‹
›
return to all results
| DiBe ID | 3487 |
| ACTORS |
|
Issuer(s)
(= author) |
Function/title:
count/countess Name: Baldwin V of Lille Institution/jurisdiction: Flanders Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Baldwin V of Lille Institution/jurisdiction: Flanders Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
monastic house Name: Bouo abbot Institution/jurisdiction: S.Omer (S.Bertin) Diocese: Diocese Thérouanne Principality: Flanders Religious order: Benedictines |
|
Function/title:
advocate/ecclesiastical advocate Name: Gerbodo Institution/jurisdiction: S.Omer (S.Bertin) Diocese: Diocese Thérouanne Principality: Flanders Religious order: |
| DATE |
|
Scholarly dating
(preferential) |
//1227 (terminus ante quem - BERNARD) |
|
Scholarly dating
(any) |
6/1/1056 (donnée par document / mentioned in document - ) Scholarly qualification: - |
| //1227 (terminus ante quem - BERNARD) Scholarly qualification: FORGERY | |
| //1167 (terminus post quem - BERNARD) Scholarly qualification: FORGERY | |
| //1065 (date impossible / impossible date - VREDIUS) Scholarly qualification: - | |
|
Date in the charter
|
6/1/1056 |
|
Place-date (in the text) |
in villa sancti Audomari in basilica Sancti Petri |
|
Place-date (normalised) |
S.Omer (S.Bertin) (FRANCE, Hauts-de-France, Pas-de-Calais)
Diocese: Diocese Thérouanne Principality: Flanders |
| SUMMARY AND DESCRIPTION |
| Summary | détermine les droits que les avoués de l'abbaye possédaient dans la "villa" d'Arques et reconnaît plusieurs droits de l'abbaye (énumération) |
|
Description
|
Language:
Latin Authenticity: document regarded as a forgery Textual tradition: copy (records) Nature of the charter: charter |
| FULL TEXT OF CHARTER |
| In nomine patris et filii et spiritus sancti. Ego Balduinus dei gratia Flandrensium comes reputans me cum nobis plus aliis in hoc mundo occupatis magis necessaria esse sanctorum patrocinia optimum duxi non solum nostra largitate eorumdem sanctorum dei exteriora augeri bona uerum etiam ab omni oppressione et iniusticia defendendo integra conseruare ab aliis collata uel conseruata et in melius restituere quęque male instituta uel deprauata. Unde notum facio omnibus presentibus et futuris me in uilla sancti Bertini que dicitur Arkas prauas et nimis iniustas quasdam exactiones que uiolentia et oppressione malorum quorumdam aduocatorum uidebantur surrexisse humili et obnixa postulatione abbatis Bouonis penitus extirpasse. Quidam enim aduocati nomen usurpantes et ecclesiam quam tueri et defendere omnino deberent quantum in ipsis erat uersa uice opprimere uolentes dicebant se in prenominata uilla Arkas semel uel bis in anno debere hospitari et quecunque sibi suis que necessaria essent ab eiusdem uille hominibus procurari. Insuper uero ibidem uolebant petitionem annuatim quasi ex debito facere et adhuc quedam alia que nulla ratione poterant uera comprobare. Unde inter aduocatos et abbates ecclesie sancti Bertini graues dissensiones frequentes altercationes orte sunt. Cum uero tante iniurie abbates nullatenus uellent adquiescere nouissime tempore predicti abbatis Bouonis et Gerbodonis aduocati eo usque hac de causa scandalum processit ut dum homines illius in uindictam ac gratiam domini sui quemdam ipsius abbatis monacum nomine Albricum ex iniuncta ei obedientia Arkas uenientem nimis crudeliter apprehensum precisis genitalibus deturpare cogitarent satis inhumane penitus ei uitam auferrent. Quocirca ut omnis controuersia et querela inter abbatem et aduocatum que de prefata uilla orta est imperpetuum sopiatur me mediante et utriusque assensu super hoc concordante prędicti uidelicet abbatis et aduocati statui cum optimatum meorum consilio ut quicunque aduocatus fuerit in regalem expeditionem iturus unum baconem et unam pensam caseorum et unum equum ad somarium uel pro his unam marcham argenti ab abbate accipiat et singulis annis de unaquaque terra ipsius uille dimidiam firtalam auene sine omni contradictione habeat eo pacto atque conditione ut nil unquam amplius de eadem uilla qualicunque causa uel machinatione exigat aut accipiat et ut abbati si indiguerit oportunum sue defensionis auxilium non subtrahat. Hiis ita statutis atque concessis illud quoque hic subscribi uel determinari placuit quomodo interueniente Drogone Taruanensium episcopo et iam dicto abbate Bouone et Gerbodone aduocato assensum prebente spatium mensure atrii siue curtis cęnobii sancti Bertini ita diuisimus scilicet ut usque ad medium fluuii Agnione quo circumfluente idem cenobium cingitur spatium mensure atrii eiusdem siue curtis in circuitu protendatur et infra manentes ab omni seculari potentia et iusticia liberi sedeant abbati tantum de componenda