‹
›
return to all results
| DiBe ID | 5202 |
| ACTORS |
|
Issuer(s)
(= author) |
Function/title:
count/countess Name: Theoderic of Alsace Institution/jurisdiction: Flanders Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Theoderic of Alsace Institution/jurisdiction: Flanders Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
monastic house Name: Leo abbot Institution/jurisdiction: S.Omer (S.Bertin) Diocese: Diocese Thérouanne Principality: Flanders Religious order: Benedictines |
| DATE |
|
Scholarly dating
(preferential) |
/6/1147 (terminus ante quem - DE HEMPTINNE-VERHULST) |
|
Scholarly dating
(any) |
/6/1147 (terminus ante quem - DE HEMPTINNE-VERHULST) Scholarly qualification: - |
| 1/1/1147 (terminus post quem - DE HEMPTINNE-VERHULST) Scholarly qualification: - | |
| //1147 (donnée par document / mentioned in document - ) Scholarly qualification: - | |
| //1200 (approximation - BERNARD) Scholarly qualification: INTERPOLATION | |
|
Date in the charter
|
//1147 |
|
Place-date (in the text) |
|
|
Place-date (normalised) |
Diocese: Principality: |
| SUMMARY AND DESCRIPTION |
| Summary | ratifie les privilèges et les possessions de l'abbaye (énumération) |
|
Description
|
Language:
Latin Authenticity: suspected document Textual tradition: copy (records) Nature of the charter: charter |
| FULL TEXT OF CHARTER |
| Theodericus dei gratia comes Flandrarum uenerabilii Sithiensis cenobii Leoni abbati eius que uniuersis successoribus regulariter substituendis in perpetuum. Cum unius sint mercedis et premii et hi qui ecclesiasticas possessiones uel substantias cotidie iure tuentur dei et hi qui eas largiuntur usibus fidelium ex deuotione fidei ego prenominati abbatis precibus annuens notum fieri uolo cunctis successoribus meis me concessisse et reconfirmasse uniuersa que predecessorum meorum liberalitate uel principum simul et uulgarium munificentia ecclesie sancti Bertini usque in presens sunt collata quatinus eiusdem cenobii fratres ea cum quiete et securitate sub diuina mea que tuitione possidentes pro meis excessibus interuenientes me mea que omnia suis precibus deo et uerbo gratie eius commendent. Statuimus igitur ut quicumque aduocatus fuerit eiusdem ecclesie iuxta institutum Balduini Insulani iturus in regalem expeditionem semel in anno unum baconem et unam pensam caseorum et unum sommarium uel pro his unam marcam argenti ab abbate accipiat et singulis annis de unaquaque terra ipsius uille de Arkas dimidiam firtalem auene habeat eo pacto ut nil umquam de eadem uilla qualicumque causa exigat aut accipiat et ut ecclesie oportunum sue defensionis auxilium non subtrahat. De spacio uero atrii uel curtis eiusdem cenobii et submanentibus uel seruientibus monachorum qui in oppido Sancti Audomari et in comitatu aduocati hospitantur quod in prefati comitis priuilegio prefixum est per omnia tenendum firmiter censemus. Insuper uero totam palustrem terram inter Arkas et Vetus Monasterium et uetustam Mere ad ius sancti Bertini perpetuo pertinere censuimus. Preterea instituimus ut in cunctis parrochiis quas in castellaria de Brodburch sanctus Bertinus habet in Flandria quicquid decime de noua terra siue per secessum maris siue ex palustribus locis et nunc et in futurum accreuerit inde duas garbas hereditario iure beatus Bertinus una cum decimatione de berquariis uel uaccariis possideat. De libertate uero comitatus de Arkas et de pascuis porcorum uel pecorum et de palustri terra que eidem uille circumiacet et de terminis quibus terminatur et de his que infra terminos aliquid utilitatis habere uidentur et de uilla Wiserna cum tota arabili terra et wastina que extenditur usque ad terminos de Edekin et Longanessa et de ceteris omnibus que priuilegiis senioris Rodberti aui mei continentur quicquid conseruandum et habendum ecclesie sancti Bertini idem comes sanciuit nos quoque immutabili possessionis iure tenendum decernimus. Preterea comitatum de terra et de summanentibus uel hospitibus quos sanctus Bertinus habet in castellaria de Brodburch liberum