Diplomatica Belgica - Record 6804
DiplomataBelgica
colophon | about | copyright | contact | version française
Search | Tradition Search
DiBe 1 of 1
‹
›
return to all results
DiBe ID 6804
ACTORS
Issuer(s)
(= author) 		Function/title:  count/countess
Name:  Baldwin V of Lille
Institution/jurisdiction:  Flanders

Diocese:  Diocese Tournai
Principality: Flanders
Religious order: 

Author(s) of the actio juridica 

(= disposer)

Function/title:  count/countess
Name:  Baldwin V of Lille
Institution/jurisdiction:  Flanders

Diocese:  Diocese Tournai
Principality: Flanders
Religious order: 
Beneficiary(ies)

(= recipient)

Function/title:  monastic house
Name: 
Institution/jurisdiction:  S.Omer (S.Bertin)

Diocese:  Diocese Thérouanne
Principality: Flanders
Religious order:  Benedictines
DATE
Scholarly dating
(preferential) 		6/1/1042 (donnée par document / mentioned in document - HAIGNERE)
Scholarly dating
(any) 		6/1/1042 (donnée par document / mentioned in document - HAIGNERE) Scholarly qualification: -
6/1/1043 (nouveau style / new style - WAUTERS) Scholarly qualification: -
Date in the charter
6/1/1042

Place-date

(in the text)

in villa sancti Audomari in basilica sancti Petri

Place-date

(normalised)

S.Omer (S.Bertin) (FRANCE, Hauts-de-France, Pas-de-Calais)

Diocese:  Diocese Thérouanne Principality:  Flanders
SUMMARY AND DESCRIPTION
Summary afin d'apaiser les dissensions entre les avoués et l'abbé de l'abbaye , détermine les droits et redevances dont les avoués doivent jouir dans la "villa" d'Arques que détient l'abbaye
Description
Language: Latin
Authenticity: unsuspected document Textual tradition: copy (records)
Nature of the charter: charter
FULL TEXT OF CHARTER
In nomine patris ---. Ego Balduinus dei gratia Flandrensium comes reputans me cum nobis plus aliis in hoc mundo occupatis magis necessaria esse sanctorum patrocinia optimum duxi non solum nostra largitate eorumdem sanctorum dei exteriora augeri bona uerum etiam ab omni oppressione et iniusticia defendendo integra conseruare ab aliis collata uel conseruata et in melius restituere quęque male instituta uel deprauata. Unde notum facio omnibus presentibus et futuris me in uilla sancti Bertini que dicitur Arkas prauas et nimis iniustas quasdam exactiones que uiolentia et oppressione malorum quorumdam aduocatorum uidebantur surrexisse humili et obnixa postulatione abbatis Bouonis penitus extirpasse. Quidam enim aduocati nomen usurpantes et ecclesiam quam tueri et defendere omnino deberent quantum in ipsis erat uersa uice opprimere uolentes dicebant se in prenominata uilla Arkas semel uel bis in anno debere hospitari et quecunque sibi suis que necessaria essent ab eiusdem uille hominibus procurari. Insuper uero ibidem uolebant petitionem annuatim quasi ex debito facere et adhuc quedam alia que nulla ratione poterant uera comprobare. Unde inter aduocatos et abbates ecclesie sancti Bertini graues dissensiones frequentes altercationes orte sunt. Cum uero tante iniurie abbates nullatenus uellent adquiescere nouissime tempore predicti abbatis Bouonis et Gerbodonis aduocati eo usque hac de causa scandalum processit ut dum homines illius in uindictam ac gratiam domini sui quemdam ipsius abbatis monacum nomine Albricum ex iniuncta ei obedientia Arkas uenientem nimis crudeliter apprehensum precisis genitalibus deturpare cogitarent satis inhumane penitus ei uitam auferrent. Quocirca ut omnis controuersia et querela inter abbatem et aduocatum que de prefata uilla orta est imperpetuum sopiatur me mediante et utriusque assensu super hoc concordante prędicti uidelicet abbatis et aduocati statui cum optimatum meorum consilio ut quicunque aduocatus qui fuerit in regalem expeditionem iturus unum baconem et unam pensam caseorum et unum equum ad somarium uel pro his unam marcham argenti ab abbate accipiat t singulis annis de unaquaque terra ipsius uille dimidiam firtalam auene sine omni contradictione habeat eo pacto atque conditione ut nil unquam amplius de eadem uilla qualicunque causa uel machinatione exigat aut accipiat et ut abbati si indiguerit oportunum sue defensionis auxilium non subtrahat. De submanentibus autem et seruientibus abbatis et monacorum qui in oppido sancti Audomari et in comitatu aduocati hospitantur dispositum atque stabilitum est a me ut omni anno in natali domini modium frumenti ab abbate persoluatur et sic ab omni infestatione liberi maneant et quieti nisi aliquis illorum palam inuentus fuerit uim fatiens uel furti reus siue quemlibet percutiens aut similium legum preuaricator. Hec omnia ob salutem meam a me ut prelibatum est decreta et instituta Drogo etiam episcopus ex precepto meo sua excommunicatione confirmauit et omnes illos qui hec fallaciter aliquando aut uiolenter infringerent abbati et sepememorati cenobii monachis excommunicandi licentiam contradidit. Postquam ergo singula quemadmodum hic continentur in presentia omnium recitari fecimus cunctis assensum prebentibus tandem ea sigilli nostri impressione subtersignauimus. Quicumque uero suadente diabolo horum omnium confirmationem futuris temporibus in aliquo uiolare presumpserit accusante se iniquitate sua conuictus V libras auri principi terre persoluere cogatur et irritum fiet quodcumque presumpsit. Acta est hec confirmatio a me Balduino Flandrensium dei gratia marchione anno dominice incarnationis M XLII° indictione X regnante Rodberto Francorum rege in uilla Sancti Audomari in basilica sancti Petri die sancto epiphanie astantibus hujus rei testibus strenuis uiris quorum nomina cum subscriptionibus uel signaculis subtertenentur inserta. -c- signum Balduini incliti marchionis. -c- signum Drogonis episcopi. -c- signum Gerardi Cameracensis episcopi. -c- signum Roderici abbatis. -c- signum Leduini abbatis. -c- signum Eustachii comitis. -c- signum Rodgerii comitis. -c- signum Ingelramni comitis. -c- signum Rodberti de Betune. -c- signum Rodulfi Gandensis. -c- signum Gerbodonis aduocati.
Source HAIGNERE D. 1886
EDITIONS AND SECONDARY LITERATURE
Editions
HAIGNERE D.. Les chartes de Saint-Bertin d'après le grand cartulaire de dom Charles-Joseph Dewitte, dernier archiviste de ce monastère (Publications de la Société des Antiquaires de la Morinie), 4 vol., Saint-Omer, 1886-1889., 1, n.71 (édition fragmentaire), p.24, LINK LINK LINK LINK
Secondary literature WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.2, p.1217, LINK LINK

 

Collaborator: Philippe Demonty
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015