‹
›
return to all results
| DiBe ID | 266 |
| ACTORS |
|
Issuer(s)
(= author) |
Function/title:
count/countess Name: Baldwin VII Hapkin Institution/jurisdiction: Flanders Diocese: Diocese Tournai Principality: Flanders Religious order: |
|
Author(s) of the actio juridica (= disposer) |
Function/title:
count/countess Name: Baldwin VII Hapkin Institution/jurisdiction: Flanders Diocese: Diocese Tournai Principality: Flanders Religious order: |
|
Beneficiary(ies)
(= recipient) |
Function/title:
monastic house Name: Lambert abbot Institution/jurisdiction: S.Omer (S.Bertin) Diocese: Diocese Thérouanne Principality: Flanders Religious order: Benedictines |
| DATE |
|
Scholarly dating
(preferential) |
12/4/1119 (terminus ante quem - HUYGHEBAERT) |
|
Scholarly dating
(any) |
12/4/1119 (terminus ante quem - HUYGHEBAERT) Scholarly qualification: - |
| 17/6/1119 (terminus ante quem - VERCAUTEREN/WAUTERS) Scholarly qualification: - | |
| /1/1119 (terminus post quem - WAUTERS) Scholarly qualification: - | |
| //1119 (donnée par document / mentioned in document - ) Scholarly qualification: - | |
|
Date in the charter
|
//1119 |
|
Place-date (in the text) |
apud Ariam |
|
Place-date (normalised) |
Aire-sur-la-Lys (FRANCE, Hauts-de-France, Pas-de-Calais)
Diocese: Diocese Thérouanne Principality: Flanders |
| SUMMARY AND DESCRIPTION |
| Summary | confirme la charte de Baudouin V , comte de Flandre relative à l'immunité du domaine d'Arques et aux dîmes de la châtellenie de Bourbourg , et cède la juridiction sur les terres et les manants de cette châtellenie |
|
Description
|
Language:
Latin Authenticity: unsuspected document Textual tradition: copy (records) Nature of the charter: charter |
| FULL TEXT OF CHARTER |
| In nomine sancte et indiuidue trinitatis. Ego Balduinus dei gratia Flandrensium marchisus filius Roberti comitis qui sepulcrum domini et Ierusalem cum ceteris principibus militie christianorum deo cooperante armis suis deuicit plurimum saluti mee prodesse confido si in hac breui et mortali uita loca sanctorum eis que die noctu que seruientes contra prauorum hominum incursus iuxta potestatem a deo michi concessam tueri ac defendere non negligo quatinus apud omnipotentis dei misericordiam eosdem sanctos pro excessibus meis tam in uita quam in morte habeam intercessores. Quocirca omnibus notum esse cupimus me ad petitionem Lamberti abbatis aecclesie sancti Bertini concessisse ut cartam quam proauus meus Balduinus Insulanus de immunitate uille Arkas et decimatione Brodburgensis castellarie eidem loco firmauerat ego quoque his meis temporibus renouarem. Cuius postulationi clementer annuentes omnia que in eadem carta continentur nos modis omnibus renouando confirmamus et ut nullus aduocatorum nullus hominum nisi per abbatem homines predictae uille capiat aut distringat seu bona eorum deripiat et presertim ut in omnibus parrochiis quas sanctus Bertinus habet in castellaria Brodburc. Quicquid decime de noua terra siue per secessum maris siue ex palustribus locis et nunc et in futurum accreuerit inde duas garbas hereditario iure beatus Bertinus possideat una cum decimatione de berquariis et uaccariis. Preterea uero quia pater meus locum illum diligens ordine ac religione ibidem instaurata fratrem meum Vuilelmum eodem in loco sepeliuit iccirco pro remedio anime mee et patris ac fratris mei trado in elemosinam beato Bertino et abbati Lamberto ac successoribus eius comitatum de terra et de submanentibus siue hospitibus quos sanctus Bertinus habet in predicta castellaria sic tamen ut ubi hospites comitis qui super uaccarias et berquarias