Diplomatica Belgica - Record 23244

Diplomatica Belgica - Record 23244

DiplomataBelgica

colophon | about | copyright | contact | version française

Search | Tradition Search

DiBe 1 of 1

‹

›

return to all results

DiBe ID

23244

ACTORS

Issuer(s) (= author)	Function/title: lord (of a seigniory) Name: Sigerus I of Enghien Institution/jurisdiction: Enghien Diocese: Diocese Cambrai Principality: Hainaut Religious order:
Author(s) of the actio juridica (= disposer)	Function/title: other Name: Angilbertus II Institution/jurisdiction: Enghien Diocese: Diocese Cambrai Principality: Hainaut Religious order:
	Function/title: lord (of a seigniory) Name: Sigerus I of Enghien Institution/jurisdiction: Enghien Diocese: Diocese Cambrai Principality: Hainaut Religious order:
Beneficiary(ies) (= recipient)	Function/title: monastic house Name: Institution/jurisdiction: Cambron Diocese: Diocese Cambrai Principality: Hainaut Religious order: Cistercians

DATE

Scholarly dating (preferential)	1/8/1246 (donnée par document / mentioned in document - )
Scholarly dating (any)	1/8/1246 (donnée par document / mentioned in document - ) Scholarly qualification: -
Date in the charter	1/8/1246
Place-date (in the text)
Place-date (normalised)	Diocese: Principality:

SUMMARY AND DESCRIPTION

Summary	le seigneur d'Enghien / Edingen confirme les dons de biens situés à Ronquières , Angilbertus II , son père , avait faits à l'abbaye de Cambron , et les autres acquisitions effectuées par ce monastère dans ce village
Description	Language: Latin Authenticity: unsuspected document Textual tradition: copy (records) Nature of the charter: charter