cuiuscunque negocii sui causa rationem reddant. Que diuisio siue institutio ut maiori auctoritate fulciretur corpora sanctorum naui imposita predictum per fluuium in pręsentia nostra circumduci fecimus episcopo Drogone ab ipsa naui aquam benedictam uersus atrium proiiciente et hoc modo quantum prędictum est spacii in liberam potestatem sancti Bertini uendicante. Insuper de pascuis porcorum uel pecorum uille de Arkes in uicina silua Ruhould dicta antiquo iure pascentium antiquarie carte dicte ecclesie assentiens annui ut nullus alius nisi abbas aut prepositus uel missus ipsius ecclesie inde exigat quicquid pro respectu siluestris pasture exigendum et accipiendum est. Pascuum quoque porcorum uel pecorum que inter burgenses sancti Audomari et uillam Arkas uulgo dictum Suinard iacet palustrem etiam terram ex integro que inter arabilem terram de Arkas et uetus monasterium et in oriente inter uetus Fossatum in silua et in Hindringeld et uetustam mere atque in occidente inter Esled et Kesgale necnon Morlaka et Simonis Led iacere dinoscitur predicto Gerbodone aduocato concedente quia sancto Bertino uiuenti in corpore tradita fuerat et usque ad hec tempora ecclesia ipsius sancti absque contradictione qualibet libere et inconcusse possedit ac quidquid infra prenotatos terminos in piscariis pratis pascuis siue in aliorum terris in presenti utilitatis est uel quolibet modo accreuerit in futurum predicte ecclesie propriis usibus profuturum confirmo ita sane ut nulli hominum liceat inde sibi quidquam iuris uendicare nisi quod per uoluntatem abbatis et capituli legitime optinuerit. De submanentibus autem et seruientibus abbatis et monacorum qui in oppido sancti Audomari et in comitatu aduocati hospitantur dispositum atque stabilitum est a me ut omni anno in natali domini modium frumenti ab abbate persoluatur et sic ab omni infestatione liberi maneant et quieti nisi aliquis illorum palam inuentus fuerit uim fatiens uel furti reus siue quemlibet percutiens aut similium legum preuaricator. Preterea institui sub excommunicatione predicti Drogonis episcopi ut in cunctis parrochiis quas sanctus Bertinus habet in castellaria de Broburg in Flandria quitquid decime de noua terra uel per secessum maris uel ex locis palustribus et nunc et in futurum accreuerit inde duas garbas hereditario iure sanctus Bertinus possideat una cum decimatione de berquariis et uaccariis. Hanc uero cartam in presentia omnium recitari fecimus cunctis que assensum prebentibus tandem eam sigilli nostri impressione subter signauimus. Quicunque uero suadente diabolo horum omnium confirmationem futuris temporibus in aliquo uiolare presumpserit accusante se sua iniquitate conuictus quinque libras auri principi terre persoluere cogatur et irritum fiat quod inique presumpsit. Acta est hec confirmatio a me Balduino Flandrensium dei gratia marchione anno dominice incarnationis millesimo quinquagesimo sexto indictione nona regnante Henrico Francorum rege in uilla sancti Audomari in basilica sancti Petri die sancto epiphanie astantibus huius rei testibus strenuis uiris quorum nomina subter tenentur inserta. Signum Balduini incliti marchionis. Signum Drogonis episcopi Taruanensis. Signum Gerardi Cameracensis episcopi. Signum Bouonis abbatis. Signum Leduini abbatis. Signum Eustatii comitis. Signum Rogeri comitis. Signum Ingelramni comitis. Signum Roberti de Bethunia. Signum Rodulfi Gandensis. Signum Elgoti Attrebatensis. Signum Gerbodonis aduocati. Signum Anselmi. Signum Alolfi de Hesdin. Signum Eluardi militis. Signum Huberti militis. Signum Walteri militis. Signum Christiani scriptoris huius priuilegii. | |
| Source | GUERARD B. 1840 |
| TRADITION |
| EDITIONS AND SECONDARY LITERATURE |
|
Editions
|
GUERARD B.. Cartulaire de l'abbaye de Saint-Bertin. Cartulaires de Folcuin et de Simon (Collection des Cartulaires de France, 3), Paris, 1840., n.14, p.184-187, LINK LINK |
| Secondary literature | BERNARD P.. Etudes critiques sur les chartes des comtes de Flandre pour l'abbaye de Saint-Bertin, dans: Ecole nationale des Chartes. Positions des Thèses, Paris, 1923, p.5-13., p.7, 9-12, |
| ESPINAS G.. Les origines du capitalisme. III: Deux fondations de villes dans l'Artois et la Flandre française (Xe-XVe siècles): Saint-Omer, Lannoy-du-Nord (Bibliothèque de la Société d'Histoire du Droit des Pays flamands, picards et wallons,16), Lille-Paris, 1946., p.193-198, | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 7, n.2, p.1218, LINK LINK | |
| VREDIUS O.. Sigilla comitum Flandriae et inscriptiones diplomatum ab iis editorum cum expositione historica Olivari Vredi Iuris-consulti Brug., Brugis Flandrorum, 1639., p.4, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