confirmamus ea uidelicet libertate quam Balduinus et Karolus predecessores mei tempore Lamberti atque Iohannis abbatum post multas controuersias inter illos et Theinardum castellanum habitas cartis sigillatis ecclesiam sancti Bertini habendam iudicio baronum determinauerunt ut scilicet sanctus proprios scabinos haberet per quos de scultedum id est de furibus de latrociniis ac prorsus de omni lege et forisfactura tam maxima quam infima placitaret. Homines etiam sancti de comitatu suo in Brodburch nullum opus quod banwerc uocant operari debent nisi ubi homines mei ex communi indictu operantur et si moniti homines sancti Bertini operari neglexerint forisfactum eorum per iusticiam abbatis recipiatur. Homines autem sancti Bertini de Poparingehem ab omni banwerc in castellaria Furnensi liberos esse significamus. Et quoniam ministeriales uillarum sancti Bertini multas et magnas iniusticias sepius in suis ministeriis faciunt homines sancti depredando contra uoluntatem monachi procurationem uille habentis et sine iudicio scabinorum coactas petitiones faciendo et plus quam decimum nummum de placitis que ad abbatem pertinent ecclesie uiolenter auferendo ratam et inconuulsam decernimus conuentionem olim inter Lambertum abbatem et Lambertum ministerialem de Poparingehem teste capitulo coram ecclesie hominibus carta et sigillo sancti Bertini confirmatam eandem que legem de ceteris ministerialibus ecclesie tenendam auctorizamus ut scilicet nullus eorum uel per hereditariam successionem uel in feodum habeat suum ministerium nec alio modo quam abbati uel ecclesie dare placuerit et ministerialis de Poparingehem decimum nummum tantum secundum prefatam conuentionem de placitis iure suo accipiat. Censum etiam de Oio et de uilla Sancti Audomarikerka et aliis parrochiis que ad eundem censum pertinent et omnem elemosinam in censu de tota Flandria quem ecclesia sancti Bertini ab antiquo predecessorum meorum largitione possidet. Censum similiter de mansuris quem ecclesia sancti Bertini ab antiquo et deinceps in burgo Sancti Audomari perpetuo obtinendum possidet necnon de eisdem mansuris debitum quod uulgo relif dicitur quod in V solidis ab his qui aliis morientibus in possessionem succedunt dari statutum est iure nihilominus hereditario ecclesie beati Bertini libere et quiete possidendum confirmamus. Huius confirmationis testes subscripti aderant presentes Sibilla comitissa Balduinus filius eius Rogerus prepositus Brugensis Gerardus prepositus Sancti Audomari Gislebertus castellanus Bergensis Walterus castellanus Sancti Audomari Radulfus castellanus Brugensis Henricus castellanus de Broburc Anselmus dapifer Michael constabularius Razo pincerna Eustachius camerarius Osto miles templi Robertus miles templi Elenardus aduocatus Arnoldus aduocatus Hugo de Rauenesberge Rainaldus de Bekanes Balduinus botel Oliuerus de Arkas Eustachius de Stenuorda Radulfus de Poparingehem. Actum anno M° C° XL° VII° indictione X concurrente II epacta XVII. | |
| Source | DE HEMPTINNE TH.-VERHULST A. 1988 |
| TRADITION |
| EDITIONS AND SECONDARY LITERATURE |
|
Editions
|
DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., n.109, p.174-178, |
| Secondary literature | BERNARD P.. Etudes critiques sur les chartes des comtes de Flandre pour l'abbaye de Saint-Bertin, dans: Ecole nationale des Chartes. Positions des Thèses, Paris, 1923, p.5-13., p.8-13, |
| DE HEMPTINNE TH.-VERHULST A.. De oorkonden der graven van Vlaanderen (juli 1128-september 1191) II. Uitgave. Band I: regering van Diederik van de Elzas (juli 1128-19 januari 1168) (Koninklijke Academie van Belgie. Koninklijke Commissie voor Geschiedenis. Verzameling van der Akten der Belgische Vorsten), Brussel, 1988., p.174, | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.2, p.1240, LINK LINK | |
| VREDIUS O.. Sigilla comitum Flandriae et inscriptiones diplomatum ab iis editorum cum expositione historica Olivari Vredi Iuris-consulti Brug., Brugis Flandrorum, 1639., p.17, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
