Diplomatica Belgica - Record 426

DiBe ID

426

ACTORS

Issuer(s)
(= author)

Function/title: count/countess
Name: Baldwin IX of Constantinople
Institution/jurisdiction: Flanders-Hainaut
Diocese: Diocese Tournai
Principality: Flanders
Religious order:

Author(s) of the actio juridica

(= disposer)

Function/title: count/countess
Name: Baldwin IX of Constantinople
Institution/jurisdiction: Flanders-Hainaut
Diocese: Diocese Tournai
Principality: Flanders
Religious order:

Beneficiary(ies)

(= recipient)

Function/title: monastic house
Name: John III abbot
Institution/jurisdiction: S.Omer (S.Bertin)
Diocese: Diocese Thérouanne
Principality: Artois
Religious order: Benedictines

DATE

Scholarly dating (preferential)	29/12/1200 (nouveau style / new style - PREVENIER)
Scholarly dating (any)	29/12/1200 (nouveau style / new style - PREVENIER) Scholarly qualification: -
	29/12/1201 (donnée par document / mentioned in document - ) Scholarly qualification: -
	//1192 (approximation - COPIE S.OMER 803/364) Scholarly qualification: -
	29/12/1201 (date impossible / impossible date - DE VLAMINCK/DEHAISNES-FINOT) Scholarly qualification: -
Date in the charter	29/12/1201
Place-date (in the text)	Ypre
Place-date (normalised)	Ypres (BELGIË, Vlaams Gewest, West-Vlaanderen) Diocese: Diocese Thérouanne Principality: Flanders

SUMMARY AND DESCRIPTION

Summary	confirme à l'abbaye ses privilèges et ses possessions (énumération)
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


In nomine sancte et indiuidue trinitatis amen. Balduinus Flandrie et Hannonie comes Iohanni abbati monasterii sancti Bertini eius que successoribus et fratribus presentibus et futuris in perpetuum. Quoniam antecessorum meorum in bonis uestigia imitari debeo et elemosinas ab eis maxime religiosis locis collatas non solum approbare sed etiam conseruare et modis omnibus defendere per dei gratiam intendo. Eapropter uestris iustis postulationibus annuens quascumque possessiones quecumque bona antecessores mei comites Flandrie uel homines eorum maxime temporibus illustrium Flandrie quondam comitum Theoderici aui mei et Philippi auunculi mei ecclesie uestre in elemosinam dederunt uobis et per uos monasterio uestro perpetuo possidenda presentium auctoritate confirmo. In quibus hec propriis placuit designari nominibus siluam de Wluerdingha cum fundo et comitatu et wastinis et ceteris appendiciis suis que extenditur a palude que subiacet Uetus Monasterium usque ad siluam ecclesie Watinensis cuius silue maiorem partem pie memorie predictus comes Philippus auunculus meus uobis partim in concambium partim in elemosinam dedit partem uero aliam et quicquid iuris in eadem parte silue et eius appenditiis Balduinus de Haueskerka et Gislebertus de Haueskerka habebant per manum patris mei et matris mee de eorum consensu ad opus ecclesie uestre tytulo elemosine legitime reddiderunt. Quod quia pater meus et mater mea uobis liberaliter concesserunt et dederunt ego quoque non solum predictam partem nemoris sed etiam totam integre siluam sicut auctentica scripta predicti auunculi mei Philippi comitis et patris mei et matris mee ecclesie uestre confirmant in perpetuum libere uobis habendam et possidendam concedo et ut nullus nisi uos in eadem silua fundo et comitatu aliquid sibi iuris uendicet uel presumat presenti scripto confirmo. Quicquid etiam predictus Gislebertus de Haueskerka de feodo meo uel de feodo castellani de sancto Audomaro inter Uetus Monasterium et montem de Watenes ex una parte et inter fluuium Agnionam usque in montem ultra uetus uiuarium cum ipso uiuario sicut riuulus de Fonte sancti martini descendens diuidit cum ipso riuulo ex altera parte in terris et quibuslibet rebus mobilibus et immobilibus uobis uendidit concambiuit uel in elemosinam dedit cum fundo et comitatu et insuper circiter tres mensuras terre et dimidiam quas ab eodem Gisleberto acquisistis ad conducendam aquam uersus molendinum uestrum ita quod a festo sancti Michaelis usque ad dimidium martium stancam unde aqua descendit poteritis reparare et in prato super stancam eodem termino aquam iuxta uoluntatem uestram congregare et hoc quia sepedictus Gislebertus sicut inter uos et ipsum condictum fuit tenetur uobis liberum facere et conseruare tam hoc quam predicta omnia nichilominus uobis confirmo statuens et precipiens sicut in presentia patris mei et matris mee sepenominatus Gislebertus concessit ne uel ipse uel heredes eius aliquo tempore edificent uel habere possint inter predictos terminos et ecclesiam de Ledersela mansionem aliquam nec eisdem terminis propius edificando accedant quam antiqua domus eiusdem Gisleberti prope Niwerled fuit edificata. Terram etiam quam a castellano sancti Audomari. Inter Uetus Monasterium et Watenes cum fundo et comitatu acquisistis et quicquid de feodo eiusdem castellani acquisitum et auctenticis cartis castellanorum confirmatum habetis similiter uobis et ecclesie uestre confirmo. Censum nichilominus de mansuris infra burgum sancti Audomari quem ecclesia uestra ab antiquo possedit et de eisdem mansuris releuamen quinque solidorum quod hii qui morientibus succedunt soluere debent iure hereditario libere et quiete possidendum uobis confirmo. Et quia auus meus Thodericus comes churram apud Arkas uobis habendam iurauit et homines suos iurare fecit concedo ut eandem perpetuo habeatis et ut pax et iusticia firmius in eadem uilla teneatur churremanni uestri uoluntate et assensu uestro et consilio hominum ecclesie uestre per emendationem semper legem churre affirmare poterunt et corroborare. In uilla etiam uestra Poperinghem churre reght sicut carta eiusdem aui mei testatur habeatis et forum in eadem uilla et in utraque uille consuetudines et libertates quas de comitatu et fundo et ministerialibus habetis. Possessiones quoque in terris paschuis aquis et molendinis seu aliis quibuslibet rebus et libertates quas auctentica scripta predecessorum meorum et maxime Roberti senioris et filii eius iunioris Roberti Balduini Karoli Theoderici aui mei et Philippi auunculi mei uobis confirmant ego quoque confirmo. Preterea concordiam et emptionem quam Godescalcus quondam monasterii uestri abbas cum Willelmo castellano sancti Audomari fecit super palude de Oudemunstre que extenditur a Kersegathe usque Elsled et palude de Houla et palude que iuxta Meram iacet extenta a cruce Niwerled usque Hindringheled habens unam mensuram in latitudine sicut auctentica carta comitis Philippi auunculi mei testatur ratam habeo et confirmo. A theloneo quoque pedagio et trauerso atque omni exactione et consuetudine sicut priuilegium auunculi mei Philippi comitis uobis indulget liberos uos esse decerno ex hiis dumtaxat que ad usum uestrum pertinere noscuntur. Tres quoque libras quas auunculus meus Philippus comes apud Furnes ad conficiendum sacramentum altaris uobis dedit et quinquaginta solidos quos apud Bruges de breuibus ab antiquo recipere consueuistis uobis confirmo. Omnes etiam cartas quas ab hominibus comitatus mei habetis elemosinas emptiones et quaslibet legitimas acquisitiones quas possidetis nichilominus uobis confirmo. Ut autem hec omnia perpetue confirmationis habeant uigorem presentem paginam sigilli mei auctoritate et eorum quorum subscripta sunt nomina testimonio placuit roborari. Testes Gerardus Flandrie cancellarius Brugensis sancti Audomari et Insulensis prepositus Willelmus Atrebatensis aduocatus Betunie et Tenremunde dominus Philippus de Aria Bernardus de Robais Alardus macharellus Willermus gonella Radulphus de Fleternes. Actum Ypre anno domini millesimo ducentesimo primo mense decembri quarto kalendas ianuarii.

