Diplomatica Belgica - Record 6352

DiBe ID

6352

ACTORS

Issuer(s)
(= author)

Function/title: king/queen
Name: Lothar
Institution/jurisdiction: France
Diocese: Archbishopric Sens
Principality: France
Religious order:

Author(s) of the actio juridica

(= disposer)

Function/title: king/queen
Name: Lothar
Institution/jurisdiction: France
Diocese: Archbishopric Sens
Principality: France
Religious order:

Beneficiary(ies)

(= recipient)

Function/title: monastic house
Name: Arnold abbot and count of Flanders
Institution/jurisdiction: S.Omer (S.Bertin)
Diocese: Diocese Thérouanne
Principality: Flanders
Religious order: Benedictines

DATE

Scholarly dating (preferential)	7/1/962 (donnée par document / mentioned in document - )
Scholarly dating (any)	7/1/962 (donnée par document / mentioned in document - ) Scholarly qualification: -
Date in the charter	7/1/962
Place-date (in the text)	Leuduni
Place-date (normalised)	Laon (FRANCE, Hauts-de-France, Aisne) Diocese: Diocese Laon Principality: France

SUMMARY AND DESCRIPTION

Summary	renouvelle les diplômes par lesquels ses prédécesseurs avaient accordé au monastère l'immunité et l'inaliénabilité de ses domaines (énumération)
Description	Language: Latin Authenticity: unsuspected document Textual tradition: copy (records) Nature of the charter: diploma

FULL TEXT OF CHARTER


In nomine sanctę et indiuiduę trinitatis. Hlotarius diuina ordinante prouidentia rex Francorum. Cum locis diuino cultui mancipatis ob diuinę seruitutis amorem opem congruam ferimus imperialem profecto morem decenter implemus et nobis ad eternę remunerationis pręmia capessenda profuturum firma credulitate confidimus. Idcirco notum esse uolumus omnibus fidelibus et nostris pręsentibus scilicet et futuris quia uenerabilis Arnulfus marchio abbas que ex cenobio monasterii Sithiu quod est situm in pago Taruuanense constructum in honore sanctę dei genetricis semper que uirginis Mariae et apostolorum beatorum Petri et Pauli in quo corpora beatorum confessorum Audomari atque Bertini requiescunt ubi etiam pręsenti tempore pręnominatus abbas auctore deo pręesse uidetur nostrę innotuit majestati qualiter jam dudum tempore prędecessores parentes nostri reges uidelicet Francorum eidem monasterio regalibus priuilegiis talem concessissent auctoritatem ut illud cum omnibus ad se pertinentibus sub perpetua eorum defensionis maneret securitate sed pro firmitatis inditio postulauerunt ut non solum predecessorum nostrorum regum morem sequentes nostre huiuscemodi auctoritatis preceptum erga ipsum monasterium tuitionis gratia fieri juberemus sed etiam percenseremus ut omnes cellas et uillas seu ceteras possessiones predicti monasterii quas in quibuslibet pagis et territoriis infra dictione imperii nostri consistunt nullus predecessorum nostrorum diuideret aut in alios usus conuerteret et ut familia eiusdem monasterii nullis quibuslibet hominibus foderum daret et ut ea que a fidelibus recenti tempore concessa sunt nostra quoque auctoritate firmaremus humiliter petierunt. Quorum petitionibus libenter adquieuimus et ita in omnibus concedimus atque per pręceptum confirmamus fiscum uidelicet Merke cum omnibus appenditiis quem inclytus markisus Arnolfus noster fidelissimus eidem loco sancto tradiderat consentiente imo rogante Attala eiusdem coniuge nobilissima tempore quo ipsa feminarum prima attentauit ingredi sancta ipsius monasterii limina uillam etiam Arakas dictam quam isdem quoque uictui fratrum adausit in qua et alodem Euerardi illustris eiusdem loci aduocati quem post suum obitum ipsis tradidit fratribus recipiendum monasterium quoque sancti Michaelis Wachunuillare dictum cum appenditiis suis Petresse quoque aecclesiam prefati markisi traditione donatam. Hęc omnia eidem sancto loco confirmamus regali auctoritate. Proinde hos nostros regales apices fieri jussimus per quos successores nostros ammonemus ut sicut predicto monasterio concessimus ita illi ratum et stabile permanere permittant ut nullam diuisionem in monasteriis aut cellis uel uillis seu ceteris possessionibus faciant aut facere permittant aut in alios usus retorqueant sed ad hoc sancimus atque decernimus ut nullus judex publicus aut quislibet ex judiciaria potestate in ecclesias aut ceteras possessiones memorati monasterii quas nunc possidet uel quę deinceps uoluerit diuina pietas augeri ad causas judiciario more audiendas uel fredum aut bannos exigendos aut mansiones uel paratas faciendas aut foderum exigendum aut fidei jussores tollendos aut homines ipsius monasterii distringendos nec ullas redibitiones aut illicitas occasiones requirendas ullo umquam tempore ingredi audeat uel ea quę memorata sunt penitus exactare pręsumat sed liceat memorato abbati Ernulfo suis que successoribus res predicti monasterii cum omnibus fredis et bannis siue concessis sub nostra defensione quieto ordine possidere quatinus ipsos seruos dei pro nobis ac pro stabilitate totius regni nostri a deo nobis concessi jugiter domini misericordiam exorare delectet. Et ut hęc auctoritas nostris futuris que temporibus domino protegente ualeat inconuulsa manere manu propria eam firmauimus et anuli nostri impressione assignari jussimus. Signum -monogramma- Hlotharii gloriosissimi Francorum regis. Gezo cancellarius recognouit. -locus!sigilli- datum septimo idus ienuarii regnante domino Hlothario anno VIII indictione V. Actum Leuduni. Feliciter.

Source	HALPHEN L.-LOT F. 1908

TRADITION

Original	No
Manuscripts	S.Omer, Bibliothèque de l'agglomération de Saint Omer [BM], Manuscrit 753 (1501-1600)
	S.Omer, Bibliothèque de l'agglomération de Saint Omer [BM], Manuscrit 803 (1701-1800)
	S.Omer, Bibliothèque de l'agglomération de Saint Omer [BM], Manuscrit 815 (1701-1800)
	Paris, Bibliothèque nationale de France [BNF], Collection PICARDIE 153 (1701-1800)
	Paris, Bibliothèque nationale de France [BNF], Collection PICARDIE 233 (1701-1800)

EDITIONS AND SECONDARY LITERATURE

Editions	HALPHEN L.-LOT F.. Recueil des Actes de Lothaire et de Louis V, rois de France (954-987) (Chartes et Diplômes relatifs à l'Histoire de France), Paris, 1908., n.15, p.32-35, LINK LINK
Secondary literature	HALPHEN L.-LOT F.. Recueil des Actes de Lothaire et de Louis V, rois de France (954-987) (Chartes et Diplômes relatifs à l'Histoire de France), Paris, 1908., p.32, LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 1, p.368, LINK LINK