Adriani. Eo Guido cardinalis diaconus sanctaę Mariae in porticu. Ego Iohannes diaconus cardinalis sanctorum Sergii et Bacchi. Datae Terentinii per manum Mariniani sanctae Romanae ecclesiae scriptoris quarto nonas decembris indictione decima quarta incarnationis dominicae anno millesimo centesimo quinquagesimo pontificatus uero domini Eugenii III papaę anno sexto.
Source LEJEUNE TH. 1883
TRADITION
Original
Non
Manuscrit(s) Mons, Archives de l'Etat [AE], Fonds Cartulaires 101 (1701-1800)
EDITIONS ET TRAVAUX
Edition(s)
LEJEUNE TH.. Monographie archéo-historique de l' ancienne abbaye de Saint-Pierre à Lobbes (654-1794), dans: Documents et Rapports de la Société paléontologique et archéologique de l'Arrondissement judiciaire de Charleroi, 12 (1883), p.231-355., n.21, p.322-326, LIEN LIEN
Travaux JAFFE P.-LOEWENFELD S.. Regesta Pontificum Romanorum ab condita ecclesia ad annum post Christum natum MCXCVIII, 2 vol., Leipzig, 1885-1888., 2, n.9418, p.69, LIEN LIEN LIEN LIEN LIEN LIEN LIEN
WARICHEZ J.. L'abbaye de Lobbes depuis les origines jusqu'en 1200. Etude d'histoire générale et spéciale. (Université de Louvain. Recueil des Travaux publiés par les Membres des Conférences d'Histoire et de Philologie, 24), Tournai, 1909., p.XVII,
WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.327, LIEN LIEN

 

Collaborateur: Philippe Demonty