eius manent per kerkebode ierint ibi quoque hospites sancti Bertini eant. Si quis autem remanserit forisfacturam illam que ad hoc pertinet aut per se aut per nuntium suum abbas comiti persoluet ipse que hoc damnum super hospites suos recuperabit. De terris uero quas sanctus Bertinus habet que banwerk debent concessi ut de unaquaque terra duo solidi singulis annis ab abbate comiti persoluantur. Insuper eciam pro quiete et pace aecclesie iudices proprios quos uulgos scabinos uocant abbas ibidem habebit per quos tam de alta quam de infima lege libere et sine contradictione placitabit. Denique si pro salute anime sue quilibet terram sancto Bertino tradiderit totum illud quod prenominata terra comiti debet abbas persoluet. De illa nichilominus terra que militem debet in expeditionem comitis et de somario similiter abbas singulis annis quatuor solidos dabit ubi comes iusserit. Ut ergo huius donationis nostre karta tempore successorum meorum rata et inconuulsa permaneat non solum sigillo nostro corroborauimus sed etiam anathematis innodatione ne quis eam infringere presumat excommunicari fecimus et eos qui interfuerunt tam clericos quam laicos ad testimonium subterscribi precepimus. Signum domni Iohannis uenerabilis Morinorum episcopi qui presentis karte nostre concessionem et donationem sub excommunicatione confirmauit. Signum etiam mei scilicet Balduini Flandrie comitis ad maiorem astipulationem annotari iussi. Signum Heriberti archidiaconi. Signum Walteri archidiaconi. Signum Iohannis prepositi de Aria. Signum Otgeri tunc prepositi de sancto Audomaro. Signum Karoli regis Danorum filii. Signum Teinardi castellani de Brodburc. Signum Heinrici filii eius. Signum Willelmi castellani sancti Audomari item signa- ministerialium de Brodburgensi castellaria. Signum Symonis uice comitis. Signum Lamberti ministri de Drenkeham. Signum Rodulfi amman de Sancti. Folquinikerca signum Alfgeri amman de sancto Georgio. Signum Bernuldi amman de Brodburc. Signum Regemari amman de Lo. Item signum Osmundi de Sancti. Audomari kerca actum apud Ariam anno dominice incarnationis MCXVIIII indictione XII-a. Quicumque ergo hanc nostre donationis kartam quolibet ingenio infringere temptauerit VI libras auri principi terre persoluat. | |
| Source | VERCAUTEREN F. 1938 |
| TRADITION |
| EDITIONS AND SECONDARY LITERATURE |
|
Editions
|
VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., n.87, p.194-197, |
| Secondary literature | HUYGHEBAERT N.. Observations sur la date de quelques chartes rédigées à la prévôté de Voormezele dans le premier quart du XIIe siècle, dans: Bulletin de la Commission royale d'Histoire, 145 (1979), p.115-140., p.126, |
| VERCAUTEREN F.. Actes des Comtes de Flandre (1071-1128) (Publications de la Commission royale d'Histoire, Series I in 4°), Bruxelles, 1938., p.194, | |
| WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 2, p.96, LINK LINK | |
| VREDIUS O.. Sigilla comitum Flandriae et inscriptiones diplomatum ab iis editorum cum expositione historica Olivari Vredi Iuris-consulti Brug., Brugis Flandrorum, 1639., p.9, LINK LINK | |
| VREDIUS O.. Sigilla comitum Flandriae et inscriptiones diplomatum ab iis editorum cum expositione historica Olivari Vredi Iuris-consulti Brug., Brugis Flandrorum, 1639., Additiones, LINK LINK | |
| DET DANSKE SPROG- OG LITTERATURSELSKAB. Diplomatarium Danicum, Ressource éléctronique, nr. 11199999001, LINK LINK |
ISSN 2295-5011
© Copyright Commission royale d'Histoire/Koninklijke Commissie voor Geschiedenis 2015
© Copyright Commission royale d'Histoire/Koninklijke Commissie voor Geschiedenis 2015