FULL TEXT OF CHARTER


Ego Sygerus dominus de Aengien, notum facio uniuersis presentes litteras inspecturis quod cum bone memorie uir nobilis dominus et pater meus Engelbertus, quondam dominus de Aengien, totam terram suam et nemus de Boutegnies, sita in parrochia de Ronkieres per consensum meum et Iacobi fratris mei militis, ecclesie beate Marie de Camberone perpetuo possidenda contulisset sub annuo censu, uidelicet pro quolibet bonario ad magnam uirgam XX-ti pedum uno modio bladi, mediatim scilicet duri bladi et mediatim auene ad mensuram Montensem; et idem pater meus Egelbertus dicto I. Fratri meo dictum censum, ualoris circiter triginta et quinque modiorum per singulos annos, mediatim ut dictum est duri bladi, et mediatim auene, de assensu meo dedisset, predictus quoque Iacobus de consensu iam dicti patris me et meo nichilominus beneplacito et assensu, memoratum censum supradicte Camberonensi ecclesie in puram elemosinam contulisset iure perpetuo possidendum, et preterea cum dictus Iacobus eidem ecclesie Camberonensi de assensu patris mei et meo quicquid possidebat in terris, siluis, aquis et pratis, in territorio de Lembeke, in loco qui uulgariter dicitur de Houtain, ad ualorem circiter XX-ti et VII bonariorum perpetuo possidenda dedisset. Item quod cum Henricus dictus uicecomes de Ronkieres totam decimam quam habebat in parrochia de Ronkieres, in qua Camberonensis ecclesia ius patronatus et personatus habere dinoscitur de predicto patre meo teneret in feodum et eamdem decimam de assensu eiusdem patris mei et meo in manus bone memorie domni Sygeri tunc abbatis de Camberone ad opus eiusdem ecclesie reportasset ab eadem ecclesia perpetuo possidenda, et pro dicto feodo decime antedicte ad arbitrium et consensum eiusdem Henrici uicecomitis et prenominati patris mei et meum, condigna facta esset recompensatio ab ecclesia memorata, confirmatione pie memorie domini Godefridi tunc Cameracensis episcopi et mea subsequta sic . Postmodum uero cum patre meo sublato de medio super antedictis inter me et dictam ecclesiam Camberonensem questio uerteretur, ad instantiam proborum uirorum. Duo pro oculis habito, iusticie et pacis intuitu, predicta omnia et singula prout superius sunt expressa de assensu eorum quorum Intererat predicte Camberonensi ecclesie recognoui, laudaui et approbaui, libere et quiete in perpetuum possidenda. Preterea cum dicta ecclesia in predicta parrochia de Ronkieres circiter LX-ta et nouem bonaria terre censualis acquisierit, et multo iam tempore possederit, ego ut predictam terram in perpetuum libere et pacifice possideat, meum prebui et prebeo benigne consensum. Similiter cum eadem ecclesia molendinum quoddam ut torcular in uilla de Ronkieres construxerit, consentio, laudo et approbo, ut ea dicta ecclesia libere et pacifice in perpetuum iure hereditario possideat, concedens fauorabiliter ut hospites dicte ecclesie ad dictum molendinum et ad dictum torcular accedant ad molendum et ad torculandum, et ad faciendum quicquid sibi et dicte ecclesie uiderint expedire. Omnia autem prenominata uolo et decerno libera esse, et quitta in perpetuum ab omni angaria, perangaria, corueia et exactione, saluis tamen mihi annuis censibus in quibus dicta ecclesia mihi tenebatur et adhuc teneri cognoscitur, et iusticiis meis. Super allodium uero quod tenet dicta ecclesia Camberonensis in uilla de Ronkieres, quod scilicet Dos Ecclesie appellaretur, habeo omnem iusticiam, sanguinem, burinam et pugnas. Hoc tamen ecclesia Camberonensis retinet sibi, quod de censibus et redditibus, de heredationibus et exheredationibus suis, de ingressu et egressu terrarum dicti allodii tractabit et faciet ius per suos hospites. Si uero contingat quod unus dictorum hospitum causam habeat contra alium, uel unus conquerat de alio, uel aliquis externeus conquerat de dictis hospitibus super catallis mobilibus debitis et eiusmodi, ad dictam ecclesiam pertinebit, tractare et ius facere de predictis. Quod si non fieret ex parte dicte ecclesie, antequam ego manum apponerem, moneretur magister curtis de Harrut ut ius faceret aut fieri faceret conquerenti sicut deberet. Quod si facere recusaret uel contempnet aut negligeret, tunc ego manum possem opponere et conquerenti iusticiam exhibere. Dictos autem hospites prefate ecclesie in expeditione potero ducere sed neque tallias neque corueias potero ab eis exigere, uel extorquare, dicti allodii ratione. Et per hec sopita est omnis questio, controuersia et querela, que mota erat uel que moueri poterat a me uel ab herede meo usque ad hanc diem contra ecclesiam sepedictam. Insuper promisi predicta omnia et, singula me firmiter obseruaturum in perpetuum, et super hiis omnibus et singulis firmiter obseruandis, me heredemque meum, et quemlibet successorem meum, tam singularem quam uniuersalem, eidem ecclesie legitime stipulanti in perpetuum obligatum reliqui. Super quibus omnibus et singulis obseruandis firmiter in perpetuum et tenendis, ego Sygerus et Walterus primogenitus filius meus ad instantiam ecclesie Camberonensis fidem et iuramentum corporaliter prestitimus, renuntiantes omni iuri tam canonico quam ciuili nobis super hiis uel super aliquo eorum competenti uel competituro. Acta sunt autem a me hec omnia et singula de consensu nobilis mulieris Alaidis, uxoris mee, et Walteri filii mei primogeniti, quorum sigilla cum sigillo meo ad perpetuam memoriam omnium predictorum litteris presentibus sunt appensa, uocatis ad hoc et in hoc consentientibus hiis quorum intererat et qui propter hoc fuerant euocandi, iuris ordine per omnia et in omnibus obseruato. Nos et abbas et conuentus dicte ecclesie de Camberone quum omnia premissa de consensu nostro facta sunt et ordinata, et ea uolumus firmiter obseruari et obseruare, in omnium predictorum testimonium et robur, presenti carte sigillum nostrum cum sigillis predictorum nobilium apposuimus. Actum et datum anno Domini M° CC° XL° VI°, die sancti Petri ad Uincula.

Source	DE SMET J.J. 1869

TRADITION

Original

No

EDITIONS AND SECONDARY LITERATURE

Editions	DE SMET J.J.. Monuments pour servir à l'histoire des provinces de Namur, de Hainaut et de Luxembourg (Publications de la Commission royale d'Histoire, Series I in 4°), II, Bruxelles, 1869., 2, n.33, p.582-584, LINK LINK LINK
Secondary literature	WAUTERS A.. Table chronologique des chartes et diplômes imprimés concernant l'histoire de la Belgique (Publications de la Commission royale d'Histoire, Series I in 4), 16 vol., Bruxelles, 1866-1971., 4, p.477, LINK LINK

Collaborator: Philippe Demonty