‹
›
return to all results
| DiBe ID | 6847 |
| ACTORS |
|
Issuer(s)
(= author) |
Function/title:
count/countess Name: Philip of Alsace Institution/jurisdiction: Flanders-Vermandois Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Philip of Alsace Institution/jurisdiction: Flanders-Vermandois Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
monastic house Name: John III abbot Institution/jurisdiction: S.Omer (S.Bertin) Diocese: Diocese Thérouanne Principality: Flanders Religious order: Benedictines |
| DATE |
|
Scholarly dating
(preferential) |
7/9/1190 (terminus ante quem - DE HEMPTINNE-VERHULST-DE MEY) |
|
Scholarly dating
(any) |
7/9/1190 (terminus ante quem - DE HEMPTINNE-VERHULST-DE MEY) Scholarly qualification: - |
| 25/12/1189 (terminus post quem - DE HEMPTINNE-VERHULST-DE MEY) Scholarly qualification: - | |
| //1190 (donnée par document / mentioned in document - ) Scholarly qualification: - | |
|
Date in the charter
|
//1190 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | le comte de Flandre et de Vermandois , avant son départ en croisade , résume et confirme toutes les donations et concessions faites par ses prédécesseurs et lui-même à l'abbaye de S . Omer (S . Bertin) |
|
Description
|
Language:
Latin Authenticity: unsuspected document Textual tradition: original Nature of the charter: charter |
| FULL TEXT OF CHARTER |
| Philippus, Dei gratia Flandrie et Uiromandie comes, Iohanni abbati Sancti Bertini eiusque uniuersis successoribus regulariter substituendis in perpetuum. Cum unius sint mercedis et premii et hii qui ecclesiasticas possessiones uel substantias cotidie iure tuentur Dei, et hii qui eas largiuntur usibus fidelium ex deuotione fidei, ego, in procinctu itineris Iherosolimam proficiscendi prenominati abbatis precibus annuens, notum fieri uolo cunctis successoribus meis, me, ad instar incliti comitis Theoderici patris mei, concessisse et reconfirmasse uniuersa que predecessorum meorum liberalitate uel principum simul et uulgarium munificentia ecclesie Sancti Bertini usque in presens sunt collata, quatinus eiusdem cenobii fratres, ea cum quiete et securitate sub diuina meaque tuitione possidentes, pro meis excessibus interuenientes, me meaque omnia suis precibus Deo et Uerbo gratie eius commendent. Statuimus igitur ut quicumque aduocatus fuerit eiusdem ecclesie iuxta institutum Balduini Insulani iturus in regalem expeditionem semel in anno, unum baconem et unam pensam caseorum et unum sommarium uel pro hiis unam marcam argenti ab abbate accipiat et singulis annis de unaquaque terra ipsius uille de Arkas dimidiam firtalam auene habeat, eo pacto ut nil umquam de eadem uilla qualicumque causa exigat aut accipiat et ut ecclesie oportunum sue defensionis auxilium non subtrahat. De spacio uero atrii uel curtis eiusdem cenobii et submanentibus uel seruientibus monachorum qui in oppido Sancti Audomari et in comitatu aduocati hospitantur quod in prefati comitis priuilegio prefixum est per omnia tenendum firmiter censemus. Insuper uero totam palustrem terram inter Arkas et Uetus Monasterium et uetustam Mere ad ius Sancti Bertini perpetuo pertinere censuimus. Preterea instituimus ut in cunctis parrochiis quas in castellaria de Brodburg Sanctus Bertinus habet, in Flandria quicquid decime de noua terra siue per secessum maris siue ex palustribus locis et nunc et in futurum accreuerit, inde duas garbas hereditario iure beatus Bertinus una cum decimatione de berquariis uel uaccariis possideat. De libertate uero comitatus de Archas et de pascuis porcorum uel pecorum et de palustri terra que eidem uille circumiacet et de terminis quibus terminatur et de hiis que infra terminos aliquid utilitatis habere uidentur et de uilla Wiserna cum tota arabili terra et wastina que extenditur usque ad terminos de Edekin et Longnesse et de ceteris omnibus que priuilegiis senioris Roberti proaui mei continentur, quicquid conseruandum et habendum ecclesie Sancti Bertini idem comes sanciuit, nos quoque immutabili possessionis iure tenendum decernimus. Preterea comitatum de terra et de submanentibus uel hospitibus quos Sanctus Bertinus habet in castellaria de Brodburch liberum confirmamus, ea uidelicet libertate quam Balduinus et Karolus, predecessores