Source	PREVENIER W. 1975

TRADITION

Original	No
Separate copies	Lille, Archives départementales du Nord [AD],
Manuscripts	S.Omer, Bibliothèque de l'agglomération de Saint Omer [BM], Manuscrit 578 ()
	Arras, Médiathèque Palais Saint-Vaast [BM], Manuscrit 204 ()
	Arras, Médiathèque Palais Saint-Vaast [BM], Manuscrit 1020 (1301-1500)
	S.Omer, Bibliothèque de l'agglomération de Saint Omer [BM], Manuscrit 803 (1701-1800)
	Lille, Archives départementales du Nord [AD], B 1489 ()

EDITIONS AND SECONDARY LITERATURE

Editions	ESPINAS G.. Recueil de documents relatifs à l'histoire du droit municipal en France des origines à la révolution: Artois (Société d'Histoire du Droit), 3 vol., Paris, 1934-1938-1943., 1, n.103 (édition fragmentaire), p.228-229,
	PREVENIER W.. De oorkonden der graven van Vlaanderen (1191-1206) (Publications de la Commission royale d'Histoire, Series I in 4°), 3 vol., Brussel, 1964-1971., 2, n.155, p.329-335,
Secondary literature	DE VLAMINCK A.. Cartulaire de la ville de Termonde, Gand, 1876., n.92, p.70,
	DEHAISNES C.-FINOT J.. Inventaire sommaire des archives départementales antérieures à 1790. Nord. Archives civiles. Série B: Chambre des comptes de Lille. Art. 653 à 1560, I, (2e partie), Lille, 1906., p.425, LINK LINK
	GODEFROY D.-J.. Inventaire chronologique et detaillé des chartes de la chambre des comptes a Lille, s.l., s.d., n.241, p.109,
	DE SAINT-GENOIS J.. Monuments anciens, essentiellement utiles à la France, aux provinces de Hainaut, Flandre, Brabant, Namur... et autres pays limitrophes de l'Empire: recueillis par le Cte Joseph de Saint-Genois, [s.l.], 1782-1804., I,1, p.496, LINK LINK LINK
	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.2, p.1294, LINK LINK
	RICHARD J.-M. . Inventaire sommaire des Archives départementales antérieures à 1790, Pas-de- Calais, Archives civiles, série A, 2 tomes, 1878-1887., 1, n.8, p.11, LINK LINK LINK