mei, tempore Lamberti atque Iohannis abbatum, post multas controuersias inter illos et Theinardum castellanum habitas, cartis sigillatis ecclesiam Sancti Bertini habendam iudicio baronum determinauerunt, ut scilicet sanctus proprios scabinos haberet per quos de scultedum, id est de furibus, de latrociniis ac prorsus de omni lege et forisfactura tam maxima quam infima placitaret. Homines etiam sancti de comitatu suo in Brodburch nullum opus quod banwerc uocant operari debent, nisi ubi homines mei ex communi indictu operantur et si moniti homines Sancti Bertini operari neglexererint z sic , forisfactum eorum per iusticiam abbatis recipiatur. Homines autem Sancti Bertini de Poparingehem ab omni banwerc in castellaria Furnensi liberos esse significamus. Et quoniam ministeriales uillarum Sancti Bertini multas et magnas iniusticias sepius in suis ministeriis faciunt, homines sancti depredando contra uoluntatem monachi procurationem uille habentis et sine iudicio scabinorum coactas petitiones faciendo et plusquam decimum nummum de placitis que ad abbatem pertinent ecclesie uiolenter auferendo, ratam et inconuulsum decernimus conuentionem olim inter Lambertum abbatem et Lambertum ministerialem de Poparingehem, teste capitulo, coram ecclesie hominibus carta et sigillo Sancti Bertini confirmatam, eandemque legem de ceteris ministerialibus ecclesie tenendam auctorizamus, ut scilicet nullus eorum uel per hereditariam successionem uel in feodum habeat suum ministerium, nec alio modo quam abbati uel ecclesie dare placuerit, et ministerialis de Poparingehem decimum nummum tantum secundum prefatam conuentionem de placitis iure suo accipiat. Forum etiam in eadem uilla Poparingehem sexta feria in ebdomada perpetuo tenendum concessimus et nauigium quando abbas et homines sui illud facere uoluerint. Berquarias etiam uel terras quas pater meus in Ramescapla pro concambio uille de Helchin ecclesie dedit, et decimas quas in eadem uilla ab hominibus Balduini nepotis mei abbas emit uel in elemosina adquisiuit similiter confirmamus. Pratum etiam quod Balduinus de Commines ecclesie de Bas Uuameston per manum meam in elemosinam dedit et totum quod in curia eadem calumpniatus fuit et coram me liberum clamauit. Nemus etiam de Wluerdinga quod pro salute anime mee et dilecte uxoris mee et patris mei dedi, et paludem quam Gerardus Houa per manum castellani domini sui in elemosinam dedit, et paludem de Honela et quicquid in Brugensi, Furnensi et Brodburgensi castellaria uel ubicumque in toto comitatu meo a triginta annis ecclesia Sancti Bertini possedit et impresentiarum iuste et sine contradictione possidet confirmamus. Decernimus etiam ut per totam terram nostram a thelonei, pedagii et trauersi exactione, sicut ex antiquis temporibus ecclesia semper libera fuit, in perpetuum libera permaneat. Censum etiam de mansuris quem ecclesia in burgo Sancti Audomari possidet et de eisdem mansuris quod uulgo relif dicitur, quod in quinque solidis ab his qui aliis morientibus in possessionem succedunt, dari statutum est, iure nichilominus hereditario Beato Bertino libere et quiete possidendum confirmamus. Huius confirmationis testes sunt: Gerardus Brugensis et Sancti Audomari prepositus et cancellarius; Gerardus Insulensis prepositus; Gerardus Sancti Petri Gandensis; Robertus aduocatus de Atrebato; Willelmus castellanus Sancti Audomari; Oliuerus de Maskelines; Willelmus de Locre. Actum est hoc anno Domini M°C°XC°. | |
| Source | DE HEMPTINNE TH.-VERHULST A.-DE MEY L. 2009 |
| TRADITION |
| EDITIONS AND SECONDARY LITERATURE |
|
Editions
|
DE HEMPTINNE TH.-VERHULST A.-DE MEY L.. De oorkonden der graven van Vlaanderen (juli 1128-september 1191) , Deel II, Uitgave. Band III. Regering van Filips van de Elzas (Tweede deel: 1178-1191) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 2009., n.797, p.388-391, |
| Secondary literature | COPPIETERS STOCHOVE H.. Regestes de Philippe d'Alsace, comte de Flandre, dans: Annales de la Société d'Histoire et d'Archéologie de Gand, 7 (1906), p.1-177., n.366, p.129, LINK LINK |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.688, LINK LINK | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.2, p.1278, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
